WARSAAAFADEED KU SAABSAN XASUUQA IYO BARKICINTA CUSUB AY CIIDAMADA CADWGA
ETHIOPIA KA WADAAN MAGAALADA MUQDISHO
 Isabahaysiga
dib u xoreynta Soomaaliya waxa uu si aad ah u cambaareeynayaa xasuuqa,
barakicinta, iyo qafaalashada dadka maatida ee aan waxba galabsanin ay
ciidamada gumeysiga Ethipia ugu geysanayaan magaalada Muqdisho.
Ku xadgudubka masaajidyada, geysashada falalaka fooshan xun ee uu gawraca ka
mid yahay iyo burburinta kaabayaasha dhaqaalaha waa arrin ay caadeysteen
ciidamada Ethiopia ee cadwga ah inay kula kacaan shacabka Soomalliyeed ee
aan hubaysnayn, waxaase wax laga xumaado ah in beesha caalamka dawrkoodii uu
noqdo kuwo daawada iyo kuwo ku garbsiiya Ethiopia falalka bini’aadamnimada
ka baxsan ee ay ku hayso shacbka Soomaaliyeed.
Isbahaysigu waxa uu ugu baaqayaa hay’adaha xaquuqal-isnaanka inay ka hadlaan
xasuuqa maalmihii la soo dhaafay loogu geystay bulshda Soomaaliyeed
magaalada muqdisho, gaar ahaan gawraca iyo dilka ay ciidamada Ethiopia u
geysteen dadkii ku cibaadeysanayey gudaha masaajidka Al-hidaaya, sidoo kale
waxaan ugu yeeraynaa inay ka hadlaan xasuuqa baahsan ee ay geysanayaan
ciidamaasi iyagoo u adeegsanaya taangiyo iyo hub casri ah dad shacab ah oo
aan hubeysnayn oo ku sugan guryahoodii iyo goobahaha lagu cibaadeysto.
Isbahaysiga waxa uu ugu baaqayaa Ururka Islaamka, Jaamicadda Carabta,
Midawga Yurub iyo Midawga Afrika inay masuuliyadda akhlaaqiga iyo tan
qaanuuninga ah ee ka saaran shacabka Soomaaliyeed gutaan kana baxaan ka
indha laabashada xasuuqa, barakicinta, qafaalashada iyo burburka joogtada ee
lagu hayo shacabka aan waxba galabsanin ee lagu soo duulay diintooda,
dadnimadooda iyo dalkooda.
Isbahaysigu waxa uu xubnaha Golaha ammaanka ugu baaqayaa inay ka fadhiistaan
falalka waxshinimada ah ee foosha xun ee ciidamada Ethiopia ka wadaan gudaha
Soomaaliya go’aan ku haboonna ka soo saaraan.
Ugu dambeyntii Isbahaysiga waxa uu shacabka Soomaaliyeed ugu baaqayaa inay
gacmaha isqabsadaan cadwgoodana meel uga soo wada jeestaan ogaadaanna
inaysan dalka ka jirin dawlad matasha ee waxa jira waa cadaw iyo cadaw
kalkaal.
Xafiiska warfaafinta Isbaheysiga dib-u-xoreynta Soomaaliya
21/04/2008Faafin: SomaliTalk.com | April 22, 2008
|
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
