Ciidamo cusub oo hor leh oo ka soo goostay DFKMG ayaa soo gaaray qaar kamid ah deegaanada ay Maxaakiimtu ka taliyaan

Ciidamo ka tirsan kuwa DFKMG oo ka mid ahaa ciidamadii ku sugnaa xeradda Manaas ee gobalka Baay ayaa ka baxsaday xerooyinkii ay ku sugnaayeen ayagoo ku sii wajahan goobaha ay ka taliyan Maxakiimta Islaamiga ah ee Soomaaliya kuwaas oo dagaal xoogani kala dhaxeeyo dowlada ku meel gaarka ah.

Waxaa warku intaas ku daray in Ciidamaan oo ku sugnaa xerada Manaas ee gobalka Baay ayaa ka baxsaday ka dib markii ay u adkaysan waayeen nolosha halkaas ka jirta, waa sida warku u dhigay'e, oo ah mid aan lahayn wax daryeel ah waxayna ciidamadaas ka cabteen xagga nolosha oo ay sheegeen in ay tahay mid aad uliidata waxayna go'aansadeen in ay iskaga haajiraan ayagoo maciin bidaya dhanka Maxaakiimta.

Ciidamadaan oo tiradoodu gaarayso 110 askari oo sita hubka fudud oo ka kooban kan qoryo fudud iyo boobayaal ayaa ka soo fakaday xeradii ay ku xareysnaayeen, waxayna wararku sheegayaan in qaar kamid ah ciidamadaas ay soo gaareen deegaanka Buur-dhuubo ayagoo sheegay in kuwa kalana ay ku soo wajahan yihiin deegaanadaas iyo kuwo kale.

Waxayna sheegen in ay soo gaadhi doonaan waqtiyada soo socda oo ay raaciyeen in ciidamada intooda kale ay jidka ku soo jiraan oo ay soo kala hormareen oo kaliya, ayagoo kuwa soogaadhay Buur-dhuubo ay yihiin 15 askari, halka 85 ta kalana ay waqti yar ka dib ku soo aadan yihiin.

Ciidamadaan ayaa lagu soo dhaweeyay Buur-dhuubo markii ay soo gaadheen ayagoo daalan waxaana goosashada maleeshiyooyinkaan ka soo baxsaday xeradda Manaas ee gobolka Baay ayaa salka ku heysaa arrimo kala duwan sida ay sheegayaan wararka iyagoo uga baxsaday xeradaasi arrimo ay ka mid yihiin dhaqaalo darro iyo nolol xumo, iyadoo dagaalkii dhowaan ka dhacay degmada Diinsoor kaligood looga soo baxay oo aysan helin wax gurmad ah iyo taakulo midna.

Ma ahan markii ugu horeeysay ee ciidamo dowladu ka soo baxsadan dhanka dowlada ayagoo usoo baxsanaya dhanka Maxaakiimta, waxayna gaarayaan Ciidamada dowlada ee ka soo goostay dowlada ee soo gaaray dhanka Maxaakiimta ilaa in kabadan 500 oo askari iyo gawaari kuwa dagaalka ah .

Maxaakiimta oo ciidamadoodu ku sii jeedan degmada Tiyagloow ee Gobalka Bakool ayadoo ayna jirin kuwo dhanka dowlada ah oo ka hor imaanaya

Ciidamada Maxaakiimta ayaa ku sii dhawaanaya dhanka gobolka Bakool oo ay ku sii fool leyihiin qaar ka mid ah degmooyinka Gobolkaas ayadoo Ciidamo ka tirsan golaha Maxkamadaha Islaamiga oo shalay kasoo baxay Gobolka Hiiraan ayaa lagu soo waramayaa iney soo gaadheen deeganada Tiyagloow ee Gobalka Bakool oo ay jirin wax ciidamo ah oo kuwa dowlada ah oo deegaankaas ku sugan.

Haddaba wararka ka imaanaya Degmada Tayagloow oo Baydhabo u jirta masaafo dhan 270km ayaa waxa ay tibaaxayaan iney ku sii dhawaanayaan Ciidamo ka socda Golaha Maxkamadaha Islaamiga ah ee Soomaaliya kuwaasoo la sheegay in maalintii shalay ay ka baxeen Gobalka Hiiraan ayagoo ku sii jeeda deegano ka tirsan Gobalka Bakool oo loomalaynayo in ku aadan yihiin degmada Tayagloow.

Dadka deegaankaas ayaa sheegaya in ay maamalhaanba wararka sheegaya in Maxaakiimtu imaanayaan degmadooda la isla dhex marayay oo aysan noqondoonin wax cusub hadii ay soo gaadhaan ciidamda Maxaakiimta deegaanadaas in kastoo dadka qaar aysan doonayn in Maxaakiimtu yimaadaan deegaanadaas ayagoo ku saleeyey in deegaankoodu yahay mid Beereed oo ay san doonayn in u noqdo meel lagu dagaalamo ayagoo ka cabsi qaba in uu halkaas ka dhaco dagaal ay isaga hor yimaadaan Maxaakiimta iyo dowlada.

Inkastoo dadka badankiisu ay diyaar u yihiin in ay si weyn u soo dhaweeyaan Ciidamada Maxaakiimtu marka ay soo gaadhaan ayagoo sheegeen in ay diyaar u yihiin ku dhaqanka Shareecada islaamka, iyadoo Mas'uuliyiin ka tirsan Maxkamadaha ay sheegeen in wax yar oo kaliya ay u jiraan deegaankaasi ayaa haddana la filayn in ay ciidamada ka tirsan kuwa dowlada ay ka hor yimaadaan ayadoo ayna jirin wax ciidamo ah oo ka tirsan dowlada oo ku sugan deegaanadaas taas oo Ciidamada Maxaakiimta u fududeyn doonta in ay si sahlan u gaadhaan goobo cusub.

Inkastoo ay mas'uliyiinta deegaanku sheegeen in aysan jirin wax xidhiidha ah oo ay la soo sameeyeen Mas'uuliyiinta Maxakiimta balse ay maqleen in Maxaakiimtu doonayaan in ay yimaadaan degaanadooda oo ay ka hir galiyaan ku dhaqanka Shareecada Islaamiga ah.

Ganacsatada keenta Gawaarida yar-yar ayaa si weyn uga cabatay lacag dheeraad ah oo lagu kordhiyay Canshuurtii laga qaadi jiray

Ganacsatada keenta Gawaarida yar-yar ee laga ganacsado aya si kulul uga muujiyay Cabasho ay ka Cabanayaan lacago dheeraad ah oo lagu kordhiyay lacagtii Cashuuta ahayd ee laga qaadi jiray markii hore, taasoo ay sheegeen dekeda weyn ee Magaalada in looga qaado lacago xaddhaaf ah oo lagu kordhiyay Mudooyinkii ugu Dambeeyay oo ay sheegeen in aysan u dul qaadan karin oo aysan iska bixin karin lacagahaan lagu soo kordhiyay.

Haddaba Ganacsatadaan oo maanta suxufiyiinta ku soo wareejiyay dekedda Muqdisho oo ay yaalaan ilaa 80 baabuur oo isugu jira Minibus, Lancrusser, Mark2 iyo kuwo kale oo yaryar oo qaar ka mid ah uu dajiyay Markab taagan dekedda oo lagu magacaabo MV Ledinud ayaa Cabashadooda ku muujiyay halkaasi ayagoo cadeeyay in aysan bixin karin lacagahaa, ayadoo in kabadan 50 shirkadood oo keena babuurta laga ganacsado

yaasiin maxamed cali (faytin)
yaasiin2006@hotmail.com

002521-5580916