WARARKA FEB 8,
2006
-
Max’ed
Dheere “Xildhibaano Digil iyo Mirifle oo aan xoog ku Haysto ma jirto..
-
Guddoomiyaha Baarla-maanka oo safar dhulka ah ugu kicitimaya...
-
Cali
Marguus “Ra’isul Wasaaruhu waxa uu u baahan yahay Siminaar..
-
Guddiga
taakuleynta Qaranka ee Abaaraha oo sheegey in soo gaaryey 17 kun oo doolar.
-
Guddoomiyaha
Baarla-maanka iyo wafdi uu hogaaminayo oo soo gaarey Baydhabo...
-
Iska hor imaad shalay ka dhacay Magaalada
Jowhar...
-
Kulan Gaalkacyo ku dhex maraya C/llaahi
Yuusuf iyo Shariif Xasan
Max’ed Dheere
“Xildhibaano Digil iyo Mirifle oo aan xoog ku Haysto ma jirto..
Max’ed Cumar Xabeeb
(Max’ed Dheere) oo ah Guddoomiyaha Gobalka Sh/dhexe ayaa si kulul u beeniyay
warar maalmahan ay Saxaafaddu qorayeen ee ah in xubnaha labada Gole ee beelaha
Digil iyo Mirifle aysan ka bixi karin Magaalada Jowhar, wuxuuna wararkaasi ku
tilmaamay kuwo aan sal iyo raad toona lahayn oo la doonayo in bulshada
Soomaaliyeed lagu marin habaabiyo. “Xildhibaanu Digil iyo Mirifle ah oo aan xoog
ku haysto kuan sugan Magaalada Jowhar ma jirto”, waxa uu intaasi sii raaciyay
“Xubnaha labada Gole ee Dowladda waxaa Ra’isul Wasaare u ah Cali Max’ed Geedi
isagana ayaana ka mas’uul ah bixitaankooda iyo joogintaakooda wax shuqul ah oo
aan ku leeyahay ma jirto” Max’ed Dheere waxa uu sheegay in maamulkiisu uu
aamisan yahay in la is dhaafsado afgaar wanaagsan iyo in dadka aan la caburin,
waxana uu ka dalbaday Saxaafadda in wararka ay qorayaan ay noqdaan kuwo xaqiiqda
ku dhow. Dhinaca Kale Max’ed Dheere ayaa maanta la filayaa in uu soo booqdo
Degmooyinka Cadale iyo Warshiikh halkaas oo la sheegay in ay ka jiraan abaaro
iyo biyo la’aan saameysay dad iyo duunyo, isagoo sheegay in Gobalka uu ugu
talagalay dadka abaaraha ay waxyeeladu ka soo gaartay 300 oo Milyan oo Shillin
Soomaali ah, kuwaas oo uu sheegay in laga soo uruurshay dadweynaha Gobalka,
wuxuuna u soo jeediyay Hay’adaha samafalka in ay gacan ka gaystaan sidii loo
taakuleyn lahaa dadkaa ay abaaru wax yeeleeyeen ee ku sugan Dalka.
Guddoomiyaha
Baarla-maanka oo safar dhulka ah ugu kicitimaya...
Wararka ka imaanaya Magaalada Baydhabo waxay Sheegayaan in guddoomiyaha
Baarlamaanka la filayo in safar dhinaca dhulka ah uu ugu kicitimo Magaalada
Waajid oo ay ku sugan yihiin qaar ka mid ah xubnaha labada Gole ee Dowladda,
waxaana la filayaa in Guddoomiyaha Baarlamaanku uu kulamo la yeesho xubnaha ku
sugan halkaasi si ay uga qayb-qaadaataan soo dhaweynta xubnaha Baarlamaanka oo
dhawaan la filayo in ay isugu yimaadaan kulan Magaalada baydhbo.
Guddoomiyaha Baarla-maanka waxaa horey u sii raacaya Wasiirka Cadaaladda Shiikh
Aadan Max’ed Nuur (Shiish Aadan Madoobe), iyadoo intii ay joogaan Magaalada
Waajid ay sidoo kale soo booqan doonaan ciidamada ku xareysan halkaasi kuwaasoo
lagu wado in loo soo dhaqaajiyo dhinaca Magaalada Baydhabo, iyadoo Max’ed
Ibraahim Xaabsade uu dhawaan shaaca ka qaaday in uu isaga keliya ku filan yahay
xasiloonida Magaalada Baydhabo inta uu socdo kulanika Baarlamaanka.
