Wararkii: Oct 19, 2006
- Sheekh Cabdi Qani Qorane “’iyadoo uusan
dhiig ku daadan ayaa rajeyneynaa in Maxkamado Islaami ah ka hirgalaan
Puntland..
- Madaxwaynaha DFKMG, C/laahi Yusuf Axmed, oo
Nairobi Soo Gaaray...
- Madaxwaynaha DFKMG oo
Addis ababa kula kulmay maamulka somaliland..
- Kooxda Contact Group oo maanta la
filayo in ay isa soo hor fariisiyaan..
- Ciidamo ka socda Maxaakiimta islaamiga
oo ka ambabaxay...
- Warar ku saabsan Barre Hiiraale iyo
halka uu ku sugan yahay..
- Sadex nin oo ganacsato soomaaliyed ah
oo lagu gubay dalka south afrika
Sheekh
Cabdi Qani Qorane “’iyadoo uusan dhiig ku daadan ayaa rajeyneynaa in
Maxkamado Islaami ah ka hirgalaan Puntland..
W/D Amiin Yuusuf Khasaaro
E-Mail :
amiinkhasaaro@hotmail.com
Waxaa maalmahan magaalada Muqdisho soo
gaaray culima’udiin ka yimid maamul gobaleedka Puntland kuwaas marti u ahaa
golaha Maxaakiimta Islaamiga, waxaana intii ay joogeen Magaalada Muqdisho
kulamo la yeesheen mas’uuliyiin ka tirsan Maxaakiimta Islaamiga ah oo ay
isla soo qaadeen is bedelka cusub ee ka dhacay Soomaaliya, iyo sidi is
bedelkaasi loo gaarsiin lahaa maamul Gobaleedka Puntland.
Sheekh Cabdi Qani Qorane iyo Sheekh C/llaahi
Max’ed Faarax oo u waramayey warbaahint ayaa waxay sheegeen in ay Muqdisho u
yimaadeen sidii ay walaalahooda ula qaybsan lahaayeen nasriga Illaahey
siiyey isla markaana ay u eegi lahaayeen xaaladda Muqdisho, waxayna sheegeen
in Dadweynaha ku nool Maamul Gobaleedka Puntland ay diyaar u yihiin in
deegaanadooda la hirgiliyo Maxaakiim Islaami ah.
“Dadku waa ay bislaadeen, waxaana
rajeyneynaa in iyagoo aan dhiig ku daadan in is bedelka ka dhacay Muqdisho
uu gaaro maamul Gobaleedka Puntland” ayey yiraahdeen Sheekh Cabdi Qani
Qorane iyo Sheekh C/llaahi Max’ed Faarax. [Warar dheeraad ah hoos ka akhri]
Culumo reer Puntland ah oo Nairobi ka dhoofay
oo Magaalada Muqdisho Maxaakinta islaamiga ah kula Kulmay.
Maxamed Cabdi Maxamed Bootaan
SomaliTalk Nairobi kenya
Faa Faahin Somali Talk /20 October.2006
Magaalada Muqdisho ee caasimada dalka Somalia
ayaa waxaa ka dhacay kulan dhex maray Culumaa'udiin reer Puntland ah oo
iyagu aqoon yahano iyo siyaasiyiin isugu jiray kana dhoofay magaalada
Nairobi maalintii Axada ahayd.
Culumadaan ayaa waxaa ka mid ahaa Sheikh C/laahi
Maxamed Farax oo dalka Sudan wax ku soo bartay si wayna looga yaqaan
magaalada Galkacyo iyo waliba Shiekh C/qani qorane, Maxamuud Sheikh C/ladiif
Muse Nuur, culumadan iyo maxaakinta islamiga ah ee somaliyed ayaa kulan
albaabada u xiran yihiin ku yeeshay magaalada muqdisho oo diirada lagu
saaray sidii ku dhaqanka shareecada EEBE looga hirgalin lahaa deegaanada
Puntland ee waqooyi bari somalia oo laga soo bilaabo 1998kii bishii Ausgto
laga dhisay maamulka Puntland oo isagu nabadii iyo kala danbtaytii soo
celiyay balse ay dadku wali u baahan yihiin ku dhaqanka kitaabka una hanqal
taagayaan.
Kulanka dhex maray labada dhinac ayaa waxaa
markii uu dhamday saxaafada shirjaraid u qabtay Sheikh C/qani Qorane isagoo
sheegay in ay ka wada hadleen maxaakimnta islaamiga ah ee somaliyeed arimo
la xiriira marka hore warbixin in ay ka dhagaystaan ku aadan maxaakiimta
islaamiga ah iyo waliba in markaasi ay ka wardoonaan arimaha isbadalada ka
dhacay magaalada muqdisho iyo waliba in laga hirgaliyo ku dhaqanka
shareecada islamiga gobolada Puntland ee somalia.
