DOWLADAHA QAARKOOD OO OLOLE
UGU JIRA INEY DIB DHIGAAN WAKHTIGA DOORASHADA MADAXTINIMDA
SOOMAALIYA.
-
Haddii Doorashada
madaxweynaha dib looga dhigo 15-ka Oktoobar, waxaa shaki
galaya jiritaanka jagada Gudoomiyaha Barlamaan
SomaliTalk.com | Nairobi |
October 3, 2004
Maalaahan waxaa magaalada
Nairobi ku soo kordhaya warar sheegaya in arimihii shirka ay
soo faragalinayaa dowlado badan oo daneynaya Soomaaliya.
Qaarkood waxay ka fakarayaan iney xiriir hoose la yeeshaa
kuwa ugu cadcad musharaxiitna jagada madaxtinimda, si hadii
ay ku guuleystaan ay u suuragaasho iney danahooda ka
fushadaan. Wadamadaas waxay wararku sheegayaan iney yihiin
wadamo kamid ah dalalka Yurub iyo Carabta.
Waxaa kaloo ilaa iyo shalay
la isla dhexmarayey in dowaldaha qaar ay wadaan qorshe ah in
doorashada dib loo dhigo, iyadoo ay rabaan in lagaarsiiyo
soonka dabadii, haddii aan arintaas baarnay, waxay warar
lagu kalsoonyahay noo sheegeen in sababtu ay tahay
dowladahaas oo doonaya iney soo saaraan musharaxa ay iyagu
wataan, waxayna u dib dhigayaan iyagoo doonaya iney wakhti
fiican u helaan olalaha doorasho ee musharaxa ay wataan.
Ma'aynan helin warar lagu kalsoonaan karo oo noo cadeeya
qofka ay dowaladahaasi wataan iyo magacyada dowladaha
fikradan wada. Waxaase la tilmaamaya in dowladaha hawshan
wada ay yihiin qaar kamid ah wadamada ku bahoobay urur
goboleedka IGAD.
"Haddii
ay dhacdo in laga dib dhigo wakhtigaas (doorashada
madaxweynaha ee 15.ka Bisha Oktobar) waxay shaki
galin kartaa jiritaanka jagada Gudoomiyaha Barlamaan"
sharci yaqaanno
|
Ragga aqoonta u leh
sharciyadda oo aan wax ka weydiinay saamaynta ay yeelan
karto haddii wakhtiga doorashada la dib dhibgo ayaa ku
jawaabay: Sida dastuurku dhigayo marka ladoorto
Gudoomiyaha Baarlamaan waxaa khasab ah in bil gudaheed
lagu doorto Madaxweynihii, wakhtigaasna wuxuu ku egyahay
15.ka Bisha Oktobar. Haddii ay dhacdo in laga dib dhigo
wakhtigaas waxay shaki galin kartaa jiritaanka jagada
Gudoomiyaha Barlamaan.
Sidoo kale Xil-dhibaanaddii
golaha Barlamaanka ayaa dhib weyn kahaystaa qofkii ay
codkooda siin lahaayeen, iyagoo go'aan ka gaari la' wixii ay
yeeli lahaayeen, taasoo ay Mudanyaashu leeyihiin
70.Mushrax si aan u kala dooranno manaqaan. Dhinaca kale
Musharaxiinta laftooda waxay ka cabanayaan in Xildhibaannada
qaarkood ay caado ka dhigteen iney musharax walba ku dhahaan
adiga ayaan ku dooraneynaa, taasoo shaki iyo baqdin weyn ku
abuurta Musharaxiinta jagada Madaxweyne. Maanta oo Axad ah
waxaa bartamaha magaalada Nairobi ka dhacaya dhawr xaflad
qado oo ay kala samaynayaan qaar kamid ah Musharaxiinta.
Doorashada madaxweynaha
Dowlada KMG ee Jamhuuriyadda Federaalka Soomaaliya waxaa
markii hore la qorsheeyay in ay qabsoonto 22/09/04 laakiin
Kulankii baarlamaanka ee September 18keedii ay iskugu
yimaadeen ayaa laga soo saaray in dib loo dhigay illaa Bisha
Oktoobar 10 keeda, taariikhdaas weeye tan laga yaabo in
markale dib loo sii dhigo.
Shirka Soomaalida ee hadda
socda Nairobi waxaa isku soo agaasimey IGAD oo ka kooban
dalalka Djibouti, Ethiopia, Eritrea, Kenya, Sudan & Uganda,
waxaana uu markii hore (October
2002) ka bilowday magaalada Eldoret ee dalka Kenya,
kaddibna bishii Febraayo ee 2003 ayaa loo raray Mbagathi,
Nairobi. (Soomaaliya waxay xubin ka tahay IGAD laakiin
xubin-nimadeedu ma shaqaneyso waqtigan ilaa ay markale
dawlad noqoto). Sannad guuradii labaad ee shirka ayaa ku
beegan bishan Oktoobar ee 2004. Mudadaas labada sano ah
Soomaalida waxaa la dhehi karaa waa u siyaadey waa in ay sii
korortay sunta lagu
aasay xeebaha Soomaaliya ama ay maraakiibta shisheeyuhu
sii xaalufiyeen khayraadkii badaha Soomaaliya.
Somalitalk | Nairobi.
