WARAR

Kulan ay isugu yimaadeen xarunta dhaqan celinta Naafadda ee Bish-cas ee Soomaaliyeed iyo isbitaalada Muqdisho iyo…

W/D Amiin Yuusuf Khasaaro
E-Mail amiinkhasaaro@hotmail.com

Dec 6, 2004

Shirweynihii Koowaad ee Ururka Indhoolayaasha Soomaaliyeed oo Muqdisho Ka Dhacay | Warbixin

Kulan balaaran yaa maalintaii shalay ka dhacay xarunta dhaqan-celinta naafadda ee Ururka Bish-Cas ee Magaaladda Muqdisho, waxaan kulankaa ka qeybgalay Howlwadeennada xaruntaa, Taqaatiirta ka howlgasha Isbitaaladda Magaaladda Muqdisho iyo kuwa Jaamacadaha, waxa uuna kulankaas u jeedadiisu ahayd sidii ay iskaashi ay u wada yeelan lahaayeen Xarunta, Isbitaaladda, Taqaatiirta iyo Jaamacadaha, gaar ahaan kuwaa caafimaadka,sida Jaamacadda Banaadir iyo Jaamacadda Muqdsho, waxaana ugu horeyntii halkaas ka hadlay Aqaasimaha Xarunta dhaqan celinta naafadda ee Ururka Bisha-Cas Proff. C/llaahi Cabdi Rooble, waxa uuna sheegay in xaruntaan la aas-aasay 1982-dii waxa uuna sheegay in xaruntaan ay wax u qabato naafadda ku soo cuuryaamay dagaaladda Sokeeye iyo kuwa ku naafoobay cuduradda kala duwan, waxa uuna sheegay in dhinaca dhaqaalaha ay gacan ka helaan Laan-Qeyrta cas ee Norway, waxa uuna intaas ku sii daray in xaruntu ay isugu jirto 2-Qeybood oo ay mid tahay Physiotherapy iyo qeyb qaabilsan dhinaca farsamada, gaar ahaan sameynta lugaha ay dadku ku socdaan, biraha lagu boodo oo isugu jira 2-nuuc oo biraha socodka oo loogu talagalay dadka naafada ah.

Waxaa kale oo halkaas ka hadlay Dr. Xanafi oo ka mid ah dhaqaaatiirta ka howlgasha Isbitaalka Al-Xayaat, waxa uuna sheegay in dadka intiisa badan aysan ku Baraarugsaneyn oo uu sheegay in loo baahan yahay Baraarujin fara badan si ay dadka u ogaadaan wax qabadka xarunta, waxaa kale oo uu sheegey in iskaashi uu dhex maro howl-wadeenadda Xarrunta iyo Isbitaaladda dalka ka jira, si ay ula socdaan xaaladda Naafadda.

Waxaa kaloo ka hadlay agaasimaha Isbitaalka Madiina Dr. Sheekh Doon, waxa uuna sheegay in loo baahan yahay in tababar dhinaca physiotherapy la siiyo dhinaca shaqaalaha Isbitaaladda, si ay u daboolaan baahida ay isbitaaladdu u qabaan Physiotherapy.

Kulankaa waxaa isna ka hadlay Dr. Ibraahim Jiya oo sheegay in isbitaaladda qaarkood ay jiifaan 150-qof oo bukaan ah, isaga oo sheegay in loo baahan yahay in xarrutu ay soo dirto subax kasta 1-dhaqtar . oo dhinaca Physiotherapy. ah Waxaa kale oo ka hadlay Hormuudka Kulliyadda Caafimaad ee Jaamacadda Banaadir Dr. Salaad Faarax Guutaale oo isagu sheegay in kulliyadda Caafaimaadka ee Banaadir ay furi doonto Dugsi lagu barto dhinaca Physiotherapy, si ay u soo baxaan Macallimiin daboosha baahidda loo qabo Physiotherapy-da.

Kulnkaan oo ahaa kii ugu horeeyay ee ay wada yeeshaan 2-dhinac ayaa waxaa ka hadlay Macallimiin ka socotay Xarunta dhaqan celinta Naafadd ee ururka Bish-cas ee soomaaliyeed oo ay ka mid ahaayeen Drs. Xaliimo, Dr. Liibaan iyo Dr. Cismaan waxa ayna sharraxaad ka bixiyeen dhibaatooyinka ay mar-mar kala kulmaan Bukaanadda naafadda, iyagoo sheegay in dhibaatadaas ay ka timid qalliinkii markii hore lagu sameeyay bukaanka, waxay kale oo ay sheegeen in loo baahan yahay in xiriir joogta ah uu dhex maro mar walba dhaqtarka iyo macallimiinta physiotherapy, si ay u yaraato dhibaatadda mararka qaarkood la soo gudboonaada Bukaanadda Naafadda .