Sheikh C/laahi Maxmed Faarax oo ka mid ah
culumadaan kana mid ah aqoonyadaha Puntland ee wax ku soo bartay dalka Sudan
ayaa isagu u waramay saxaafada muqdisho waxaa u sheegay in maxaakiimta
islaamiga ah si nabad ah oon dhiig ku daadan ay ku tagaan gobolada puntland
isagooo si adag u dhaliilay hadalada ka soo yeera maamulka Puntland iyo
somaliland ee ah "cadow ayaa weerar lagu soo ah" .
Shiekha ayaa waxa uu beeniyay in in ay
magalada muqdisho u tageen ka mid noqshaha Golaha Shuurada Maxakinta
islaamiga ah ee somaliyed iyado ay soo baxayso warar arintaasi sheegaya ayaa
si adag uu u beeniyay Sheikh C/laahi Maxamed Faarax.
Madaxwaynaha DFKMG, C/laahi Yusuf Axmed, oo
Nairobi Soo Gaaray...
Galabnimadii Arbacada ee shalay ahayd ayaa
waxaa Nairobi caasimada kenya soo gaaray madax waynaha DFKMG, C/laahi Yusuf
Axmed oo lagu waday inoo tago magaalada Baydhabo balse safar aan la filayn
ayaa uu dhanka magaalada Nairobi ugu soo weecday.
Garoonka Diyaaradaha ee Joma Kenytta ee
Nairobi ayaa markii oo ka soo dagay isla markiiba waxaa magalada Nairobi
kulamo kala duwan kula qaaday madax ka tirsan dawlada kenya iyadoo ay ku soo
dhaweeyeen Nairobi ka dib imaanshihiisa xubno isugu jira dawlada somalia iyo
waliba dawlada kenya.
Madaxwaynaha DFKMG ayaa soo dhamaystay
booqasho dawr maalin ah oo uu ku joogay dalka Ethiopia Addis Ababa soo gaba
gabeeyay iyadoo la filayay in oo shalay galab ku laabto Baydhabo balse
Nairobi u soo baqoolay.
Ilo ku dhaw dhaw xafiiska madaxwaynaha oo ku
sugan Nairobi ayaa waxay noo sheegeen in magaalada Nairobi uu kula shirayo
hayadaha beesha caalamka iyo waliba dawlada kenya madax ka tirsan oo uu ka
mid yahay madaxwaynaha kenya Kibaki.
Inta badan dawlada somalia madaxdeeda ayaa
Nairobi u yimaada hawlo la xiriira arimaha somalia iyadoo ay ku leeyihin
xafiisyo KMG ah oo ay ku shaqeeyan iyadoo ay tahay Nairobi halka laga
askumay dawlada somalia ee baydhabo dagan, madax waynaha DFKMG ayaa Nairobi
waxaa ugu danbeeyey 6tii bishii hore ka dib markii uu ka qayb galay shirkii
madaxda IGAD ee Ethiopia, Kenya, somalia, Sudan iyo Uganda ay ka soo qayb
galeen .
Madaxwaynaha DFKMG oo intii uu joogay
Addis ababa kula kulmay maamulka somaliland madax ka tirsan si qarsoodi
ah.
Sida laga soo xigtey wargeysyada ka soo
baxa magaalada Hargaysa ee xarunta maamulka laga magac baxay somaliland
waxaa kulmay madaxwaynaha DFKMG C/laahi Yusuf Axmed ka hor intii uusan
ka soo dhoofin magaalada Adis ababa maalintii isniitii wasiirka Arrimaha
Dibadda Somaliland Cabdillaahi Maxamed Ducaale.
Ma jiraan warar xaqiijinaya jiritaanka kulankaas iyo waxyaabihii ay
labada dhinac kaga wada hadleen.
Hase yeeshee, sida ay tibaaxeen ilo xogogaal ah oo ku dhow-dhow
magaalada Addis Ababa, waxa uu kulankaasi ahaa mid labada dhinac kaga
arrinsanayeen guud ahaan arrimaha siyaasadeed ee ka soo cusboonaaday
mandaqadda Geeska Afrika, gaar ahaanna dhaqdhaqaaqa ay Soomaaliya ka
wadaan Maxkamadaha Islaamiga ah ee Muqdisho.
