Munasabad
balaaran oo lagu furayay Urur u adeega danta Somali-bantu oo
ka dhacday Kent-Washington.
Munaasabad si heer sare ah loo soo agaasimay ayaa xalay oo
ay tariiqdu ahayd(Feb,10 07) lagu qabtay Caasimada Kent oo
ka tirsan gobalka Washington.Munaasabadaani oo ay iska
kaashadeen soo agaasinkeeda ururada u doodo ee ka hadla guud
ahaan arrimha Soomaalida(Somali Focus Gruops) oo ay ka mid
yihiin Refugee Woman Alliance(Rewa) iyo Community yada
Soomaalida qaarkood ayaa ujeedadiisu ahayd in lagu furo la
iskuna baro Jaaliyada Somali-bantu iyo Madxada kala duwan ee
caasimada Kent-Washington.
Munaasabadaani oo si wanaagsan loo soo agaasimay siweyna
looga soo qaybgalay ayaan waxaan ka xusi karaa dadkii kasoo
qaybgalay duqa caasimada Kent oo ah haweenayda lagu
magacaabo Suzett Cooke,Generalka haysta ciidamada Police ka
Kenta Steve Stranchan,Agaasimaha waaxda waxbarasha Kent,Mary
oo ah madaxa qaybta Human resources Kent,Eric Garcia oo ah
agaasimaha qaybta dhaqaalaha ee macadka Discovery iyo
Soomaali aan tira yarayn oo madax ka ah ururada jaaliyadaha
ka dhisan Seattle iyo daafaheeda(King County).
Amina Axmed oo xiriirinaysay munaasabadaan islamarkaa
kasocotay refugee woman allince(REWA) ayaa ku soo dhawaysay
Suzett Cooke oo ah duqa Kent oo ku dheeraatay sida ay u
jeceshahay islamarkaana ula shaqaysa Soomaalidda ayaa waxaa
hadaladeedii ka mid ahaa"Waxaan idin ku soo dhaweynayaa Kent
hadaad Soomaali tihiin,hal sano kaliya ayaan Mayor ahay
waxaan u baahanay inaan wax badan ka barto dhaqanka
Soomaalida,horumar walba oo ay Kent gaaraysa madaama aad dad
badan tihiin gacntiina ayay u baahantahay marka albaabka
xafiiskayga mar walba waa idiin furanyahay oo in aan wax
idinla qabto mar walbo diyaar baan u ahay"
 Waxaa
sidoo kale munaasabada ka hadlay General Steve Stranchan oo
ah madaxa ugu sareeya ee Police ka Kent oo hadalkiisa ku
bilaabay inuu wax yar kaqaybgalayaashii munaasabad ugu
sheego tariikh nololeedkiisa iyo waxyabihii uu soo
qabtay.Wuxuu sheegay in muddo Labaatan sano ah uu ka soo
shaqeeyay waaxaha sharci ilaalinta (Law Enforcement) uu
shaqadiisii ugu horaysay uu ka bilaabay inuu noqdo askari
xabis u shaqeeyo kadibna uu ku biiray Lakeville,waaxda
Police ka Minesotta(Minesotta Police Department).Wuxuu kaloo
sheegay inuu jagooyin dhowr ah soo qabtay sida inuu noqday
dambi baare,qaybta roondada Police ka(Patrol),Chief Ploce ka
Lakeville-Minesotta ugu danbayntiina Kenta Washintogon uu u
soo guuray oo uu jeclaaday cimaladeeda haatanna uu yahay
madax ugu sareeya ee Police ka Kent ." Waxaan madax u ahay
125 askari oo la duunayo inay u adeegaan bulshaweyn
balaaran,waan filayaa inuu qalad imaan karo haddii aad wax
tabanaysaa xafiiskayga lasoo xiriira " ayaa ka mid ahaa
hadaladiisii.
Kooshin Maxamed ayaa makarafoonka lagu soo dhaweeyay oo
sheegay inuu la shaqeeyo dowlada Federaalka kumeelgaarka ee
Soomaliya oo ka codsaday kaqaybgalayaashii munasabada inay
tageeraan dowlada Federaalka kumeelgaarka ee
Soomaaliya"Dadka Soomalida qaar ka mid ah ayaa sheego in
Soomaliya lagu soo duulay oo ay Itoobiya qabsatay,Soomaliya
cidna kuma soo duulin ee waxaan leeyahay waxaa yimid dal aan
walaalo nahay oo caawinayo dowlada Soomaliya si ay u hanato
amaanka guud ee dalka"
 Waxaa
sidoo kale madashii xalay ka hadlay Xaaji Shuungolow oo ka
mid ah madaxda ururka lasoo bandhigay ee Somali-banti
Community organisation oo sheegay inuu aad ugu faraxsanyhay
sida hagar la`aanta ah oo ay ugu soo gurmadeen walaalhooda
Soomaliyeed oo la furay ururka uu madaxda ka yahay."Hadda
laga bilaabo waxaan diyaar u nahay inaan u adeegno dadkayaga
Soomaliyeed ee Somali-bantu si ay u noqdaan dad waxqabsada
oo la jaanqaado nolashaan cusub ee Mareykanka"
Iskusoo wada duuduboo munaasabadaani ayaa ku dhaamatay jawi
wanaagasan iyadoo gunaandkiina laga iclaamiyay kulan midkaan
la mid ah oo ka dhici doono isla xaafad Kent Adress ka
yahay:February 17TH 2 PM to 5 PM at Villa Kee
Apartments-Recreation Room
23401 104 ave. S.E. Kent,Wa.98031.
Waxaadna kala xiriiri kartaan Amina Axmed telefoonka ah
(206) 957-2245 mise barta internetka oo ah:
www.rewa.org mise
www.ci.kent.wa.us
Tifaftiraha Somali Northwest Tv
C/risaaq Cali Adam(Jeesteeye)
Jeesteeye@gmail.com
Seattle,Washington.
Faafin: SomaliTalk.com |
Feb 13, 2007
|
Daabaco
Boggan | Print
ARAGTIDA/MAQAALLADA DADWEYNAHA EE MAANTA