Waxaa kale oo ka hadlay mas’uul ka socday Jaamacadda Muqdsho oo lagu magacaabo Dr. Aadan waxa uun halkaas ka ballan qaaday in Jaamacadda Muqdisho ay gacan ka siin doonto wixii tababar ah oo ay u baahan tahay xarrunta Dhaqan-celinta Naafada , waxaa kale oo uu sheegay in loo baahan yahay wacyigalin farabadan oo la xiriirta wax qabada xarrunta.

Ugu dambeyntii waxaa la isku afgartay in tababar kooban oo dhanka Physiotherapy la siiyo qaar ka mid ah shaqaalaha isbitaallada iyo kuwa jaamacadaha, iyadoo labada dhinac ay iska kaashanayaan tababarkaas.

Waxaa halkaasi erayo mahadcelin ah ka soo jeediyay guddoomiyaha xarunta dhaqan celinta naafada ee ururka bisha cas ee Soomaaliyeed Prof. C/llaahi Cabdi Rooble, waxaana kulankii shalay goobjoog ka ahaa Mas’uuliyiin ka socota Bisha Cas ee Hargeysa iyo Baydhabo, waxaana ka mid ah xubnihii ka qaybgalay: Madiina Hospital, Keysaney Hospital, Al-Xayaat Hospital, Carafaat Hospital, Banaadir One Hospital, Banaadir Two Hospital, Muqdisho Hospital, Al-xikma Hospital, Al-Cimra Hospital iyo jaamacaha Muqdisho iyo Banaadir. Wuxuuna kulankaasi ku dhammaaday jawi is af-garasho iyadoo mar kale dib la isugu soo laaban doono.

W/D Amiin Yuusuf Khasaaro
E-Mail amiinkhasaaro@hotmail.com

Dec 6, 2004

Wasiirka warfaafinta Jamhuuriyada FKM ee Soomaaliya Mudane Ali Faqi Ayaa markii ugu horeysey warsaxaafadeed ka soo saaray qorshaha golaha xukuumada iyo shirka uga soconay Naivasha

axmeddheere65@hotmail.com Axmed Muuse Cabdulle(Idaawaqaca) Kenya, Nairobi Somalitalk

Dec 5, 2004

wasiirka warfaafinta DKMG fedraaliga ah ee Soomaaliya mudane Ali Mohamed Faqi ayaa markii ugu horeysey warsaxaafadeed ka soo saaray xafiiskiisa isaga oo ka mida golaha wasiirada ee haatan ku shirsan Magaalada Niavasha, waxaa uu wasiirku warkiisaas saxaafadeed uga hadlayey hawsha ay haatan golaha xukuumadu ka hayaan halkaasi isaga oo shaacana ka qaaday in golaha xukuumadu ay sida ugu dhaqsaha badan u guda geli doonaan howsha adag ee haatan hortaala ee samata bixinta dalka soomaaliya ee 14ka sanadood buruburku naafeeyey.

Golaha Wasiirada ee Xukuumadda Federaalka ku Meel Gaarka ee Soomaaliya oo uu 3-dii bishan December Shir uga bilowday Hotel-ka Lake Niavasha Country Club ee ku yaal duleedka Magaalada Niavasha, magaaladaas oo 90KM ka xigta Galbeedka Magaalada Nairobi,ayay wasiiradu haatan si toosa uguda galeen qaabkuu ay ku waajihi lahaayeen guda gelida howlaha hor yaala.

Kulankaas oo uu furay Ra’iisul Wasaaraha DKMG federaaliga ah ee Somaliya Mudane Cali Maxamed Geedi, waxa ay Golaha Wasiiradu uga wada xaajoonayaan ajandayaasha horyaalla Xukuumadda kuwaas oo ay ugu horreeyaan:

Diyaarinta Qorshaha Xukuumadda ee la hordhigi doono Golaha Shacabka.

Diyaarinta Qaab-dhismeedka iyo Masuuliyadda Wasaaradaha iyo hay’adaha kale ee qaranka.