Guddoomiyaha sidoo kale waxa uu booqan doonaan Magalad Xudur oo ay ku sugan
yihiin qaar iyana ka mid ah xubnaha labada Gole ee dowladda.
Cali Marguus
“Ra’isul Wasaaruhu waxa uu u baahan yahay Siminaar..
Cali Aadan Marguus oo nala soo xiriiray Isagoo ku sugan Magaalada Baydhabo kana
mid ah guddiga soo dhaweynta xildhibaanada Baarlamaanka ayaa waxa uu sheegay in
howlihii soo dhaweynta ay haatan marayaan meel wanaagsan.
Mar uu ka hadlayay dhinaca Nabadgelyada cidda sugeysa waxa uu yiri “Nabadgelyada
Magaalada Baydhabo waxaa sugi doona dhamaan siyaasiyiinta beelaha Digil iyo
Mirifle waxayna mideyn doonaan ciidamadooda meel kasta oo ay joogaan”.
Cali Marguus mar uu ka jawaabayay su’aal ahayd, Waxaa dhawaan Ra’isul Wasaaruhu
uu magacaabay guddi ka tirsan Beelaha Digil iyo Mirifle oo isugu dubarida
howlaha shirka Baarlamaanka, waxa uu yiri Cali Marguus “Ra’isul Wasaaruhu waxa
uu u baahan yahay in loo furo Siminaar waayo shaqo aan waxba ka quseyn ayuu mar
kasta faraha la galaa”.
Ugu dambeyntii Cali Marguus waxa uu u soo jeediyay shacabka in ay gacan ka
gaystaan sidii nabad loogu soo dabaali lahaa Gobalka Bay si uu qabsoomo kulanka
Baarlamaanka.
Guddiga
taakuleynta Qaranka ee Abaaraha oo sheegey in soo gaaryey 17 kun oo doolar.
Waxaa Magaalada Muqdisho ka socda uruurinta kaalmo loogu talagalay in loogu
gagaaro dadka ay waxyaaladu ka soo gaartay abaartu, waxaana uruurintaan loo
xil-saaray guddi culumo ah oo iyagu xafiis ka furtay Magaalada Muqdisho.
Guddigaan ayaa warbixin ay soo saareen waxa ay ku sheegeen in ilaa iyo haatan
soo gaartaay lacag gaareysa 17-Kun oo Doolar iyo Dahab aad u fara badan oo ay
Dumarka Soomaaliyeed ugu deeqeen dadka tabaaleysan.
Guddiga oo furay Account kana furay shirkadda Dahabshiil oo Nabarkiisu yahay
2282 ama Amal Bank oo isna Nambarkiisu yahay 10739.
Guddigu wuxuu u soo jeediyay
shacabka Soomaaliyee in aysan waxba ka sugin wax dibadda laga keeno oo iyagu ay
isku tashadaan waxa uu u mahadceliyay intii isku soo howshay wax u qabashada
dadkaas abaaruhu saameeyeen, kuwana kale waxa uu ugu baaqayaa in ay ku daydaan
oo ay la soo gaaraan dadkaasi wax kasta oo ay heli karaan
Guddoomiyaha Baarla-maanka
iyo wafdi uu hogaaminayo oo soo gaarey Baydhabo...
Waxaa maalintii shalay ahayd
Magaalada Baydhabo soo gaaray wafdi uu hogaaminayo Guddoomiyaha Baarlamaanka
Shariif Xasan Shiikh waxaana halkaasi ku soo dhaweeyay dadweyne aad u fara badan
oo luxayay caleemo qoyan, kuwaasoo ku dhawaaqayay “Shariifkoow ku soo dhawoow
deegaankii”, “Dowladdu hadda ayay is raacday”.
Guddoomiyaha Baarla-maanka
waxaa la socday xubno ka tirsan labada Gole wuxuuna safarkiisa uu la xiriiraa
sidii uu u soo ogaan lahaa xaaladda Magaalada Baydhabo iyo sida loogu
diyaargaroobay kulana Baarlamaana ee la qabanayo bishan.
