Mudane
waa ku sidee....
 W/D:
Amiin Yuusuf Khasaaro
E-Mail
amiinkhasaaro@hotmail.com
Muqdisho, Soomaaliya
Baydhabo oo aan dhawaan tagay ayaan waxaan u
kuurgalay qaabka u shaqeeyaan Xildhibaanada Baarlamaanka iyo waxa ay qabtaan
marka aysan lahayn wax shirar ah.
Xildhibaanada oo degan dhowr Hotel oo ku yaala
magaalada Baydhabo ayaa waxa ay bishii qaataan $1800 oo Doollar, marka la
fiiriyo lacagtaasi waa lacag aad u fara badan, waxaana Lacagtaasi bixiya mid
ka mid ah hay’adaha caalamiga ah, mar aan wax ka weydiiyay mid ka mid ah
Xildhibaanada Baarlamaanka sababta ay u qaataan lacagtaasi faraha badan,
waxaase iigu jawaabay “aad bay noogu yar tahay, oo nolosheena kuma filna”,
aad baan uga naxay, Nin Odey ah ayaan isna weydiiyay sida uu arko lacagtaasi
faraha badan ee ay qaataan xildhibaanadu, wuxuuna ku jawaabay “waxaa la
doonayaa in aysan weligood aysan fekerin oo sidaa isaga fadhiyaan, isla
markaana lagu ilowsiiyo waajibaadkoodii loo soo doortay”.
Waxaa dalka ka dhacay abaar aad iyo aad u
waxyeeleysay dad iyo duunyo, habeen ka mid ah habeenada ayaa waxaa shacabka
Soomaaliyeed ee ku nool dalka gudihiisa iyo dibaddiisa loo soo jeediyay bal
inay ka qaybtaan tabarucaad loo fidinayo dadka ay baaruhu halakeeyeen,
waxaana warkaan la siideynayo maalinkaas ay qaataan Xildhibaanadu min 900 oo
doolar, waxaase nasiib daro noqotay in la waayo hal xildhibaan oo ku
dhiirada war intaa ayaa iga diyaar ah, toban Doolarba allaha ka dhigee.
Markii aan si hoose ugu kuurgalay
Xildhibaanada Baarlamaanka 40% waa kuwa
qayila oo lacagtooda ku khasaariyay
geedkaasi, iyadoo Baadiyaha Magaalada Baydhabo ay dad ugu dhimanayeen Gaajo
iyo Biyo la’aan, miyuusan Xildhibaanku ogeen in uu yahay midkii loo soo
doortay Mas’uuliyadda Ummadda gaar ahaan shacabka oo ay matalaan mudana ku
soo guda jiray dhibaatooyin iyo dagaalo sokeeye.
Todobaadkii hal ama labo jeer ayay kulan
Baarlamaanku isugu yimaadaan, maalmaha ay firaaqada leeyihiin waxa ay fadhi
ku-dirir ku sameeyaan Hoteelada ay degan yihiin hortooda, iyagoo mar
kastana halkaasi ku falanqeeya siyaasadda Dalka sida, Muusaa sidaa yiri,
Max’ed Dheere ayaa furka tuurtay, Qanyaraa la qaban la’ yahay, ma
dhageysatay warkii xalay iyo kuwo kale, mararka qaarkoodna fadhi ku
dirirkaasi waxa uu keenaa in Xildhibaanadu isku xanaaqaan oo ay u kala
saftaan labadii dhinac ay markii hore cayaartoodu ka bilaabatay sida
Muqdisho iyo Jowhar. Sharciyan Mudane Baarlamaan waxaa ka mamnuuc ah in
bulshada uu matalo dhexeeda uu ka qeylqeyliyo uuna ku falanqeeyo
siyaasadda dowladiisa, waayo Mudanaha la mid ah ma ahan nin shacab ah, xitaa
hadalada fadhi ku dirirka ee ay sameeyaan Xildhibaanadu waxaa ka mamnuuc ah
in ay sii daayaan warbaahinta, iyadoo sharaftaasi la siiyay mudanaha ayaa
haddana mudanayaasha qaarkood waxaa moodaaba in aysan u qalmin
Xildhibaannimada.
