Radiyo Muqdishu: Idaajaa! Somalitalk: C/raxman Elay!
Radiyo Mogadishu baa waxaa astaan u ahaa inuu faafiyo dacaayadaha qabiilka
markaas uu kacaanku rabo inay Soomalida kale ku kacdo. Dacaayadaha waxaa loo
adeegsan jiray Suugaan maldahan!
Dadka hormuudka u ahaa, waxaa ka mid ahaa hobaladii Waabari, Idaajaa, iwm.
Habeenka uu Siyaad Barre ku qarwo qabiil Soomaliyeed, waxaa galabtaas laga
dareemi jiray Radiyo Muqdishu. Qabiilada qaar sugaanta ku wajahan lalama gaban
jirin, waana la cadeysan jiray in la cirib tiri doono:
- Labadeenna siifood
- Tii Saawir noqotaa
- Sinji guura weeyaan
Qiyaas Radiyihii qaranka oo looga dhaaranayo qabaa'il Soomaliyeed! Qiyaas
Soomalidii reer guuraaga aheyd ee dhaqanka u leheyd qabiilka markaa ay u
tiriyaan inuu liicsanyahay sidii shinidii ku loolami jiray cirib tirkooda, si
uusan qabiilkaas mar kale u soo kicin! Qiyaas dawlad dhan oo radiyihii qaranka
uga dhaaraneysa inay baa'bin doonta oo sinjigeeda tir-tiri doonto!!??
Haddii Qabaa'il kale uu rabo inuu Siyaad Barre u digo, oo ayn hilmaamin abaalkii
loo galay, Radiyo Muqdishu waxaa laga soo saari jiray;
- Dadka kii aad kurisee
- Isagoo kuududay banaan
- Ka soo kicisayee
- kaba aad u galisee
- Waran kugu Gilgilayee
- Waxan ahay Kacaanoo
- Sidaas kuma kufaaye
- ................
- Kas gaabkoow ogoow!
Haddii Siyaad uu dareemo in qeybaha bulshada qaar, ay niyad jab ka muujiyaan
sida shacaka qaar loo takooray, Waabari ba waxay u qaadi jireen, si aan loogu
diir nixin:
- Da bay meeli bugtaa
- Bugtaa, Bugtaa
- Dad bay meeli bugtaa
- Aan barannee
- Noo kala baar oo
- Bayaan u caddee?
Haddii Siyaad Barre uu rabo, in Qabiil habacsanaan laga dareemay la toosiyo,
Idaajaa baa Galabtaas Suugaan lagu daan daansanayo qabiilkaas radiyo Muqdishu ka
soo saari jiray, Suugaan lagu toosinayo, laguna xasuusinayo sidii ay taariikh ka
madaxbanaan qabaa'ilka loo tirinayo inay u diir naxeen, u lahaan jireen!
Haddii la rabo taariikhda qabiil in si khaldan loo muujiyo, Idaajaa baa soo
bandhigi jiray maqaallo ay cinwaan u yihiin:
Kumuu ahaa Boqor Cismaan?
Suugaanta Soomalida ee Radiyo Muqdishu waxay ku saleysneyd, In Siyaad Barre loo
muujiyo inuu yahay Darwiishkii labaad, Wixii Darwiishkii hore ka soo horjeedayna
ay kanna ka horimanayaan oo ay gumeysi raac yihiin, istaahila in la cirib tiro.
Waxaa kaloo la isku dayay in loo muujiyo Siyaad Barre inuu hoos ka hogaaminayay
SYL! Waloow ay runta sidaas ka fogeyd, Laakiin Idaajaa wuxuu ku shaqeynayay ku
celceli - iyadaa run loo qaadan doonaay. Dad badanna waaba rumeysteen; in
qabaa'ilka qaar ay Yuhud ka soo jeedaan ama la halmaalaan. Qar Daarod sheegtana
ayn runtii Darod aheyn! Kuwa Dir sheegtana ayn Dir aheyn, iwm!
Ku soo bood 2000 iyo hudhodhooda!?
Muxuu sameyn lahaa, C/Raxman Elay Haddii Gen. ceydiid uu Madaxweyne rasmiya ka
noqon lahaa Soomaliya. Sideebuu u isticmaali lahaa radiyha Dawladda Soomalida!?
Maalma dhaxdeer ah, C/Raxman Elay baa Boorka Soomalidu isku qariso ee qabiil
diidka asoo isku qarinaya wax badan ka hadli jiray; Takoorka Midgaha
www.somalitalk.com/quursi Haddase ujeeddo kale la soo baxay;
http://www.somalitalk.com/quursi/gabay1.html ,
http://www.somalitalk.com/quursi/gabay3.html ,
http://www.somalitalk.com/2005/apr/4apr605.html .
