Daabaco Boggan | Print Muqdisho: Banaanbax Looga Soo Horjeedo Ciidamada Itoobiya Banaabax si weyn loo soo agaasimey oo ka dhacey Fagaaraha weyn ee Tarabuunka Magaalada Muqdisho ayaa... Akhri... Siyaasadda Itoobiya ee ku wajahan Soomaaliya Himilada iyo Siyaasadda Itoobiya... Akhri.... Degaanka Maxalliga iyo Wadaagga Batroolka: Qaybtii 2aad: Halganka loogu jiro lahaanshada iyo xeer u samaynta batroolka adduunka.... Akhri... »»»»Qaybta: 1aad | 2aad Sweden: Maxaa Keenay Guuldarada Ardeyda Soomaaliyeed: Waxaa diyaariyey  macallin Soomaaliyeed Akhri.. Tallaabada la filan karo in uu Golaha Ammaanku ee Qaraamada Midoobey uu ka qaato Soomaliya.. Akhri Xuquuqda Qoraalka Copyright Akhri.. Qaabka Loo Qoro warka, Faallada iyo Ra'yiga Guji Silsiladdii Taariikhda Islaamka: Casharadii Taariikhda Islaamka oo markale dib u bilowday, Guji.. Qore:  Sh. C/risaq Macallim Fuustooyinka Sunta ee ku Duugan Jidka Garoowe-Bosaso TV-ga Rai ee Talyaaniga ayaa soo bandhigay baaritan cadayn u ah sunta halista ah ee ku duugan Soomaaliya, baaritaankaas oo afar qaybood ah oo af Talyaani ah daawo: Qaybta 1 | Qaybta 2 | Qaybta 3 | Qaybta 4 Video-ga si aad u daawatid soo rogo barnaamijka windows media player Akhri: Cilmi Baaristii Sunta ku Duugan Soomaaliya | 2000 | Dr. Bashir

Shiinaha iyo Ruushka oo taageeray Qaraarka qabyada ah ee uu Mareykanka Hor dhigey Golaha Ammaanka.

Dowladdaha Shiinaha iyo Ruushka oo Codka Qayaxan ee VITO ku leh Golaha Ammaanka ayaa si cad ah u taageeray Qaraarka qabyada ah ee uu Mareykanku hor dhigay Golaha Ammaanka.

Qaraarka Cuna qabateynta hubka lagaga qaadi doono Soomaaliya ayaa Galabta waxaa ka doodaya ilaa 15 Dowladood ee xubnaha ka ah Golaha Amaanka.

Labadan Dal ayaa noqday Dalalkii u horeeyay ee taageeray Qorshaha Mareykanka uu wato, kaas oo ku aadan in Ciidamo Nabad Ilaalin ah loogu diro Soomaaliya.

Sidoo kale Warka ayaa waxa ay intaas ku darayaan in labadan dowladood ay ahaayeen kuwa keliya ee uu Mareykanku cabsi ka qabay inay ka horyimaadaan Qaraarka qabyada ah ee Cunaqabateynta Soomaaliya dhanka hubka lagaga qaadayo, laakin waxaa muuqata in ay u fududaaneyso qaadista Xayiraada Hubka ee saaran Soomaaliya.

Dowladaha Faransiiska, Ingriiska iyo Jarmalka ayaa ka biya diidsan Qaraarka uu soo bandhigay Mareykanka, waxeyna digniin ka muujiyeen Qaadista Xayiraada Hubka ee soomaaliya la saaray sanadii 1992-dii.

Si kastaba ha ahaatee Arintan ayaa kusoo beegmaysa xili ay Hey'adda Xalinta Khilaafaadka ee marka Magaceeda la soo gaabiyo loo yaqaan (ICG) ay ka digayaan in la qaado Cuna qabateynta Hubka ee saaran Soomaaliya, Islamarkaana iyagoo cod dheer ku yidhi hadii la Qaado cunaqabataynta waxay keeni doontaa dagaalo halis ah.

SHariif xasan sheikh aadan oo Muddo Toddobaad ah loo qabtay inuu ku yimaado Magaalada Baydhabo

Xildhibaannada Baarlamaanka Soomaaliya oo maanta fadhi ku yeeshay Magaalada Baydhabo ee xarunta Dowladda Soomaaliya ayaa ka dalbaday Guddoomiyaha Baarlamaankaas oo haatan ku sugan Magaalada Jabuuti in muddo 7 maalmood ah ku yimaado Magaalada Baydhabo.

