Barnaamijkii Radio Xoriyo
26 April 2008.
Dagaallo lagu jabiyey ciidamada gumaysiga itoobiya.
Dad shacab ah oo ciidammada gumaysigu ku laayeen
Ogadenya
Dad Rayid ah oo meelo kala duwan oo Ogadenya ah lagu
xidhxidhay
Ururka Iskaashiga Kahliijka oo Itoobiya canbaareeyay
Maamulka Puntland oo 2 masuul oo jwxo ah u gacan
galiyey gumaysiga Itoobiya.
Gudoomiye kuxigeenka 1aad ee jwxo N/hure Max,ed
Ismaaciil oo aan ka waraysanay falka Puntland iyo
kuxigeenka H/arimaha dibada Hanad Maalinguur oo isna
arintaas ka hadlay.
DHEGEYSO HALKAN...
======================
Ururka Iskaashiga Kahliijka oo Itoobiya canbaareeyay
Xoghayaha Ururka ay ku bahoobeen dalalka Khaliijka Carabka ee GCC C/raxmaan Bin
Xamad Al-Cattiyah ayaa si kulul u canbaareeyay xukuumadda gumaysiga Itoobiya,
wuxuuna gaashaanka ku dhuftay eedaymaha ay xukuumadda Itoobiya u soo jeedisay
dalka Qadar, kuwaasoo uu ku tilmaamay kuwo aan waxba ka jirin.
Al-Cattiyah wuxuu sheegay in Itoobiya ay dhaqan u tahay xasillooni darro ka
abuurto dalalka ay dariska la tahay, isla markaana ay weerarro gardarro ah ku
qaado dalalka deriska la ah. Wuxuu kaloo intaas ku daray in Itoobiya ay sal u
tahay nabad galyo xumada ka taagan gobolka Geeska Afrika, isla markaana ay si
cad ugu tomato Shaciga Caalamiga ah.
Al-Cattiyah wuxuu tilmaamay gumaadka iyo cadaadiska ay Itoobiya ka waddo
Ogaadeenya, isagoo sheegay in Itoobiya ay Ogaadeenya ka dhigtay goob dagaaleed
aan loo oggolayn in xataa ururrada samafalka ahi ay galaan. Wuxuu kaloo sheegay
in weerarkii ay Soomaaliya ku qaaday uu ahaa tallaabo khatar ku ah dalalka
Geeska Afrika oo dhan.
Al-Cattiyah ayaa hadalkiisan ku sheegay in siyaasadaha khaldan ee Itoobiya ku
dhaqmayso ay dadka Itoobiyaanka ah ka dhigtay hoygii dhibaatooyinka iyo
masiibooyinka bani’aadamnimo.
Dagaallo lagu jabiyey ciidamada gumaysiga itoobiya.
Toddobaadyadii u denbeeyay dagaallo CWXO iyo kuwa gumaysiga Itoobiya ku
dhex-maray meelo kala duwan waxaa ciidammada gumaysiga lagaga dilay in ka badan
78 askari, waxaa sidoo kale lagaga dhaawacay inta la ogyahay 21 askari.
Ciidammada gumaysiga waxaa laga gubay hal Baabuur oo Uuraal ah. Waxaa sidoo kale
loo gaystay dhawr weerar oo mir ah oo aan la haynin khasaaraha loogu gaystay.
Faahfaahinta dagaalladaas waxaa noo soo diray wariyaha nooga soo warrama dalka
Ogaadeenya.
20/04/08 cutubyo ka tirsan CWXO ayaa weerarro mir ah ku qaaday ciidammada
gumaysiga ee fadhigoodu yahay magaalooyinka Nus-dariiqa, Yucub iyo Dannood, oo
ka kala tirsan gobollada Qorraxey iyo Doollo, waxayna u gaysteen khasaare aan
faahfaahintiisa la haynin.
14/04/08 dagaal ka dhacay Dhala-duule, oo ka tirsan degmada Fiiq, waxaa
ciidammada gumayisga lagaga dilay 3 askari, 2 kalana waa lagaga dhaawacay.