Warku waxa uu intaa ku daray in kulanka labada dhinac iskula soo qaadeen
sidii talo iyo mowqif midaysan uga yeelan lahaayeen awoodda xoogagga
Maxkamadaha ah ee liddiga ku ah labadooda maamulba, isla markaana ay
wadajir uga samaysan lahaayeen awood caabidda Maxaakiimta Muqdisho,
kuwaas oo maamulka Somaliland iyo xukuumadda Cabdillaahi Yuusuf u arka
in ay daba-dhilif u yihiin Maraykanka iyo Itoobiya.
Kulanka Cabdillaahi Yuusuf iyo weftiga Somaliland ayaa waxa wararkaasi
sheegeen in uu ahaa mid qabsoomiddiisa hore loo sii qorsheeyey oo ay ka
shaqaysay xukuumadda Addis Ababa.
Xubnaha weftiga Somaliland oo dalka ka ambabaxay Sabtidii toddobaadkan,
ayaa ujeeddada safarkooda Itoobiya waxa ay ku sheegeen in uu yahay mid
la xidhiidha arrimo ku saabsan xaaladda siyaasadeed ee mandaqadda iyo
saameynta ay ku yeelan karaan Somaliland, kuwaas oo ay tilmaameen in ay
kala soo xaajoon doonaan masuuliyiinta dawladda Addis Ababa iyo
diblomaasiyiinta dalalka shisheeye iyo weliba ururo caalami ah, waxa ay
ku soo beegantay saacado yar kadib markii Cabdillaahi Yuusuf iyo wefti
uu hoggaaminayey ay isla gelinkii dambe ee Sabtidii magaalada Baydhabo
ka qaadday diyaarad khaas ah oo ay dawladda Itoobiya u dirtay. [Sida
laga soo xigtay warbaahinta Hargeysa]
Maxamed Cabdi Maxamed Bootaan
SomaliTalk Nairobi kenya
Faa Faahin Somali Talk /20 October.2006
Kooxda Contact Group oo maanta la filayo in ay
isa soo hor fariisiyaan..
W/D Amiin Yuusuf Khasaaro
E-Mail :
amiinkhasaaro@hotmail.com
Kooxda Contact Group oo qaabilsan arrimaha
Soomaaliya ayaa u soo jeedisay Dowladda Federaalka ah iyo Maxaakiimta
Islaamiga ah in ay fuliyaan go’aanadii ka soo baxay shirkii Khartuum, waxay
u soo jeediyeen labada dhinac ay muujiyaan dulqaad iyo dabacsanaan, taas oo
ay sheegeen inay lagu baajin karo dagaal dhexs mara labada dhinac.
Madaxweyne C/llaahi Yuusuf Axmed oo gaaray
maalintii shalay ahayd Nayroobi ayaa kulan gaar ah la yeeshay mas’uuliyiin
ka tirsan Kooxdaasi waxayna isla soo qaadeen arrimaha Soomaaliya.
Madaxweyne C/llaahi Yuusuf Axmed ayaa waxa
uu sheegay inaysan marnaba hor fariisan doonin Maxaakiimta Islaamiga ah oo
uu ku eedeeyay inay jabiyeen heshiiskii khartuum.
Maanta ayaa la filayaa in wafdi ka socda
golaha Maxaakiimta oo uu horkacayo Xoghayaha Arrimaha Dibadda ee Maxaakiimta
Porf, Ibraahim Xasan Caddow inay gaaraan Magaalada Nayroobi si ay ula
kulmaan kooxda Contact Group wara ayaase sheegaya in golaha Maxaakiimta iyo
Dowladda Federaalka ay kooxdaani isa soo hor fariisin doonto.
Ciidamo ka socda Maxaakiimta islaamiga oo
ka ambabaxay...
Ciidamo aad u xoogan oo wata Tikniko fara
badan kana tirsan golaha Maxaakiimta Islaamiga ah ayaa u dhaqaaqay dhinaaca
iyo deegaanka Bu’aale, iyadoo lagu waramey inay ciidamadaasi ay ka tageen
Magaalada Kismaayo.
Ciidankaan ayaa la sheegay inay ka hor tagi
doonaan maleeshiyada uu wato Col. Barre Hiiraale oo iyagu soo siqaya degmda
Bu’aale ee Gobalka J/dhexe. Ciidanka Maxaakiimta oo isku qaybiyey labo
qaybood aya waxaa la sheegay in koox ay soo gaartay degmada Jilib, kooxda
kalana lama garanayo halka ay u dhaqaaqeen, wararka qaar ayaa waxay
sheegayaan in ay qaybtaasi ay si toos ah u tagi doonto degmada Bu’aale.
