::: Somalitalk.com Online Community :::::

Xidhibaanada Baarlamaanka iyo cododkooda Doorashada Madaxweyne.

"ma waxay codadkooda ku bixin doonaan nidaam isbahaysi, Qarash, Wadaninimo iyo Daacad mase Nin jeclaysi"

Canab Mumtaz.

Somalitalk.com | Nairobi.

Waa arrin ay in badan oo ka mid ah dadka soomaaliyeed meel walba ha joogaane is waydiinayaan,qaabka ay doorashada la filayo dhawaan u baarlamaanku codadkooda ugu bixin doonaan.

Baarlamaanka KMG ah laf ahaantiisa ayaa arrintan iiga waramay iyagoo ku wareeray musharaxiinta faraha badan ee midba kan kale ka balan qaad badan yahay,haday ahaan lahay jago u balan qaadis,laaluush u bandhigis iyo dhaar aan meelna jiirn oo mid walba uu isla soo taago in hadii ay codkooda siiyaan uu wax walba u qabanayo dalkana nabad ku soo dabaalayo.

Baarlamaanku waa kuwo ay ka go'an tahay in ay wax doortan xili ay ahaataba balse su'aasha meesha taala ayaa ah sidee ku dooran doonaan?ma qaab isbahaysiyo ayay u siin doonan sidii ka dhacday doorashadii gudoomiyaha,mase waxay raaci doonaan musharaxii soo bandhiga figarad wanaagsan oo iyaga inta kale dalka ka maqan kuwa ku jiraba u cuntami karta,musharax ka nadiif ah wax isdaba marin,mase musharax kalsooni ku raadinaya lacag laga yaabo in ay dadkiisi ka baahan yihiin oo aan sadaqona u ahayn naftiisana uu dhaafiyay abaalna looga haynin la wareegaya dhexdoda miyay siinayaan.

Suldaan Axmad Jaamac oo ka mid ahaa musharaxinta balse maanta tanaasulay ayaa mar iiga waramayay sababta uu u tanaasulay sheegay in uu ka yaabay kadib markii uu arkay todobaatameeyo in ka badan oo siyaabo kala duwan u doonaya jagadan lacagaha socda ee lagu kala gadanayo codadka baarlamaanka ay jiraan wax loo qariyay ee aanu u qasdin balse uusan cid codkiisa u siin doonin laaluush danta ummaddana fiirin doono baarlamaankana ka dalbaday in aysan cododkooda gadan ee ay shacabka ugu gadaan shaqsi nadiif ah oo leh aqoon dhinac walba ah.

Baryahaan waxaa aad looga dareemi karaa in ay ka jiraan madasha shirka ku gorgortanka cododka baarlamaanka si jumlo ah ama tafaariiq(hab isbahaysi,beeleed,ama shaqsiyadeed)iyadoo la leeyahay musharax hebel waxa uu haystaa intaas oo cod kuwo kalena waa u maqan yihin,waana hubaal,codadkii waa la dalacay IWM.

waxaana macqul ah in baarlamaanka badankiisa ay ku wareersan yihiin cidii ay siin lahaayeen codadkooda.

Qaar waxay aad ugu kuur galayaan in ay miisaamaan inta ku cusub wajiyadooda oo aan la arkin waxqabadkooda una badan dad aqoon leh qaarkoodna ka yimid wadamada fogfog bal in ay qudbadiisa ka dhex helaan wax rajo wanaag ah,marka laga soo tago kuwa ay siyaasadooda ka soo daaleen ee ku jira musharaxiinta,halka kuwo kalena ayba macquul noqon karto in ay codkooda ku bixiyaan isbahaysiga ama ururka ay u arkaan in ay is leeyihin waxa uu wadaa maslaxad,.halka kuwo kalena ayba qabaan in ay danta ama balan qaad ay ka helaan u siiyaan codkooda.

Musharaxiinta Qaarkood oo maanta Qabtay Shir ay ku diidan yihiin go'aanka baarlamanka ee lacagta.