Afhayeenka Baarlamaanka Soomaaliya Shariif Xasan Sheekh Aadan ayaa mudooyinkan dambe waxaa uu ka aragti duwanaa madaxada sar sare ee Dowladda xubnaheeda kale, isagoo Maxkamadaha Islaamiga heshiis kula galay Magaalada Muqdisho.

Kulankii Maanta oo Shir Guddoon ka ahaa kuxigeenka Labaad ee Baarlamaanka Soomaaliya Cusmaan Cilmi Boqore ayaa waxaa laga dalbaday Guddoomiyaha Baarlamaanka inuu yimaado Baydhabo muddo dhan 7 cisho.

Si kastaba ha ahaatee Lama oga Talaabada ay Qaadayaan hadii uu Guddoomiyaha Baarlamaanka ku tagi waayo Baydhabo muddo 7maalmood ah.

Diyaarad wada caawimo raashin ah oo kasoo kicitintay Imaaraadka carabta oo kasoo degatay garoonka weyn ee muqdisho .

Diyaaradan oo laga leeyahay Imaraadka carabta ayaa siday raashin u kala Qaybsama noocyada kala duwan ee cuntada quutul daruuriga sida burka ,bariiska ,sonkorta iyo weliba qaybaha nafaqooyinka kala duwan sida buskutka iyo daawo dhowr nooc ah ,islamarkaana deeqadaan ayaa waxaa la gudoonsiiyey masuuliyiin ka tirsan golaha axaakiimta soomaaliyeed.

Sidoo kale Diyaarada ayaa waxay waday deeq badan oo sida ay sheegeen masuuliyiinta la wareegay deeqdaas ee golaha maxaakiimta islaamka soomaaliyeed oo isugu jirtay Bur-bariis, Sokor, Buskud, Dawo iyo alaabo kale oo tankeeda lagu sheegay 40 Mtone, ayaa loogu talo galay dadka ku tabaaloobay fatahaadaha webiyada iyo biyaha ee koonfurta soomaaliya ,Sheekh Suleymaan Al-xuseyni oo ka tirsan Hay'adda Bisha Cas ee Imaaraadka oo la socday Diyaaraddaasi, isla markaana saxaafada ugu waramayey gudaha garoonka diyaaradaha ee magaalada Muqdisho ayaa sheegay inay deeqdaan ugu tala galeen dadka walaalahooda ee dhibataysan ee ay fatahaadaha biyaha wax yeeleeyeen .

Sheekh Suleymaan Al-xuseyni oo ka mid ah saraakiisha Hay'adda Bisha Cas ee Imaaraadka carabta ayaa sheegay in deeqdaan aysan ku ekaan doonin diyaaradaan oo kaliya balse ay tahay mid sii socon doonta oo dhowaan ay hay'addu soo gaadhsiin doonto shacabka Soomaaliyeed ee ku dhiban fatahaadaha.

K/xigeenka labaad ee golaha fulinta maxaakiimta islaamka soomaaliya, Sheekh C/qaadir Cali Cumar ayaa waxa uu saxafada u sheegay in deeqdaasi ay gudoomeen ay gaadhsiin doonaan dadka ku dhiban fatahaadaha, isagoo sheegay in ay aad ugu faraxsan yihiin gargaarka ay ka heleen hay'adda bisha Cas Imaaraadka carabta .

Sheekh C/qaadir ayaa ka codsaday hay'adda Bisha Cas Imaaraadka in ay sii wado kaalmada isla markaana aysan ku ekeyn intaan oo keliya isagoo weliba intaas ku daray inay abaal weyn ugu hayaan dalka Imaaraadka carabta iyo weliba hay,adaba .

Si kastaba ha ahaatee Deeqdaan oo ah tii ugu horaysay ee bixiyaan dowlaladaha Imaaraadka carabta tan iyo intii ay biyaha fatahaadaha ahi dhibaatada u gaysteen dadka shacabka ee ku dhaqan meelo kamida koonfurta soomaaliya marka laga reebo dadka soomaalida ah ee kala jooga dalka gudihiisa iyo dibadiisa oo muujiyey dadaalo ay ku doonayaan inay deeqo ay usoo ururiyeen walaalahooda dhibaataysan ay soo gaadhsiiyeen waloow aysan daboolin dhibaatada jirta xiligan .


yaasiin maxamed cali (faytin)

yaasiin2006@hotmail.com

00521-5580916

Faafin: SomaliTalk.com | Nov 30, 2006
 

BAARID | SEARCH