Warar ku saabsan Barre Hiiraale iyo halka
uu ku sugan yahay..
Wararka naga soo gaaraya Degmada Bu’aale ee
Gobalka J/hoose waxay sheegayaan in Ciidmada Barre Hiiraale ii ku sii siqaya
Bu’aale ay shalay sameeyeen dib u gurasho lamina garanayo waxa keenay dib u
gurashadaasi, hase yeeshee warar ayaa waxay sheegayaan in Barre Hiiraale uu
taakuleyn ka sugayo Dowladda Federaalka ah.
Waxaa la filayaa in maanta Barrre la
gaarsiiyo saanad hub ah oo ka tageysa Degmada Diinsoor, iyadoo wararka ka
imaanay Bu’aalana ay sheegayaan in maalintii shalay ahayd ay magaaladaasi ka
bilaabatay qax, sidoo kale ciidamada Maxaakiimta ee ku sugan Bu’aale ayaa
lagu waramay inay adkeenayaan difaacooda, waxaana la sheegay in ay shalay
gaartay saanad hub ah oo ka tagtay Muqdisho.
W/D Amiin Yuusuf Khasaaro
E-Mail :
amiinkhasaaro@hotmail.com
Sadex
nin oo ganacsato soomaaliyed ah oo lagu gubay dalka south afrika
Sedex Nin oo soomali ah ayaa lagu gubay
Magaalada PORTELEZABIT oo ka mid ah Magaalooyinka ay dagan yihiin soomalida
ganacsatada ah ee ku sugan dalka south afrika Sedexdan Nin oo Sawiradoodu ay
ka muuqdaan dhaawac culus ayaa waxa ay hada ku jiraan Cisbitaalka edexadn
nin ayaa lagu magacaabaa Yuusuf Yare, Maxamed Muumin Iyo Cali Cadaw
Sedexdan nin ayaa waxa lagu magacaabaa
YUUSUF YARE . MAXAMED MUUMIN iyo CALI CADAW oo waqtigaasi ku jiray
meheradaha ay ka ganacsanayeen isla markaana ay ahayd waqti habeen ah oo ay
jiifeen Goobtooda ganacsiga
Sidoo kale Waxuu warku uu intaas ku
darayaan in laba kamid ah ragaasi ay xaaladooda aad u liidato qaar kamida
soomaalida ku dhaqan gobolkaasi oo aanu la xidhiidhay ayay noo xaqiijiyey
in kooxahaasi budhacad ah ee south afrikaanka ahi ay dhaceen dukaankaasi
dabadeedna ay dabqabadsiiyeen iyagoo ragaasina gudaha dukaanka lagu soo xidh
xidhay
Si kastaba ha ahaate Soomalida ku dhaqan
wadanka south africa ayaysan jirin cid u dooda oo kala hadasha Dowlada
South Africa Iyadoo ay maalamhan danbe ay sii badanayaan ugaadhsiga
ganacsatada soomaalida ahi.
Yaasiin maxamed cali (faytin)
Yaasiin2006@hotmail.com
002521-580916
Faafin: SomaliTalk.com | Oct 19, 2006
Shariif Xasan: "Geeddi wuxuu Caqabad ku yahay Dib u
heshiisiinta Soomaaliya"
»Digil & Mirifle oo
Baydhabo ku soo dhaweynaya maxkamadaha
»C/llaahi Yuusuf oo
fariin soo gaarsiiyey Digil iyo Mirifle..
»Beesha Sade: Gen Cali
Madoobe wax lug ah kuma lahayn..
»Ciidamada Maxaakiimta
iyo kuwa Barre Hiiraale oo isu jira
»Munaasabad lagu
xusayey Maalinta Saboolnimada adduunka
»Banaanbax rabshado
wata oo ka dhacay Xarardheere...
»C/laahi Yuusuf Axmed
iyo Meles Zenawi oo shir yeeshay..
»Markii labaad oo ay
haween Soomaaliyeed ay Deeq lacageed
»Gen. Cali Madoobe oo
gaashaanka u daruuray inuu..
»Jaamacadda Carabta oo
beenisay hadal ka soo yeeray...
Wararka oo dhan ka akhri halkan... Guji... Oct
18
Markii
labaad oo ay haween Soomaaliyeed ay Deeq lacageed oo ka soo direen W/Ameerika
oo la gaarsiiyey qoysas u badan agoon iyo kuwo dhibaateysan...