Qaar ka mid ah musharaxiinta ayaa maanta shir ku qabtay Chaster House,musharaxiintan oo u badan inta dabaqada hoose(markaan leeyahayna waxaan ula jeedaa aan siyaasada badi ka muuqanin ee ah dad u badan qunyar socod aan qarash iyo siyaasad kale wax ku raadinin) ayaa ka soo horjeeda go'aankii uu baarlamaanka ka qaatay dhawaan dadka soo gudbiyay araajida tartanka madaxweyne oo gaaraya todobaatan musharax"70"oo ah in musharax walba laga qaado lacag gaaraysa US $2000,lacagtaas waa mid uu musharax walba uga qaybgalayo tartanka hadii uu dhibi waayana uu halkaas ku harayo,lacagtan ma jirto wax soo celis dambe waana sida ay u baxday sida aan ka soo xigtay xoghaynta baarlamaanka warar ku dhaw dhaw.

Baarlamaanka ayaan laf ahaantooda isku raacsanayn in lacagtan laga qaado musharaxinta una arkayay in ay tahay mid qalad oo uusan baarlamaanku xaq u lahayn in uu xiligan sameeyo sharci muwaadiniinta kala saramarinaya oo aan si isku mid ah loogu simin kan wax haysta iyo kan aan waxba haysanin ee aan awoodin uu bixiyo qarashkaas iyo kan hal maalin ku bixinaya dhowr kun oo dolar qado uu ku soo jiidanayo baarlamaanka,waxayn ku tilmaameen in baarlamaanku uu ku xadgudbay sharciga iyadoo la joogo xili dib u heshiisiineed in uu dadka sii kala fogeeyo kuna tilmamay arrin ah mid lala yaabo.

Balse arrintan lafteeda waa mid horay uu baarlamaanka ugu dooday iyadoo codkii ugu badnaa uu ahaa in lacagtan la qaado,waliba la soo jeediyay in laga badiyo intaas,iyagoo ku tilmaamay in qof aanan heli karin lacagtaas yar uusan xaq u lahaan karin in uu u soo istaago hogaamin ummad dhan baarlamaankana uu yahay hay'adda sharci dajin xaqn uu leeyahay in waxii uu doono sameeyo oo aan wax u dhimi karin danta shacabka.

Gudoomiye ku xigeenka 1aad Prof,Dhalxa oo aan wax ka waydiiyay maanta sida uu arko eedaynta ay u soo jeediyeen musharaxiinta qaarkood ayaa iiga waramay isagoo ay carro ka muuqato in ay tahay wax aysan u dulqaadan karin in uu xilka ummada mid walba oo waalan,danayste ah,aqoon xileed aan lahayn uu isku soo taago isagoo ujeedooyin badan ka leh,balse waxay doonto ha ahaatee kuma dhihin xilkas uma qalantaan ee waxaan soo saarnay oo kaliya go'aan waana mid ay dunida nala wadaagto, baarlamaankana waa hay'dda ugu sareysa waxaan u aragno xal ayaan samaynaynaa,mid walba oo ka mid ah oo keeni waaya lacagtaasna waa ka baxayaa liiska musharaxiinta.isagoo intaas ku daray gudoomiye ku xigeenka 1aad in ay hadda ka hayaan lacag qaar ka mid ah musharaxiinta.

Si kastaba ha ahaatee arrintan ayaa keeni karta in qaar badan oo ka badan musharaxiintaas ay casilaan lacagta awgeed habkay doonaanba ha u mareen qaar qaba in baarlamaanku xadgudbay iyo qaar kale oo leh waan awoodnaa laakiin waxaan diidanahay in waxani sharci uu ka dhigto baarlamaanka waligeedna ay socoto si aysan taasi u dhicina waan ka tanaasulnay xilkan.

Ing, Caddow oo maanta shaaciyay in uu yahay musharax.

Ing Maxamad Xuseen Caddow oo ah musharaxii ugu dambeeyay ee is sharaxa oo xilkaasna isku taagay mudo shan maalmood ka hor ah ayaa maanta Qabtay Munaasabad Qaddo sharaf ah oo lagu qabtay Hilton Hotel.