Markiise taageerayaasha Cisman Cato ay aloole ballaaran oo looga soo horjeedo
Dawladda aan cagaha badneyn rajadeeduna fiicneyn, hadana hurmuud u noqday
qoraalada lagu aflagaadeynayo dadka uu isleeyahay waxay horistaageen shiriarkii
ay wateen, qabaa'ilka ay ka soo jeedaan!?
Dhamaan qoraaladisii u danbeeyay, waxaa si cad ugu xardhan, ujeedada guracan iyo
qabiil weerarka ay wataan!? Ma Soomali baa af soomaali iyo ujeedada qoraalka loo
maldahi karaa!?
Arinta aan ka shifno:
Shirarkii looga soo horjeeday Dawladda ee lagu qabanayay Magaalooyinka mataanaha
ee Minneapolis iyo St. Paul, waxaa qaban qaabiyay wakiilada Cismaan Cato.
Shirarkooda waxaa isku dayay inay hor istaagaan, Taageerayaasha dawladda ka
dhalatay Kenya.
Waxaase intuba u dhaxeeya, dad Soomaaliyeed oo qabaa'il kala duwan ka soo jeeda,
laakiin kooxiba dhan u xaglineyso. Qoraayaasha Soomalida badankood laba taariikh
oo aad looga deyriyay bay daba socdaan. Taariikh madoow, waxaa suugaanta ku
daray Abwaan Ali Sugulle, oo Dawladdii shacabka madaxweynayaashooda midba markii
uu ama lumiyay doorashaddi hees u qaaday kii kalana markii la dilay hees
qabrigiisi ka dul qaaday. Laakiin markii Kacaanku dhsahay, daba dhilifnimo ku
caan baxay.
Waa meeshaas meesha ay Abdicasisi Dakharre iyo Xadraawi ku durayeen Ali Sugulle,
Sangub, Idaajaa iyo wixii la halmaala.
Waabari iyo Ali Sugulle Aden Cadde waxay u qaadeen;
- Shimirayahow Heesa
- hees Wanaagsan Heesa
- mar kalana waxay u qaadeen:
- Ubaxii baxayoow
- Sawdigan abaarsaday
Abdirshid Ali Sharmarke, oo meyd ah waxay u qaadeen;
....
- Qabri kula wareegoow
- Ilaahay wuxuu qoray
- bajin waa quraankuye
Suugaanta Soomalida waa sida af-Soomaliga, waxaana haboon in marka la soo
xiganayo, sidii ay ku timi oo aan laga been sheegin la raaciyo, haddii kale wali
waxaan garaaceynaa durbaanadii Aw Jama iyo Idaa Jaa.
C/raxman Elay, sidii taageerayaashii Kacaanki Oktoobar iyo shaqaalihiisii
warbaahinta ka qajili waa inuusan qabiilna ku weerarin Suugaan, isagoo ujeeddo
Siyaasadeed leh, waloow umaddu ka fiira dheertahay, raadka dhada ee la xar
xardhay. Soomalitalkna awalba loogama fadhiyan tayo ay mu baarto waxa khaldan
iyo waxa saxa ah.
Haddii aan Taariikhda Soomalida wax ka baraneyno, C/REaxman Elay shaarka
Sooamlidu kolba dhan u xirataan buu awalba qabay, hadda wuxuu aflgaadeynayaa,
shakhsi kastoo ka horyimaada danaha uu taageersanyahay, qabiilka ay ka soo
jeedaan. barina waa kuwo horleh!?
Sidii Waabari ee subaxna qabiilka ku doogay banaan cad, galabtiina qaadayay;
Dad bay meeli bugtaa
C/raxman Elay, maalinna maxasta iyo magaratada ha kala hadlo;
Iimaha takoorka ee midgaha
Maalinta ku xigtana, shakhsi ay shir isku laayeen, qabiilkiisa si cad iyo si
maldahanba ha u weero. Sidii radiyo Muqdishana, Soomalitalk, ha nagu sii deyso
C/Raxman Elay oo miiran!
U fiirsada maanta waa aflagaadada Qabiil hebel, iyo Difaaca Dr. galeyr. Barito
waa cayda Dr. galeyr iyo qabiil horleh. Maadama waxa isaga hogaaminya ay yihiin
shucuur qabiil!?
Nasiib wanaag, Soomalida uma dhuumanayo C/raxman Elay oo kale. Maxaa yeelay waan
u soo joognay
Faarax Dhibic
fdhibic@yahoo.com
Afeef: Aragtida qoraalkan waxaa leh
qoraaga ku saxiixan
»GABAY:1::
Quudhsi Diid [Ayax
Dhowre]
»GABAY:2::
Ayax Teg Eelna Reeb
[Ayax Dhowre]
»GABAY:3::
Qayla dhaan ha dhiirado
[M. A. Sangub]
»GABAY:4::
Gacal Takoor [Axmed
Asad]
Daabaco
Boggan | Print