SOMALITALK.COM

“Alla Wiilka ha iga dhihin Calal Uus”

W/D: Amiin Yuusuf Khasaaro

Muqdisho, Soomaaliya

Caruurta waa Jilayaal xilli kasta oo yimaadana waa kuwa matala waxa ka dhacaya hareerahooda , mararka qaarkod waxaa la dhihi karaa wax bay saadaaliyaan , iyadoo taasi ay jirto ayaa akhristayaasheenna waxaan halkaan ugu soo gudbinayaa dhacdooyin ay jileen caruurta Soomaaliyeed , waxaan soo xasuustey dhacdoo ay sameeyeen ama ay jileen caruurtaas gaar ahaan markii ay joogeen Maxkamadaha Islaamiga oo ay ka talinayeen inta badan dalka waxaa xiligaas Maxkamadaha ay toogteen rag wax dlley

Caruurta way ku cusbeyd dad la tooganayo waxayna qaarkood soo daawadeen toogashadaas waxayna dib ula soo laabteen Xaafadahooda iyagoo bilaabey in ay jilaan Toogashadaas waxaana la kulmey caruur sameyneysa waxii ay soo arkeen waxaan goob joog u ahaa laba caruur inta caruur kale soo qabteen la leeyahay waxa lagu soo qabtey falal Burcadnimo ah iyadoo kuwa kalena ay iska dhigayaan ciidamadii Maxkamaha islaamiga , markiiba waxaa lagu xukumey dil toogashao ,labadii caruurta inta indhaha laga xirey la soo taagey tiirka toogashada , iyadoo ay rasaastii waa dhagaxaantii ku socota ayaa waxaa ku soo baxay hooyo dhashey mid ka mid ah kuwa la tooganayo, waxayna ku calacashey “ Ha iga Habaarina wiilka “ waxay sii daba dhigtey” waryaa ma hadaa keentey in sidaan laguu galo oo aad tiraahdo ha la i toogto welee qof weliba wuxuu iska dhigo buu ku dambeyn: wiilkii baa hooyadii ku yiri “ hooyo waan iska cayaareyney” Hooyadii baa sii hadashey oo tiri” Dqqon baa tahay maa diidid oo aad tiraahdid aniga waxaan noqonayaa kuwa wax tooganaya

Xilliggan caruurta waxay bilaabeen in ay jilaan dhacdooyinka ka dhacaya wadanka , waxaana dhawaan ku soo dhex dhacay caruur u kala safan laba qaybood kuwaas oo ay ka taagneyd qir iyo qir waxaan weydiiyey waxa ay isku haystaan mid baa soo boodey oo yri “ waxaan isku haysanaa kooxda noqoneysa “ Calal Uuus” caruurtii dhamaabntood wey diideen in ay noqdaan ama matalaan Calal Uus waxaan markii dambe aan ku iri ma idiin tuuraa Xarash iyo Madax waxay dhamaantood yiraahdeen haa taas ayaan ku kala baxaynaa , markiiba waxaan u tuurey Xarash iy madax waxaana dhacdey qolo ay heshey in ay noqoto Calal Uuus qoloda kalena Muqaawamo markiiba waxaa bilaabatey weerear iyo weerar celis durbadiiba waxaa ooda jabsadey caruurtii mataleysey Calal Uuus iyagii baa laga xoog roonaadey Mid ka mid caruurtii Mataleysey ayaa igu yiri “ Adeer waan ogeyn in kuwaan ay jabayeen oo laga adkaanayo”inta qosley baan iri “ adiga marnaba madooneysid in aad noqoto Calal Uuus “markaasuu igu yiri “ maxaan ka doonayaa qolo maalin kasta laga adkaanayo “ inta yaabey” ayaa mar hoosta is ka iri caruurtiina ma sidaan bey yeelayaan oo maanta u kala baxay Muqaawamo iyo Calal Uuus

Waxaan dhawaan arkey caruur ku dagaalamaya dhagaxaan oo kuwa ka mid ah la eryanayo waxaa dhagaheyga ku soo dhaceen “ war waa jabeen Calal Uustii ee si wanaagsan ha loo eryo.hana laga Qaniimeysto Waxaa indhaheyga qabteen wiil ku dhawaawacmey oo loo sii sido Gurigoodii waxaa markiiba ku soo baxay Hooyadii oo tiri” waryaa ku daqrey “Markaasuu yiri hooyo Dagaalbaa ku daqramey Midka mid ah caruurtii ay isku Jaalka ahaayeen ayaa hooyadii ku yiri” hooyoo waxaan u kala safaney Muqaawamo iyo Calal Uuus wiilkaaguna wuxuu ka mid ahaa wiilashii matalayey Calal Uuus “ Habartii inta naxdey bay ku Calaacashey” waryaa ma maantaa aad tiri waxaan ahay Calal Uuus “ Aley lahe Geedo dambe ma calaliyo hadaad ii noolaatid ‘ ma maanta tiri Calal uus baan hay “ Hooyadii wey sii hadashey oo tiri” war waa yaabe Calal UUsto meel walba ma sidaan loogu soo galayaa“ markiiba Dhaqtarkii baa loola cararey , Hooyadii intii la sii wadey waxay la dardaarmeysey wiilkeeda oo ay ku lahayd waryaa” mar dambe Calal Uus ha noqon ee noqo Muqaawamada iyagaa geesiyaal ah

