Ugu Yaraan 15 Qof ayaa Ku Dhintay Dagaallo Ka Dhacay Koonfurta Soomaaliya  

Hiiraale	Moorgan
SOURCE: Map from utexas FOGAANTA U DHEXAYSA: Jilib ... Kismaayo... 114 km Kismaayo.. Afmadow ...139 km Kismaayo ...Dhoobley ...195 km Muqdisho ...Marka ... 113 km Marka ... Baraawe ... 193 km Baraawe ... Jilib ... 168 km SOURCE: Khariidada uu qoray Maxamed Abshir Cali

Wararka ka imanaya Koonfurta Soomaaliya ayaa sheegay in aagga Kismaayo ay ku dhinteen ugu yaraan 15 qof, kaddib markii uu aagaas dagaal ku dhex maray Gen. Maxamed Saciid Xirsi "Moorgan" iyo  Isbahaysiga Dooada Jubba oo uu hogaamiyo Col. Barre Aadan Shire "Barre Hiirale". Waxa kale oo dagaalkani sababay dhaawac aan caddadkiisa la garanayn iyo xasilooni darri.

Sida ay werisey Al-Jazeera oo soo xiganeysey qof aan la maagcaabin waxaa dhanka Morgan laga diley lix qof, waxaana laga dhaawacay sagaal, halka dhanka Isbahaysiga dooxada Jubba laga diley tiro badan lagana qabtay 14, waa sida warku u dhigaye. Dhankalena waxa ay sheeganayaan in ay ayagu khasaare geysteen.

Xaqiiqqo ahaan lama oga khasaarada rasmiga ah ee dagaaladani geysteen.

Hay'adda wararka ee Reuters waxa ay dagaalka aagga Kismaayo ku tilmaanatay mid caqabad ku ah dawlada la filayo in Soomaalida loogu dhiso Kenya.

Dhanka kale VOA ayaa sheegay in Xildhibaan Xuseen Caydiid uu aad uga welwelsan yahay ammaanka xubnaha (baarlamaanka iyo dawlada KMG) ee ka imanaya Puntland ee imanaya Muqdisho kuwaas oo aan halkaas keensan karin maleesiyadooda oo ay tahay in ay ayagu (USA) sugaan amaanka xubnahaas oo aan haalkaasi ahayn gobolkooda, waa sida VOA warka u dhigaye.

ISHA: Al-Jazeera, Reuters, VOA