SOMALITALK.COM
w w w . S o m a l i T a l k . c o m
SOMALITALK - WARAR

WEERAR LALA BEEGSADAY YUHUUD KU RAXAYSANAYSAY XEEBTA BEDDA CAS EE DALKA MASA

VIDEO::: DAAWO HALKAN...... [cbc]

TABA MASAR: Seddex Jasiiradood oo loogu tallo-gellay in wakhtiga fasaxyada lagu raaxaysto kuna yaalla xeebta bedda cas xuduudka ay wadaagaan Israel iyo Masar,  ayaa mar dhawayd saacadda Afrikada Beri markay tilmaamaysay 10:32 Subaxnimo waxaa lala beegsaday qaraxyo tallan taali ah, waxaana sida wararka ugu danbeeyey ee wakaaladaha Wararku xaqiijinayaan ku naf waayey 26 Qof, halka dhaawacu kor u dhaafayo boqol qof.

Seddexda Jasiiradood oo ku caan ahaa in dadka yuhuudu ay usoo dalxiis tagaan, ayaa seddexdii maalmood ee ugu danbaysay waxaa si xad dhaaf ah uga soo gudbaayey xuduudka Labada dal ee Israel iyo Masar yuhuud dalxisayaal ah oo doonaayey inay wakhtigooga ku qaatan, Wararka ka soo baxaya Jasiiradda Taba oo kulmisa seddex jasiiradood oo yar-yar oo ku caan ah hudheelada lagu raaxaysto, goobaha lagu khamaaro iyo dhul xeebeed loo dalxiis tago ayaa sheegaya in laba gaadhi oo kuwa xamuulka ah oo u shaqaynaayey jasiiradahaasi lagu soo rakibay aalado qarxa, laguna soo hagay qaybta khamaarka ee Hotel-ka HILTON, halkaasi oo qaraxii koobaad ka dhacay, halka qarax labaad ka dhacay xeebta TABA oo wakhtigaasi ay ku sugnaayeen boqolaal Yuhuud iyo masaari dalxisayaal ahaa, halka qarax seddexaadna uu cuskaday qaybaha dabaasha ee Hotel-ka Hilton.

Wasiirka Gaashandhiga ee Israel  Zeev Boim ayaa markiiba wuxuu shir Jaraa'id ku qabtay Magaalada Televiv isaga oo ku eedeyey qaraxyadani Ururka Alqaacida, wuxuu wasiirku yidhi Qaraxyadani oo kale waxaa ay ku caan-yahiin Al-qaacida, waayo ayuu yidhi "Qaraxyada tallan taaliga ah waxaa keliya awood u leh inay qaadan ururka Alqaacida, markaynu tusaale ka soo qaadano weerarkii loo gaystay safaaradahii maraykanka ee Nairobi iyo Darasalam, Weeraradii tallan taaliga ahaa ee loo gaystay bangiga HSBC iyo safaaradda Ingiriiska ee Magaalada Istanbul ee dalka turkiga, weeraradii 11 september ee dalka maraykanka ee sida tallan taaliga ah loogu qaaday xaruntii ganacsiga adduunka iyo pentagon, waxaa cad inay markanna tahay markii ugu horaysay ee ay fursad u helaan dadka yuhuudda ah", Wasiirku wuxuu kale oo sheegay inaanu meesha ka saaraynin weerarada naftooda hurayaasha reer Phalestine.

dhinaca kale Maamulka Jasiiradda Taba ee dalka masar ayaa wada dedaal lagu baadhayo qaraxyadani, ma jirto wax hadal ah oo ka soo baxay xagga Qaahira.

Waxaa Soo Uruuriyey Mohamed Abdi Hassan (diridhaba)

KARACHI, PAKISTAN.


E-mail:
diridhaba2001@hotmail.com

 

Faafin: SomaliTalk.com | Oct 8, 2004


BBC: LAMA RAACIN RAADKII RAAGE IYO MAXAMED C/LAHI [Sahal]
 

Culimada Boosaaso oo Lagu Been Abuurtay
Weriye Cawaale oo Sheegay in aan warkaa laga soo xigan
Cali-Koor oo si kulul ugu Jawaabey Websitekii warka qoray
Axmed Sahid oo faahfaahiyey meeesha lagacta lagu bixiyey
Dhammaan ka akhri halkan

Kulaabo bogga  www.SomaliTalk.com 

© www.SomaliTalk.com
 
Allah Is Great
TAARIIKHDA ISLAAMKA
Silsiladda Taariikhda Islaamka
Hordhac | 1aad | 2aad

Qore:Shiikh C/risaaq Macalim
Codka Muslimiinta US ayaa u Batay Dhanka Kerry
Qormadii Xasan Jaamici...
Guji...
USA: Maroodiga (R) oo la filayo inuu dameerka (D) si xun ugu durduriyo: Wardheere
Ma Hungowday Himiladii Hargaysa?
Faalladii Asad Cadaani Ibraahim... Guji..
Somaliland Dal Dhisan iyo Dad Jihaysan
Faalladii
(diridhaba)... Guji..



HTML CD