Guddoomiyaha waxa uu markiiba
kulamo la yeeshay xubnaha labada Gole ee ku sugan Magaalada baydhabo oo uu
horkacayay Xildhibaan Ma’xed Ibraahim Xaabsade iyo Wasiirka Gasoorka Shiikh
Aadan Madoobe, waxaana kulanaasi la iskula soo qaaday sidii nabad loogu soo
dabaali lahaa Magaalada Baydhabo isla markaana loo mideyn lahaa ciidamada.
Guddoomiyaha Baarla-maanka
marka uu dhameysto safarka uu Magaalada Baydhabo ku joogo waxa uu dhaqaaqi
doonaa dhinaca Magaalada Gaalkacyo halkaas oo uu ka dhici doono kulan saddex
geesood ah oo ay yeelan doonaan Guddoomiyaha Baarlamaanka, Madaxweynaha iyo
Ra’isul Wasaare si ay iskula meel dhigaan sidii uu u qabsoomi lahaa kulana ugu
horeeya ee Baralmaanka, isla markaana ay u qorsheyn lahaayeen wixii tasiilaad ah
oo uu baahan yahay qabsoomidda kulankaasi, sidoo kale waxaa halkaasi lagu soo
afjarayaa khilaafka u dhexeeyay Madaxweyne C/llaahi Yuusuf iyo Ra’isu Wasaare
Cali Max’ed Geedi oo isagu bilwoday markii uu Guddoomiyaha Baarlamaanka ku
dhawaaqay in Magaalada Baydhabo ay noqoneyso halka lagu qabanayo kulanka ugu
horeeya ee Baarlamaanka.
Iska hor imaad shalay ka dhacay Magaalada
Jowhar...
Wararka naga soo gaaraya Magaalada Jowhar waxay
sheegayaa in maalintii shalay ahayd magaaladaasi uu ka dhacay iska hor imaad u
dhexeeyay ciidamo taabacsan Gudoomiyaha Gobalka Sh/dhexe Max’ed Dheere.
Iska hor imaadkaas waxa uu ka dhacay saldhiga
Booliiska ee Magaalada Jowhar waxaana ku dhintay hal qof dhowrna kalana way ku
dhaawacmeen ilaa iyo hadda lama faahfaahin ujeedadii waxa dhaliyay iska hor
imaadkaas, balse warar ayaa waxay sheegayaan in koox maleeshiyo ah ay dooneysay
in ay saldhiga kala baxaan dhowr qof oo saldhiga ku xirnaa, hase yeeshee waxaa
is hor istaagay ciidamada ilaaliya saldhigaasi.
Goobtii uu ka dhacay iska hor imaadku waxaa yimid
Guddoomiyaha Max’ed Dheere oo isagu gebi ahaanba xir xiray wixii ka dambeeyay
iska hor imaadkaas, iyadoo xaaladda Magaalada Jowhar ay markiiba caadi ku soo
laabatay kaddib markii uu yara istaagay ganacsigii iyo isku socodkii.
Kulan Gaalkacyo ku dhex maraya C/llaahi Yuusuf
iyo Shariif Xasan
Waxaa Magaalada Gaalkacyo ku sunga Madaxweyne C/llaahi
Yuusuf Axmed iyo xubno kale oo ka tirsan Dowladda Federaalka waxaana la filayaa
in maalmaha soo socda Magaaladaasi uu kulan ku dhex maro Madaxweyne C/llaahi
Yuusuf Axmed, Guddoomiyaha Baarla-maanka Shariif Xasan iyo Ra’isul Wasaare Cali
Max’ed Geeddi, kulanaasi ayaa waxa uu yahay mid lagu soo afjarayo khilaafka u
dhexeeya xubnaha sarsare ee Dowladda gaar ahaan khilaafka u dhexeeyay
Madaxweynaha iyo Ra’isul Wasaaraha kaasoo ka dhashay markii uu Cali Max’ed Geedi
ka carooday in Magaalada Baydhabo lagu qabto kulanka ugu horeeya ee Baarlaamanka.
