SOMALITALK.COM
w w w . S o m a l i T a l k . c o m
SOMALITALK -  NORWAY

Shir looga hadlaayay barashada Soomalida iyo xaquuqda Aadmiga ayaa ku soo gabagaboobay maanta magaalada Oslo ee dalka Norwey

shirkaan oo bilaawday maalintii 14 ka bisha ayaa looga dooday xuquuqda Aadmiga iyo sidii lagu gaari karo xal waxaana shirkaasi soo qabanqaabiyay NORSOM iyo Somali Welfare Organisation shirkaan ayaa waxaa warbixino ka jeediyay Dr. Bulxan oo laga martiqaaday Hargeysa oo ka hadlay warbixino badan oo soo jiitey dhagaha iyo dareenka dadkii ka soo qayb galay shirkaas iyo gudomiyaha Ideecada iyo Tv ga Horn Afrik Mr. Axmed Cabdi Salaan oo aad uga hadlay doorka saxaafada iyo xaquuqda aadmiga isagoo ka hadlay maanta xaalada ay ku jirto saxaafada Soomaliyeed iyo tii ay ku jirtey markii horeba Axmed oo halkaa ka jeediyay qudbad aad loogu riyaaqay ayaa sidoo kale xusey sida ay saxaafada ugu qayb qaadan karto horumarinta nabada iyo xaquuqda aadmiga isagoo ka hadlay in ay leeyihiin barnaamijyo loogu talo galay horumarinta nabada oo ay ka qayb qaataan shacabka ku nool gudaha dalka ayagoo si toos ah fikradahooda uga dhiibta ideecada iyagoo ka faaiideysanaya isgaarsiinta lacag la aanta ah ee Muqdisho sidoo kale waxaa ka hadashay Aamino Warsame oo ka timid Hargeysa kana mid ah ururo haween aad u badan oo ka kala jira dalka gudihiisa sida dalada ururka Haweenka Somaliland NAGAD ayadoo ka hadashay dhibaatooyinka haweenka iyo dhibaatada soo gaarta iyo waliba xaalada ay hada ku sugan yihiin haweenka waxayna ka warbixisey qaabka ay uga shaqeeyaan Soomaaliya iyo arimaha haweenka Aamina Warsame ayaa in badan ka hadashay tacadiyo loo gaystay haween badan iyo taariiqo laga aruurshay dhibaatooyinka ku dhaca haweenka halka ay ugu danbeyntii ka hadashay goobtaas Saida Sheikh Ahmed oo ka timid Brussels Belgium ahna wariye ka shaqeysa Baarlamaanka Yurub oo ka hadashay doorka dhalinyarada ee nabada iyo xiriirka ka dhaxeeya Nabada iyo midnimada.

waxaa lagu wadaa Dr. Bulxan, Mr. Axmed Cabdi Salaan, Aamina Warsame iyo Saida Sheikh Ahmed in ay sidoo kale maalinta Sabtiga ay la kulmaan jaaliyada Soomaliyeed ee Oslo shirkaas oo looga hadlayo Danta Qurbo Joogtada Soomaaliyeed wafdigaan ka kala yimid yurub gudaheeda iyo Soomaaliyaba ayaa lagu wadaa in ay si rasmi ah doodo iyo isbarasho ula yeeshaan jaaliyada Soomaaliyeed

Baashe Maxamed Muuse

Oslo Norwey

saidavip1@yahoo.com 

Urur Dhalinyaro cusub oo laga dhisey caasimada Midoowga Yurub ahna caasimada dalka Belgium Brussels   

Faafin: SomaliTalk.com | Sept 17, 2004

Qaabkii ay u Dhacday Doorashadii Guddoomiyaha Baarlamaanka KMG
Warbixintii Axmed Muuse.. Guji... Sept 16


Dul-Ka-Xaadis: Maansadii 18 ee Doodwanaag [Anwar]
DULMI-DIID: Maansadii 19aad ee Doodwanaag [Xiirane]
SOOMAALIYA WAXAY U BAAHAN DOWLAD DHEXE OO... [Jantiile]
Yaa  xaq u leh hogaaminta dowlada Mbagati? [Saciid Himilo]
2 SANO KADIB: DOWLAD SOOMAALIYEED OO LAGA FILAYO SHIRKA
GARGAAR iyo DHAWR - Gabay::: [Qore Shaafici]
MARNA MA NAJAF BAA; MARNA MA FALLUUJAA!! [Amiin]
WAA TEE DAWLADA AAN U BAAHANAHAY? [Xanaf]
SHIR-CEEBEEDKA KEENYA WUXUU SII FOGEEYEY  W/ GALBEED  [Xirsi]
Waa maxay : Dawaladda Federaalka KMG Soomaaliya [Gaagaale] 
RAMADAAN WAA GOORMA??
QAYBTA SEEXISKA EE ISBITAALKA MBAGATHI

Kulaabo bogga  www.SomaliTalk.com 

© www.SomaliTalk.com
 
Allah Is Great
 
QAYBTA SEEXISKA EE ISBITAALKA MBAGATHI
Faaladii toddobaadka ee Fahad Yaasiin Xaaji Daahir Guji..

TAHNIYAD AROOS.

Maamulayaasha iyo howlwadeennada wargeyska Haldoor ee afka Soomaaliga ku soo baxa kana soo baxa magaalada Khartoum ee xarunta dalka Suudaan  oo kala ah dadkan hoos ku xusan, ayaa waxey hambalyo iyo bogaadin hawada u marinayaan arooska iyo aroosadda Munniir Sheekh Cabdullaahi Xaaji Cabdi iyo Khadro Sheekh Ibraahim Sheekh Cabdiqaadir oo 13/9/2004, ku aqalgalay xaafadda Hillaac ee magaalada Baladweyn ee xarunta gobolka Hiiraan Soomaaliya.

Waxey bahda wargeyska lammaanaha Alle uga baryayaan noolal aayatiin wacan nabad iyo wanaag badan guri lagu nastiyo kheyr oo lagu nagaadaa. Iyo iney noqdaan kuwii kala hela ubad dalkooda, dadkooda, danahooda, dariskooda iyo diintooda anfaca ee loo aayaa laguna aayaa.
Aamiin-Aamiin.
 
1- Abwaan Maxamed Cabdiqaadir [Stanza] Guddoomiye.
2- Mudane Mahad Xaashi  tafatire.
3- marwo  Khadro Cali Yuusuf    lataliyeguud.
4- Marwo  Sacdiyo Cismaan Cali  xogheyn.
5- Mudane Cabdullaahi Axmed Dayib   xubinguddi.
6- Mudane Cabdirashiid Caalin   xubinguddi.

Hambalyada ku hagaaji:: ayaandhalad5@hotmail.com




HTML CD