Diyaarinta Xiriir Guud ee labada dal ee deriska ah Somaliya iyo Kenya

Waxaa kale oo ay Golaha Wasiiradu diyaarinayaan mabda iyo siyaasad midaysan oo ku wajahan xallinta iyo qaabaynta hawlaha adag iyo fursadaha dawladda hor yaalla.

warkaan saxaafadeed waxaa ku saxiixan wasiirka warfaafinta mudame Ali M.Faqi

###

WAFTIGII UU HOGAAMINAYAY JOHN EGLAM. OO KA TIRSAN QARAMADA MIDOOBAY AYAA MAANTA KA DUULAY GEGIDA DIYAARADAHA EE MAGAALADA GAROOWE..

Waxaa maanta ka dhoofay magaalada garoowe ee xarunta maaml goboeedka Puntland wafti ka koobnaa afar iyo toban xubnood ka kala socdayna sadex jaho oo ka la ah Qaramada midoobay, Dalka Danmark, iyo Jamacadda carabta.

Waftigan oo ku sugnaa magaalada garoowe muddo gaaraysa afar iyo labaatan saacadood gudaheeda ayaa waxaa ku soo dhoweeyay garonka magaalada, madaxwaynaha dowlad goboleedka PL, Maxamed Cabdi Xaashi iyo xubno kale oo ka kala tisan golaha xukuumadda, hay,addaha caalamiga, iyo NGOska ka howlgala magaalada garoowe.

Waftiga ayaa kulan la yeeshay golaha xukuumadda, waxaana shir gudoominayay shirka Maxamed Cabdi Xaashi waxayna kawadahadleen arimo dhowra oo ay kamid ahaayeen mashaariicda loogu talagalay Soomaliya sanadka labadakun iyo shanta, waxyeeladii ay gaysteen roobabkii dayrta iyo in ay soo indha indheeyaan goobihii ay waxyeelada u gaysteen roobabka ayna ku sugnaayeen dadka xooladhaqatada ah.

Waftiga ayaa maantaba waxay soo indha indheeyeen deegaanadii ay waxyeeelada ka soo gaaraty roobabkii dayrta ayna uga horaysay abaartii xilagaa jirtay oo ay uga luntay maal iyo mood intaba. Intaa kadib waxay waftiga sadex xagalka ah iyo golaha xukuumadda PL, kawada hadleen arimo dhowra oo ay kamidyihiin sidii wax loogu qabanlahaa dadka tabaalaysan iyo qaybbo kale oo ay kamidyihiin horumarinta mashaariicda kaladuwan ee goblka Puntlan, ayagoo ku balamay in ay gudbin doonaan dhamaan waxyaabihii ay kala kulmeen maamulka iyo masuuliyiinta.

Waftiga ayaa horay uga yimid safarkoodii ay ku soo gaareen DGPL dhinaca maamulka Somaliland. Ayagoo la soo kulmay masuliyiinta ku sugan magaalada hargaysa, islamaantana waxa ay u ambabaxeen magaalada xudur xaruntiisa dagmada wajid ee gobolka bakool.waxayna maantaba la kulmeen isla maamulka magaalada xudur

Waxaana ay waftigu sheegeen maalinta isniinta ah ee ku began 6, bisha 12, ee sanadkan aynu kujirno in ay la kulmi doonaan madaxwaynaha DFKS mudane Cabdulaahi Yusuf Axmed. Waxayna kawada hadli doonaan arimaha ku aadan danaha soomaaliya.

Joojin Dagaalka Gelinsoor
»Baaq nabadeed kasoo baxay DGPL
»Golaha wasiirada DFKMG: Baaq colaad joojineed - Gelinsoor
»Bayaan Nabadeed ay soo saareen culumada Gobolka Mudug
»Salaadiinta Beelaha Daarood oo Baaq u Diray Gelinsoor..
»Dagaalka oo ka socda deegaan dhan ilaa 250 Km..
»Baaq ku socda Beesha Habargidir...
Dhammaan ka akhri halkan... | Dec 5

Shan Soomaali ah oo Loo Xiray Dilkii Yasmin
USA: Shan Soomaali ah ayaa lagu soo oogey dembiga ah in ay geysteen dilkii Yaasmiin Cali Geelle oo ahayd gabar Soomaaliyeed oo lagu diley Minneaplis. Magacyadooduna waxay kala yihiin.. Guji...