SOMALITALK.COM DALSAN
w w w . S o m a l i T a l k . c o m
SOMALITALK - MAQAAL
 
Daabaco Boggan | Print

 
DHIBAATADA KA TAAGAN DHISMAHA GOLAHA WASIIRADA

Abdirizaq Ahmed

Rochesrer MN, USA

Dalalka duunka  ayaa si aad ah ugu kala duwan qaab dhismeedka dowladahooda iyadoo  wadamada badankooda uu ka jiro sharci qeexaya inta wasaaradood ee uu wadankaasi yeelanayo. Waxaa mararka qaarkood dhacda in la abuuro hay'ad cusub amaba la baabi'iyo mid horay u jirtay, taasi oo loo maro in isbedel lagu sameeyo dastuurka amabase sharciga kale ee arintaa khuseeya.

 
          Wadankeena Soomaaliya, oo ay iska gaabantahay taariikhdiisa dowladnimo, ayaa waxaa markastaba ka jiray jaahwareer ku saabsan tirada wasaaradaha loo baahanyahay. Dowladii  wadanka xukumaysay mudadii ugu dheerayd ee Maxamed Siyad Bare, ayaa ka dhigtay wax iska caadi ah in hadba la magacaabo wasaarado cusub oo aan horay loo maqal.
 
         Mudadii ay wadanka ka jireen dagaalda sokeeye, waxaa la dhisay dowlado aan la isku raacsanayn oo midkastaba lahayd wasiiro iyo ku xigeeno xad dhaaf ah. Sababta keentay in sidaa loo badiyo ayaa lagu tilmaamay in lagu qancinayay dad badan oo la doonayay in ay dowlada taageeraan oo hadii aanay jagooyin helin noqon lahaa mucaaradka ugu horeeya ee uu maamuladaasi.
 
       Dowlada dhawaan ka dhalatay shirweynihii Kenya ee uu madaxweynaha ka yahay C/llaahi Yusuf, ayaanu jirin qodob sharci ah oo u xadidaya inta wasaaradood ee uu qaranku yeelanayo. Ra'isulwasaaraha cusub, Cali Maxamed Geedi, ayaa waxaa ku hareeraysan dad boqolaal gaaraya oo buntukhyo u haysta in ay dowlada la dagaalamaan hadii aan laga dhigin wasiiro. Badankoodu waxay aaminsanyihiin in ay yihiin kuwa kaliya ee xaqa u leh jagooyinkaasi.
 
           In badan oo ka mid ah dadka jagooyin doonka ah, ayaa waxaa dhiiragalinaysa Madaxweynanimada C/llaahi Yuusuf oo ka mid ahaa madaxdii mudada badan soo hogaaminaysay jabhadaha hubaysan ee ku dagaalamayay magaca qabiilka. Taasi waxay meesha ka saaraysaa in nina lagu riixo in uu ka soo qayb qaatay dagaaladii sokeeye iyadoo ay hogaamiye kooxeedyada badankoodu u arkaan wax aan u cuntami karin in ay meel cidla ah uga tagaan halgankii dheeraa ee madaxtinimo doonka ahaa ee ay soo mareen.
 
       Cali Maxamed Geedi oo uu C/llaahi Yuusuf oo doonaya in uu gadaal wax ka maamulo iskaga jeeday indhihii dadka, ayaa waxaa laga sugayaa in uu soo dhiso dawlad ugu yaraan qancisa inta qoryaha isku sidata. Dad badan oo aqoonyahano ah ayaa waxay aaminsanyihiin in aanay Soomaaliya u baahnayn wax ka badan 13 wasaaradood. Taasi waa mid aan u cuntamayn ragga isku bixiyay halgamayaasha. Waxaa ay arintu u muuqataa in uu ra'isulwasaaruhu marka hore qaadan doono warqad iyo qalin oo uu qori doono inta qof ee uu ku khasbanyahay in uu wasiiro u magacaabo. Talaabada labaad ayaa noqonaysa in uu sameeyo wasaarado farabadan oo uu ku aamusiyo kuwa hamuunta weyn u qaba in ay mar un helaan xafiis qancin kara iyaga iyo taageerayaashii naf iyo maalba u soo huray.
 
      Abuurista wasaarado dad lagu qanciyo ayaan marnaba waxtar u yeelan doonin shacab weynaha soomaaliyeed . Dhanka kalena, wasaaradaha muhiimka ah ee halbowlaha u ah adeega umad weynta soomaaliyeed, ayaa iyaguna hankii loo qabay hoos u dhacayaa hadii aanay xilkooda qaban dad wadaniyiin ah oo ay umadu u simantahay.
 
    Ugu danbayntii, Ra'isulwasaaraha ayaan laga sugayn in uu wasiiro magaacaabo oo kaliya, balse waxaa intaa u dheer isku jaangoynta tirada wasaaradaha, qancinta dadka jago doonka ah iyo xulida dad aqoon leh oo socodsiinkara maamul dowladeed.
 
 
Abdirizaq Ahmed
Rochesrer MN, USA

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Nov 21, 2004

Silsiladda Taariikhda Islaamka:
Qaybtan oo Labo Toddobaadle ah waxay kamid noqday qormooyinka ugu xiisaha badan ee kusoo baxa SomaliTalk, waxana ay maanta ku saabsan tahay "Nabiga (scw) Oo La Amray u Istaagidda Gudbinta Dacwada"..
Qore: Shiikh C/risaaq Macalim Abshir

Kulaabo bogga  www.SomaliTalk.com 

© www.SomaliTalk.com

SEARCH

Allah Is Great
TAARIIKHDA ISLAAMKA
Silsiladda Taariikhda Islaamka
Qore:Shiikh C/risaaq Macalim

Xagee ayey ku Danbeysay Samsam
warbixin Dhab ah oo ka Timi Hargeysa
Guji

Xaalada Caafimaad Ee SamSam Axmed Ducaale Oo Laga Dayrinayo
Xuseen Dalmar oo kamid ah ahaa askartii ilaalada Saldhiga Dhexe ee Hargaysa ayaa sheegay in... Guji Nov 19

Dhibka SamSam Lagula kacay waa Tijaabo bilow ah..
Talo ku Socota Sasam Axmed Ducaale Abtigeed...

MADAXWEYNE C/LAAHI LAGU DOORAYEE  HA DILIN
“Fulay xantii mamooga, waxaad igu xamataan nin dagaal inaan ahay, wixii hadda ka danbeeya oday nabadeed ayaan ahay”...
Faalladii Fahad Yaasiin...

SHILALKA BAABUURTA MAREYKANKA XILLIGA CIIDAHA: "hal qof ayaa ku dhinta shil baabuur 30-kii daqiiqaba" ka akhri warbixintii Cabdiweli Haybe..

"Bush iyo Xisbigiisa Jamhuuriga waa Guulaysteen Laakiin Caqabado ayaa weli hor yaal" Wardheere - Waraysi Somalitalk..



HTML CD