13/04/08 Abeesaale, oo ka tirsan degmada Dhuxun, dagaal adag oo ka dhacay waxaa
ciidammada gumaysiga lagaga dilay 12 askari, 7 kalana waa lagaga dhaawacay.
09/04/08 Cali-fancad, oo ka tirsan degmada Dhuxun, waxaa ciidammada gumaysiga
lagaga gubay baabuur Uuraal ah, waxaana ciidammada gumaysiga halkaas kaga
dhintay in ka badan 50 askari oo baabuurkaas saarnaa.
08/04/08 dagaal dhabba-gal ah oo ka dhacay Madheedh, oo ka tirsan Awaare, waxaa
ciidammada gumayisga lagaga dilay 5 askari, 7 kalana waa lagaga dhaawacay.
06/04/08 La-helow, oo ka tirsan degmada Dhuxun, dagaal ka dhacay waxaa
ciidammada gumaysiga lagaga dilay 5 askari, 3 kalana waa lagaga dhaawacay.
03/04/08 dagaal ka dhacay San-xaskulle, oo ka tirsan degmada Dhuxun, waxaa
ciidammada gumaysiga lagaga dilay 3 askari, 2 kalana waa lagaga dhaawacay.
Dad shacab ah oo ciidammada gumaysigu ku laayeen Ogadenya.
20/04/08 meesha lagu magacaabo Ulaag, oo ka tirsan Garbo, waxay ciidammada
gumaysigu ku dileen Cabdi Xuseen Aw Jaamac (Madaxey)
15/04/08 Higloley, oo ka tirsan degmada Dhagaxbuur, waxay ciidammada gumaysigu
ku dileen seddex nin oo rayad ah oo lagu kala magacaabo;
1- Khadar Cumar Gannad
2- Cabdi Weerar iyo
3- Waayeel Muxumed Salaan
13/04/08 Haar-galool, oo ka tirsan degmada Fiiq, waxay ciidammada gumaysigu ku
dileen Carab Maxamed Nuur.
10/04/08 waxay ciidammadfa gumaysigu Hadhaadha, oo Fiiq ka tirsan, ku dileen nin
shacab ah oo lagu magacaabo Cabdi-xayi Mahdi.
04/04/08 Dul-caanood, oo ka tirsan degmada Dhuxun, waxay ciidammada gumaysigu ku
kufsadeen oo ka dibna dileen gabadh lagu magacaabo Ubax Shukri Maxamed iyo wiil
6 jir ah oo ay dhashay.
Dad Rayid ah oo meelo kala duwan oo Ogadenya ah lagu xidhxidhay
25/04/08 xabsiga lagu magacaabo Jeel Ogaadeen ee ku yaalla magaalada Jigjiga
waxaa lagu soo xidhay dad rayad ah oo tiradoodu 24 kor u dhaafayso, kuwaasoo
ciidammada Itoobiya ay guryohooda kala soo baxeen.
21/04/08 magaalada Garbo waxay ciidammada gumaysigu ku xidheen gabadh shacab ah
oo lagu magacaabo Faadumo C/llaahi.
20/04/08 waxay ciidammada gumaysigu magaalada Dhanaan ku xidheen Ibraahim
Siraaje Aaqil Maxamed.
19/04/08 magaalada Wardheer waxay ciidammada gumaysigu ku xidheen Shukri
C/llaahi iyo Nasro C/llaahi.
17/04/08 Dudumo-cad, oo Fiiq ka tirsan, waxay ciidammada gumaysigu ku xidheen
ninka lagu magacaabo Shukri Cali Daahir.
08/04/08 waxay ciidammada gumaysigu ku xidhxidheen magaalada Shaygoosh dad
shacab ah oo tiradoodu 12 qof gaadhayso, waxaanan magacyadooda helnay;
1- C/llaahi Muxumed Faatulle
2- Cbadi-dheere Muxumed Faatulle
3- Xasan Caaqib Xirsi
4- Cali Mooge Khaliif iyo
5- Fara-biid Cabdi Mahdi, oo ah guddoomiyihii hore ee degmada Shaygoosh. Dadka
kale ayaa iyaguna waxay ka tirsanaayeen maamul ku sheeggii degmada.
