Gabar Soomaali oo iyadoo
xambaarsan 76 kiilo oo Qaad ah lagu Qabtay....
Waxaa arruurisa: Ikraam
Cali-kaar
Gothenburg- Sweden
ikraam@journalist.com
Inkastoo aysan aheyn
arrintani falkii ugu horeeyey ee noociisa ah oo dad soomaali ah qaad
loogu qabto Sweden iyo wadamo kale oo ku yaala dalalka Galbeedka ayaa
hadana tani tahay mid laga naxo marka la eego da'da aadka u yar ee lugu
sheegay gabadhaasi soomaalida ah iyo iyadoo ah ruux dumar ah. (waa labo
ceen oo kala daran).
Wargeyska maalin laha ee kasoo baxo
magaaladatan Gothenburg ee Metro ayaa qoray qoraal uu kaga hadlayo gabar
soomaali ah oo la sheegay iney ku rarneyd qaad dhan 76 kilo markii la
qabanayey.
Wargeyska oo amuurtan sii faaleynaya ayaa sheegay in gabadhani ay markii
hore aheyd dadka maan dooriyaha sida waalida ah u adeegsan jiray oo
caafimaad ahaana lagala tacaalay sidey uga hari laheyd walow uusan
carabaabin wargeysku maandooriyaha ay adeegsan jirtay.
Gabadhani oo maxkamad ku taala
magaalada Gothenburg loo horkeenay amuurtan ayaa hadana markii ay kasoo
kabsatay maandooriyeyaashii laga daweynayey dhibaatooyinkii hor taagna
iney nolosha iska celiso ay qaarkood halkoodi noqdeen, sida ineysan
dugsigii dhaxe weli dhameysan iyo iyadoon helin shaqo rasmi inkastoo
tani wadankan oo dhan ay shaqo la'aantu tahay mid aad u sareysa. Hadana
Wargeyska wuxuu sheegay in gabadhani dad ay waqti maandoriyeaasha la
isticmaali jreen ay la soo xirriireen ana hanjabeen hadeysan ogolaan
iney kala shaqeyso ganacsiga qaadka kana dalka Denmark waa sida ay
gabadhaasi sheegtay wargeyskuna xusaye.
Bishii april ee sanadkan ayey
gabadhaasi aaday magaalada Kopenhagen ee dalka Denmark halkaasina ay
xadka Sweden kasoo gelisay qaadkan lugu qabtay ee dhan 76 kilo. Iyadoo
iska difaaceysa falkan ayey sheegtay ineysan ka warqabin boorsada waxa
ku jira waa sida ay ku dooday. Mida la yaabka leh ayaa ah iney hadana
qirato iney iyada gacanteeda ku soo gelisay misna inkirto.
Dalka Sweden waxaa uu kamid yahay
dalalka dhibaatada qaadka uu si weyn uga hayo mujtamaca soomaalida
hadana aaney dowlada iska saarin mas'uuliyad xoogan oo ay qaadkaasi ku
mamnuuci karto. Dad badan oo soomaali ah ayaa qaadka mooday inuu yahay
ganacsi lacago laga helayo lacago farro badan balse sida ay mar walba
warbixinada qaadka la xirriira laga qoro ayaa sheegta in qoysas badan ay
dhibaatooyin qaadku ku hayaan loona xir xiro. Waqtiyadan dambena waxaa
dalkan Sweden la arkayey adeegsiga qaadka oo ay dumarka si xad dhaaf ah
u cunaan ugana ganacsadaan sida gabadhan yar ee maanta wargeysyadu hal
hayeen.
Waxaa arruurisa: Ikraam Cali-kaar
Gothenburg- Sweden
ikraam@journalist.com
Faafin: SomaliTalk.com |
 Ciribtirka
Cunitaanka iyo Ka Ganacsiga Qaadka
Soomaalida Minnesota oo isku ballansaday In ay Cunitaanka
Qaadka ka Cirib Tiraan Gebi Ahaanba Meel ay Soomaali Kaga Nooshahay Dunida
Guud Keeda...
Guji...
2002: Qaadka
oo Kusoo Qulqulaya Ameerika
2002: Soomaalida U.K. oo Ku Baaqay In La Mamnuuco
Qaadka
KHASAARAHA DHAQAN-DHAQAALE EE
QAADKU KU HAYO SOOMAALIYA:
Waxaa lagu qiyaasay in garoonka Deyniile oo keliya laga dejiyo
qaadka nooca Miirowga loo yaqaan oo qiimihiisu dhan yahay $170,000/bishiiba,
taas oo sannadkii ka dhigeysa $2,040,000. Qiyaas akhristow
inta ardayga Soomaaliyeed uu ku dhigan karo Jaamacad kutaal
Soomaaliya..
Guji..
BOSASO: Kasoo horjeedka
Cisbitaalka Boosaaso waxaa kuyaal suuqa daroogada Qaadka oo ay
kasoo baxdo miisaaniyad lagu qiyaasay
$US50,000 maalintiiba, laakiin lacagta halkaas ka soo baxda
iyo cashuurteedu toona ma gaaraan cisbitaalka, sidaas waxaa qoray...
ABC
Australia...
Kulaabo bogga www.SomaliTalk.com
| 
Daabaco
Boggan | Print