Deeq ka koobneyd Lacag gaareysa $1800 oo
haween Soomaaliyeed oo ku nool dalka Maraykanka ay soo direen ayaa
maanta loo gaarsiiyey qoysaska caruur Soomaaliyeed oo ku agoontoobay
dagaaladii dhowaan ka dhacay magaaalada Muqdisho iyo kuwa dhibaateysan
munaasabad ka dhacday xarunta Markaska dacwada Ummul-Qura oo ku yaala
degmada Hodan ee magaaladan Muqdisho.
Abwaan Abshir Nuur Faarax (Bacadle) oo
haweenka soo diray deeqdaasi ay u soo mariyeen dadkaasi agoonta ah iyo
kuwa dhibaateysan ayaa sheegay in haweenkan ku nool dalka Maraykanka ay
lacagtan ugu talo galeen sidii ay ugala qeyb qaadan lahaayeen
munaasabada ciida Soonfureed farxadna ula ciidi lahaayeen qaar ka tirsan
walaalahood agoonta ah ee ku dhibaateysan magaaladan Muqdisho iyo dadka
kale ee tabaaleysan, isagoo xusay in lacagtan oo dhameyd illaa $1800 oo
Dolar lagu sarifay boqolkii dolar 13,70,000, taasoo cadadeeda guudna ka
dhigtay 24,600,000 (Labaatan iyo afar Milyan iyo lix boqol oo kun Sh.So)
ah.
“Deeqdan waxaa idin soo diray haween
walaalihiin ah oo ku dhaqan W/Ameerika, kuwaasoo ka damqaday dhibaatada
xiliggan heysata dadka Soomaliyeed gaar ahaan agoonta, waxaan u
rajaynaynaa haweenka Muslimaadka ah ee ee deeqdan soo diray inuu ILAAHEY
Siiyo bedel qeyr qaba, baaqigoodana u barakeeyo” ayuu yiri Abwaan
Bacadle.
Lacagtan ayaa ilaa shan milyan oo ka mid
ah waxaa qoo qeybiyey qoysas dhibaateysan oo marti ah oo goobta soo
xaadiray, waxaana lacagtaasi inta ka hartay loo qeybiyey qoysas agoon ah
oo iyagu dhibaato gaar ah qaba marka laga reebo Shan milyan iyo Afar
boqol oo Sh.So ah oo lagu wareejiyey maamulaha Markaska dacwada
Ummu-Xafsa Aamina C/raxmaan si ay gaarsiiso isla qoysaska agoonta ee
dhibaatada gaarka ah ay ka muuqato oo iyagu diiwaan gashanaa, hase
ahaatee goobtaasi aan soo xaadirin.
Aamina C/kariim oo ka mid ah
mas’uuliyiinta markaska dacwada ee Ummu-Xafsa ayaa u mahad celisay
haweenkii muslimaadka ahaa ee deeqdaasi soo gaarsiiyey qoysaska caruurta
Soomaaliyeed ee aabayaashood ay ku geeriyoodeen dagaaladii ka dhacay
magaaladan Muqdisho, iyadoo xustay in deeqdan ay ku soo beegantay xili
ay si weyn ugu baahnaayeen qoysaskaasi oo isla markaana ay soo dhowdahay
munaasabadii ciida Soonfureed, waxayna ugu baaqday dadka Soomaaliyeed ee
ku nool gudaha iyo dibeda intaba iney u naxariistan agoonta Soomaaliyeed
oo ay sheegtay iney ILAAHEY agtiisa maalinta Qiyaame ajir iyo xasanaad
fara badan oo aan la soo koobi karin uga helayaan.
Ma’ahan markii ugu horeysay ee haweenkan
Soomaaliyeed ee ku nool dalka Maraykanka deeqo lacageed soo gaarsiiyaan
agoonta iyo dadka tabaaleysan ee ku ku jira xeryaha dadka soo barakacay
ee ku yaala qeybaha kala gedisan ee magaladan Muqdisho, waxayna
dhowaanahanba soo gaarsiinayeen deeqo kala duwan dadka ku dhaqan
goobahaasi oo iyagu si aad ah ugu baahnaa duruufo lixaad lehna ay uga
muuqdeen, iyadoo haweenkan Soomaaliyeedna deeqaha la gaarsiinayo
dadkaasi u soo marinayey abwaan Abshir Nuur Faarax (Bacadle) oo ka mid
ah abwaanada Soomaaliyeed ee ku dhaqan magaalada Muqdisho.
Muuse Maxamuud Jiisow
Somali39@hotmail.com
Muqdisho Somalia
002521576666
002521653623
Oct 18, 2006
| 
Daabaco
Boggan | Print
