Dowlad Goboleedka Puntland oo uga Digtay
Suxufiyiinta Puntland inay ka Qaybgalaan Shirarka ay
soo Agaasimaan Ururka Nusoj.
War ka soo baxay Xafiiska Lataliyaha Madaxweynaha
Puntland dhinaca Warfaafinta ayaa lagu sheegay in
Puntland ay uga digayso Wariyayaasha ka hawlgala
inay ka qaybgalaan Kulamada ay soo agaasimaan Ururka
Nusoj ee ka dhaca Magalooyinka Jabuuti iyo Hargeysa
waa sida qoraalka loo dhigay.
Bille Maxamuud Qabowsade Lataliyaha Madaxweynaha
Puntland dhinaca Warfaafinta waxa uu sheegay in
Puntland ay qaadatay go'aankan markii ay aragtay
Hagardaamada iyo Khiyaamada saxaafada Puntland ay
kawadaan dhowr wiil oo Dalka Dibadiisa jooga oo
kuwasoo ku qaraabta Magaca Saxaafadda Soomaliya.
Dolwada Puntland waxay kaloo Nusoj ku eedaysay in ay
gacan siyaan Kooxaha Mucaaradka Dowlada Federaalka
ah iyo Dowlada Puntland oo xarumahooda ay yihiin
Magaalooyinka Jabuuti iyo Hargeysa.
Bille Qaboowsade waxa ugu baaqay Saxaafada Puntland
inaysan deg jalaq u siin Shirarka iyo Siminaarada
Nusoj hadii ay aadana aysan dib ugu soo laaban karin
Puntland oo laamaha Socdaalka oo dhan arrintaasi ay
k wargeliyen.
Ka mamnuucida Puntland ee Nusoj ayaa Dowlad GPL ku
micneeysay Codsi uga yimi Saxafiyiinta Puntland ee
ku kala sugan Magaalooyinka Puntland.
Faafin: SomaliTalk.com | April 24, 2008
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
