Dagaal Xooggan oo Muqdisho Waaberigii Axaddii ka bilowday
Dagaalo xoogan oo la isu adeegsaday hubka nocyadiisa kala duwan ayna ka
qeyb qaadanayaa gawaarida uuraalada ah iyo taangiyada Ciidamada Ethiopia
ayaa saaka (Axad Apr 20, 2008) waabarigii ka bilowday deegaanada sos
,warshadii baastada ,gubta, iyo nawaaxiga suuqa xoolaha waxaana dhawaqa
madaafiicda laga maqlayaa meelo ka fogfog halka ay dirirtu ka socoto.
Dagaalkaan ayaa waxaa isaga soo horjeedo ciidamada Ethiopia iyo kooxaha wax
iska caabinta ee dagaalka hubeysan kula jira dowlada fadaraalka KMG iyo
ciidamda Ethiopia oo garab siinaya.
Dagaalkaan ayaa bilowday ka dib markii salada subax ka dib la arkay
ciidamada Ethipoia oo isku fidiyey deegaanadaa waxaana dagaal qaraar kala
horyimid kooxaha diidan joogitaanka ciidamada Ethiopia ee gudaha somaliya
waxaana ka qeyb qadanayey sida ay sheegayaan dad goobjoogayaal ah tangiyada
iyo gawaarida uuraalad ah ee ay leeyihiin cidamda Ethiopia waxaana la
maqlayaa guuxa kaaraha iyo daryanka rasaasta waaweyn iyo kuwa yaryarba qeybo
badan oo Magaalada ka mid ah.
Madaafiicda,hoobiyeyasha iyo xabadaha kaaraha ayaa waxaa ay ku dhaceen gurgo
ay daganaayeen dad rayid ah waxaana ku dhintay ilaa 6 qof dhawaca ayaan la
ogeyn waxaana jiray in shalay dagaalkii dhacay ay ku dhinteen ilaa 30 qof
labada dhinacba ilaa 120 qof oo dhaawacyo kala duwan qaba ayaa la geeyey
isbitaalda magalada muqdisho.
Meydadkii shalay ka dhintay laba dhinac ayaa waran halkii shalay uu dagaalku
ka dhacay oo loo gali waayey lana soo kala qaadan waayey sida ay sheegayaan
dad badan oo iyagu indhahooda ku arkay maydadkaas.
Dagaalka saaka ayaa ah mid ku sii fidaya goobo badan oo horleh waana uu sii
cuslaanayaa waxaana bilowday in ay isaga baxaan dadkii deganaa goohaba la
isku farasaray saaka.
Dagaalka maanta ayaa wuxuu ka bilowday shirkadii barakaat ilaa sos waxaana
hada (markii qormadan a qorayey gelinkii hore) socdo dagaal culus oo aan
waxba la isu reebaneyn.
Ma jiraan dagaalka maalintii labaad ka soconaya magalada Muqdisho wax ka
hadlay dhinaca dowlada Fadaraalka KMG sidoo kale ma jiraan cidamda Ethiopia
ayaan ka hadlin balse afhayeen u hadlay midowga maxaakiimta ayaa sheegay in
ay kooxaha alshabaab iyo maxkamadaha ay ka qeyb galeen dagaaladaan danbe.
Weerar bambaano oo xalay lagu qaaday guri uu daganaa Taliyaha rugta
boliska ee suuq bacaad Maxamed raage
waxaana dhaawacyo kala duwan ka soo garay xubnaha qoyskiisa oo la dhigay
ispitaalka keysaney ee magalda muqdisho.
Weerarkaaan bambaano ayaa waxaa ku dhaawaacmay sadax caruur ah oo uu dhalay
taliyuhu iyo hooyadood iyo wiil uu abti u yahay oo guriga ku sugnaa xiliga
qaraxu dhacayey waxaana loola cararay ispitalaka keysaney sida uu saxaafada
u sheegay. Arintaa ayuu xaqiijiyey in bambabo lagu tuuray gurigiisa.
Faafin: SomaliTalk.com | April 20, 2008
Daabaco
Boggan | Print
Ergeyga
Qaramada Midoobey ee Soomaaliya oo Qiray Shirkado Batrool oo Been-Abuur ah
in Soomaaliya laga siiyey Xuquuq (Shidaal Baaris)
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