Odaygii dhaley wiilka ayaa mar dambe yimid Gurigii waxaan ka hor tagey gabar uu dhaley oo ku tiri “ Aabe Sakeriya waa la soo Daqrey markaasuu yiri yaa soo daqrey , Gabadhii baa u jawaabeye “ oo tiri” Aabe waxaa soo daqrey Wiil magaciisa lagu sheegay Muqaawamo “ Odaygii wuxuu u qaatey in Muqaawamadu uu yahay wiil magaciisa oo degen Xaafada “ markaasuu hoosta iska yiri”Aleyl ehe cid na kala saareyso maanta ma jiro reerka wiilka dhaley waxaan ka doonayaa dhiig

Hooyadii wiilka dhashey baa Odeygii ku tiri” dhiigaada hala haanine wiilka isagaa sidaan isku galey waana ogaa in uu waxaa sameynayo , Odaygii wiilka dhaley ayaa yiri “ war waxa jira ha ley sheego maxay tahay waxa la qarinayo” markaasaa habartii tiri “maanta hadii aan kuu sheego wiila waxa lagu soo daqrey waad gowri lahayd markaasuu yiri hala ii sheego “ Hooyadii baa la soo boodey “ wiilkaada wuxuu iska dhigey Calal Uuus markii isaga iyo koox uu la jirey ay soo jabiyeen Caruur kale oo iyana iska dhigey Muqaawamo “ Walee hadii uu ii noolaado ama Geeda dambe uu Calaliyo waxba ma ihi” ma maantuu iska dhigey Calal Uus” naa heblaaya waxaan ku weydiiyey markasta Maxaa Calal Uusta loo jebiyiyaa “ Hooyadii oo ka jawaabeysa ayaa tiri” war waa wax mataraayal Caruurta iyo Haweenka bay ka adag yihii oo ay dariiqyada u taagan yihiin “ Odaygii dhaley wiilka isagoo la dardaarmayaa ayuu wiilkii ku yiri “ Aabe mar dambe ha noqon Calal Uus waxaana markasta kuugu ogahay in aad doorato Muqaawamo iyagaa markasta guuleysta,haddii aad noqon lahayd Muqaawamo maanta Daqarkaan kuma soo gaareen” wuu sii Hadley Aabihii dhaley wiilka wuxuu ku yiri “ xitaa is ka Ilaali magacyada Marya Calas iyo weliba Koobi Amxaaro

Bal aan idiin fasirio Calal Uus , Marya Calas iyo Koobi Amxaaro, Calal Uus , iyo Marya Calas waa laba magac oo isku mid ah waxaana loo yaqaana Ciidamada Dowladda Federaalka Koobi Amxaaro waxaa iyana la yiraahdaa Ciidamo lagu soo tababarey Dalka Itoobiya waxyna iska yeel yeelaan sida Ciidamada Itoobiya waxaana Magacyadaas loogu bixiyey Naceybka shacabka u qabaan Ciidamadas waayo waxay goob joog u ahaayeen Dhibaatooyin Fara badan oo ay geysteen Ciidamadaas waxaana dhacda marka kor laga arko ay dadka ka cararaan iyagoo ka cabsi qaba in wx yeelo ka soo gaarto waagii hore marka la arko nin xiran Direyska Ciidamada lagama cararari jirin ,Caruurtaasna sida ay u doorteen Magaca Muqaawamda ayey u dooran lahaayeen Magaca Calal Uus haddii uu wanagsan yahay

W/D Amiin Yuusuf Khasaaro

Faafin: SomaliTalk.com | April 23, 2008

Fadeexaddii Ganacsi ee ka Dhacday Australia iyo Xiriirka Batroolka Puntland
Australia: Waxaa burbur dhaqaale ku dhacay shirkad dallaaliin ah oo xiriir la leh Range Resources, arrintaas oo keentay in... Akhri warbixinta

Somaliland oo Xaqiijisay in Xiriir Dhexmaray Shirkadda Batroolka ee Lundin Oil: Waa maxay xiriirka ka dhexeeya Lundin iy Africa oil Akhri

BAARID | SEARCH