Ing Caddow oo wax badan ay isku siyaasad ahaayeen Muuse Suudi yalaxow oo laf ahaantiisa u sharaxan xilka madaxweyne ayaa maalmahan yari waxaa aad u hadal haya dad badan iyagoo qaba in ay wataan beesha caalamka iyo waliba IGAD sida wararkaas ay tilmaamayaan (laakiin xaqiiq rasmi ah aan ahayn somalidana qofkii ay arkaan isagoo dad dibada ah la shiraya u qaata in ay garab siinayaan)

munaasabadan oo lagu casuumay baarlamaanka qaarkiis una badnaa beesha mudulood ganacsato dad kale oo caadi ah ugu horeyn waxaa halkaasi ka hadlay Cali Ugaas C/lle oo sheegay in beesha mudulood ay isku raaceen in uu musharax u noqdo Ing Caddow sida uu hadalka u dhigay, kana dalbaday musharaxiinta kale in ay u tanaasulaan,balse waxaan imaanin goobtaas Maxamad Dheere,Muuse Suude,Faarax Sendiko,oo dhamaantood ay yihin isku beel wadana dadaalkooda musharaxnimo,walina aan wax war ahi ka soo baxin.

Ing Caddow oo ka hadlay munaasabadaas ayaa sheegay in uusan ku fakarin in uu xilkan u istaago balse ay ku dhalatay maalmo ka hor markii taageero ka helay sida uu sheegay Ing caddow qaar ka mid ah Asaxaabtiisa siyaasadeed,beesha uu ka dhashay iyo saaxiibo kale oo uusan sheegin,waxa uuna sheegay in uu ku qanacsan yahay in uu xilkan u istaago hadii la doortana uu wax wayn soo kordhin doono,isagoo waaya aragnimo badan haysta sida uu tilmaamay,waxa uu qaban doona ugu horeysin doona Nabad ka dhalata dalka isku keenida shacabka iyo waliba hubka la aruuriyo.

Isla munaasaban waxaa isku casilay sadax musharax oo ka mid ahaa beesha mudulood iyagoo sheegay in ay u tanaasuleen Ing Caddow.musharaxintan ayaa kala ahaa.

1.C/qaadir xuseen macalin.

2.Sacid tooxow Maxamad.

3.Yuusuf Maxamad foodey Xaji Dol.

Dhamaantood waxay sheegeen in ay u tanaasulayaan Ing caddow ayna taageerayaan isaga,waxay sheegeen in beeshooda muduloodna ay ninka u daayeen jagada musharaxnimo.

Musharaxinta badankood ayaa ku dhisan hab siyaasadeed ah in ay codadka ay helaan saxiibadood ama beelahooda ay siiyaan marka ay doorashada gababo tahay musharaxa ay ka dhaxayso siyaasadda.

Canab Abdule <canabmumtaz@yahoo.com>

Dawlado Olole ugu Jira Dib u Dhigista Doorashada Madaxweyaha
�Somalia: Qorshahan cusub ee dib loogu dhigayo doorashada madaxweynaha Soomaaliya ilaa soonka dabadii waxaa wata dawladaha qaarkood kuwaas oo raba in... Guji... Oct 3

Faafin: SomaliTalk.com | October 3, 2004

Qaabkii ay u Dhacday Doorashadii Guddoomiyaha Baarlamaanka KMG
Warbixintii Axmed Muuse.. Guji... Sept 16

Shariif Xasan Sheikh Aadan oo Noqday Gudoomiyaha Baarlamaanka KMG
- Qaar kamid ah xildhibaanada oo doorashada ku tilmaamay musuqmaasuq iyo dagaallo ka dhacay Jubooyinka... Guji... sept 15

Bulxan: Dowlada Soomaaliyeed waxaa la dhisi doonaa bishan dhamaadkeeda
Sidaas waxaa yiri Gudoomiyaha Baarlamaanka ee KMG oo u warameyey... Guji...

Qaabkii Dhaarinta ee Baarlamaanka Soomaaliya
Warbixin muuqaal guud ka bixineysa shirka Kenya... Guji

MAGACYADA XILDHIBAANADA BAARLAMAANKA LA DHAARIYAY
Liiska xubnaha la dhaariyey ka akhri halkan... Aug 23

Baarlamaan aan Dhamaystirnayn oo Soomaalida Loo Dhaariyey
�203 xubnood oo Nairobi lagu dhaariyey..
ka akhri halkan.....

MAGACYADA XILDHIBAANADA BAARLAMAANKA KMG