08/04/08 Heedaan, oo ka tirsan degmada Galaalshe, waxay ciidammada gumaysigu
jidhdil ba’an ugu gaysteen Maxamuud Cabdi Yuusuf.
17, 19 iyo 20/04/08 waxay ciidammada gumaysigu dad rayad oo badan ku xidhxidheen
meelaha kala ah Burqa-yar, Bacaad, Mara-maydh iyo Laan-yalax, oo dhammaantood ka
tirsan degamada Dhanaan. Dadkani waxay kala yihiin;
1- C/raxmaan Khaalid
2- Khadar Macalin Barkhadle
3- Axmed C/llaahi Maxamed
4- Rashiid Cabdi Cismaan
5- C/raxmaan C/llaahi Ibraahim
6- C/fataax Cali Nuur
7- Rumaan Axmed Gurey
8- Sahra Colaad
9- Ebyan Maxamed Dhaawe
10- Aaqil Maxamed Jeen
11- Axmed Xareed
12- Axmed Maxamed Qorane
13- Ina Magan oonm magaciisa la haynin
14- C/raxmaan C/llaahi
15- Ganey Nuur
16- Carrowshe Wali Maxamed
17- Axmed Qamaan Daahir
18- Mawliid Maxamed Daa’uud
19- Cabdi Macalin Gudaal
20- Mukhtaar Xaaji Bunle iyo
21- Macalin Maxamed
18/04/08 gadood ayaa ka dhacay xabsiga Jeel Ogaadeen ee magaalada Jigjiga,
wuxuuna gadoodkani ka dhashay dhibaatooyin iyo xadgudubyo ay boolisku u gaysteen
maxaabiista halkaas xaqdarrada ugu xidhxidhan. Dhaawacyo badan ayaa la sheegayaa
in maxaabiista arrintani ka soo gaadhay, isla markaana si naxariis darro ah
loola dhaqmay.
Dhinaca kale shalay oo taariikhdu ahayd 25/04/08 waxaa magaalada Jigjiga ka
baxay labo kooxood oo ay kala wataan Xirsi-dheere iyo Bashiir Axmed Cawar.
Labadan kooxood waxay u baxeen qorshe lagu sii kordhinayo cadaadiska bulshada
lagu hayo, isla markaana mar kale lagu majara-habaabinayo bulshada caalamka,
waxayna wataan kaamarooyin waawayn oo doonayaan inay ku soo duubaan Tuulooyin ay
ciidammada Itoobiya gubeen.
Kooxahan ayaa loo dhisay qorshe ah inay sameeyaan dad loo ekaysiiyay CWXO oo
timo dhaadheer oo gacan ku samays ah loo yeelay, kuwaasoo lagu sawiri doono
iyagoo dab qabadsiinaya Tuulooyinkii la gubay, arrintaasoo ay uga jeedaan in
bulshada caalamka ka dhaadhiciyaan in Tuulooyinkii la gubay ee qaarkood
tilifishinada caalamka laga soo saaray ay CWXO gubeen.
Waxaa kaloo lagu wadaa in kooxahani ay laayaan dad shacab ah oo maydadkooda
sawirro ka soo qaadaan, iyagoo u muujinaya in CWXO ay dileen.
Kooxahan filimada beenta ah duubaya wuxuu qorshohoodu yahay inay soo maraan
dhammaan gobollada dalka oo ay ka soo duubaan filimo been-abuur ah.
Radio Xoriyo
26 April 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadda 41 MB ee dhererkeedu yahay 7560
KHZ,iyo internetka Radioxoriyo.com,Ogaden.com Maalmahaa Talaadada & Sabtida
5:00PM – 5:30 waqtiga Afrikada Bari
Faafin: SomaliTalk.com | April 27, 2008
Daabaco
Boggan | Print
Somaliland
oo Xaqiijisay in Xiriir Dhexmaray Shirkadda Batroolka ee Lundin Oil