Xildhibaanada Baarlamaanka oo isugu jira
Macallimiin, Dhakhaatiir, Injineero iyo rag kaloo aqoon sare leh aya
maagaalada ay ku sugan yihiin waxaa ka furan Iskuulaad, Isbitaalo iyo
Machadyo, iyadoo Xildhibaanadaas intooda badani ay ku lumiyaan waqtigooda
Turub, Dumlad iyo daawashada Aflaanta mararka ay firaaqada leeyihiin,
waqigaas ay luminayaan sow ma wanaagsana in aqoontooda ay uga faa’iideeyaan
Bulshada halkaasi ku nool, ka soo qaad todobaadkii xiiso ama laba xiiso in
ardayda wax ka barata Dugsiyada Magaalada Baydhabo ay wax ugu kordhiyaan,
Isbitaalka Magaalada Baydhabo ayaa isagu ilaa iyo haatan la’ dhakhtar
fariista, iyadoo Baarlamaanka ay ku jiraan Dhakhaatiir Aqoon sare leh oo
tobaadkii laba goor oo ay fariistaan kaafin lahayd dad badan, waayo inta badan
Xildhibaanada waxay wax ku soo barteen waa canshuurtii wadanka.
Mudane dib isugu laabo oo waqtigaagu ha noqdo
mid aad ku gudatid waajibaadkii laguu soo doortay aadna uga faa’iideysid
Bulshada inta aad firaaqada tahay waayo waxa ku eegaya waa bulshadii oo dhan,
waxaad dhex joogtaana bulshadii, waa laga fiican yahay xildhibaan baan ahay,
caloosheedaan aqaan, hadduu xaalku sidaa noqdana sow noqon meysaan
Calooshood la ciyaarayaal aan wax kale u muuqan.
Waxyaabahii kale ee aan ku arkay Mudanayaasha,
waxaa ka mid ah iyagoo maanta la iclaamiyo in la qaadanayo mushaarka ay
Magaalada Baydhabo soo buux dhaafiyaan Xildhibaanada oo qaarkood ka yimaada
banaanka magaalada, marka ay mushaarka qaatanaana waxay dib ugu laabtaan
howlahoodii, iyadoo maalintii uu furmay Baarlamaanka kal fadhigiiisii ugu
horeeyay ay fariisteen 240 Xildhibaan, maanta waxaa ku sugan Magaalada
Baydhabo 110 Xildhibaan, Guddoomiyaha oo looga fadhiyay in uu la socda
Xaaladda Xildhibaanada iyo haddaba sida ay howlahooda u gudanayaan ayaad
moodaaba in uu isna ka mashquulay, sidaa darteed Mudane boorka is jafoo
meesha ka haahaabo waqtigii sii dhamaaye oo Mudane waa ku sidee!!.
W/D: Amiin Yuusuf Khasaaro
E-Mail:
amiinkhasaaro@hotmail.com
Faafin: SomaliTalk.com | May
29, 2005
BAYDHABO:::
Sug intuu C/llaahi ka imaanayo..... Guji..
Qaranka aan Dawladda
lahayn, Dumarka waxbartay waxa ay door weyn ka qaataan iibinta Geedka
Daroogada ee sida fooqal-xadka ah loo Isticmaalo
 Ciribtirka
Cunitaanka iyo Ka Ganacsiga Qaadka
Soomaalida Minnesota oo isku ballansaday In ay Cunitaanka
Qaadka ka Cirib Tiraan Gebi Ahaanba Meel ay Soomaali Kaga Nooshahay Dunida
Guud Keeda...
Guji...
2002: Qaadka
oo Kusoo Qulqulaya Ameerika
2002: Soomaalida U.K. oo Ku Baaqay In La Mamnuuco
Qaadka
KHASAARAHA DHAQAN-DHAQAALE EE
QAADKU KU HAYO SOOMAALIYA:
Waxaa lagu qiyaasay in garoonka Deyniile oo keliya laga dejiyo
qaadka nooca Miirowga loo yaqaan oo qiimihiisu dhan yahay $170,000/bishiiba,
taas oo sannadkii ka dhigeysa $2,040,000. Qiyaas akhristow
inta ardayga Soomaaliyeed uu ku dhigan karo Jaamacad kutaal
Soomaaliya..
Guji..
BOSASO: Kasoo horjeedka
Cisbitaalka Boosaaso waxaa kuyaal suuqa daroogada Qaadka oo ay
kasoo baxdo miisaaniyad lagu qiyaasay
$US50,000 maalintiiba, laakiin lacagta halkaas ka soo baxda
iyo cashuurteedu toona ma gaaraan cisbitaalka, sidaas waxaa qoray...
ABC
Australia...
Kulaabo bogga www.SomaliTalk.com
| 
Daabaco
Boggan | Print