Warar ayaa waxay sheegayaan in marka uu dhamaado
kulankaasi Ra’isul Wasaaraha iyo Guddoomiyaha Baarlamaanka ay u ambabixi doonaan
Magaalada Baydhabo si ay u soo eegaan halka uu marayo qabanqaabada kulanka ugu
horeeya ee Baarlamaanka.
Sidoo kale warar ayaa waxay sheegayaan in
Guddoomiyaha Baarlamaanka iyo Ra’isul Wasaare Cali Max’ed Geedi ay booqan
doonaan Magaalada Jowhar oo xarun ah qaar ka mid ah Xubnaha Dowladda.
W/D Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com | Feb 8,2006
Barnaamijkii Radio Xoriyo
07 February
2006
Siyaasiyiin
Oromo ah oo Meles dhaleeceeyay.
Waaqow Guuto oo
Nairobi ku geeriyooday.
Qaramada
Midoobey oo Bariga Afrika ergay cusub u magacawday.
C/llaahi Yuusuf
iyo saraakiil Itoobiyaan ah oo ku kulmay Gaalkacyo.
Barnaamijkii
Aragtida Halgamaaga(Ayaandarida
Haysata Daba-dhilifyada).
======================
Xubno ka tirsan
Baarlamaan ku sheegga Itoobiya ayaa keligii taliye Meles Zenawi si wayn ugu
dhaleeceeyay xaaladda siyaasadeed ee Oromiya. Xubnaha baarlamaanka ee xisbi
Oromo ah oo ku jira Baaramaan ku sheegga Itoobiya ayaa keligii taliye Meles
Zenawi aad u dhaleeceeyay mar khamiistii uu Baarlamaanka Itoobiya
fadhigiisii caadiga ahaa yeeshay.
Xubnaha Oromada ahi
waxay ka cadhoodeen warbixin ay xukuumadda Zenawi ka diyaarisay xaaladda
siyaasadeed ee Oromiya, taasoo sheegtay in dhibaatada kaliya ee Oromiya ka
jirta ay tahay dagaalka uu ka wado Ururka OLF.
Keligii taliye
Meles Zenawi ayaa bishii Janwari ka ballanqaaday wasiirka horumarinta ee
dalka Britain inuu baadhis madaxbannaan ku samayn doono xadgudubyada
xuquuqda aadanaha ee la sheegay in loo gaystay dadwaynaha Oromada ah.
Xubanaha Oromada ah
ee Baarlamaan ku sheegga Itoobiya ayaa sheegay in ciidammada dawladu ay
cadaadis badan ku hayaan dadka Oromada ah, isla markaana boqollaal qof oo
rayad ah loo gaystay jidhdil, xabsi iyo dil, ka dib markii lagu tuhmay inay
taageerayaal u yihiin Ururka OLF.
Ururka xuquuqda
aadanaha daneeya ee Amnesty Inernational ayaa toddobaadkii hore xukuumadda
Itoobiya ku eedeeyay inay seddexdii bilood ee u denbeeyay xabsiyada ka
buuxisay dad kumanaan gaadhaya oo isugu jira arday, macalimiin, ganacsato
iyo beeralay, kuwaasoo u dhashay qowmiyada Oromada, wuxuuna ururku tilmaamay
qaar badan oo dadkaas ka mid ahi ay khatar u yihiin in jidhdil loo gaysto,
sidaas darteed wuxuu dunida ugu baaqay in tallaabo degdeg ah laga qaado
Itoobiya sidii dadkaas loo sii dayn lahaa.
Waaqow Guuto oo
Nairobi ku geeriyooday.
Maalintii khamiista
ahayd ee bisha Febrawari 2-da ahayd waxaa magaalada Nairobi ku geeriyooday
Alla ha u naxariistee Waaqow Guuto, oo ahaa ninkii dhidibbada u taagay
halganka hubaysan ee qowmiyada Oromiya kula jirto gumaysiga Itoobiya.
Waaqow Guuto muddo
dheer ayuu halganka hubaysan ee Oromiya ku soo dhex jiray, wuxuuna ahaa nin
aad ugu dadaali jiray in qowmiyada Oromiya ka hoosbaxdo gumaysatada
Itoobiya, isagoo halganka hormuud ka soo ahaa tan iyo xilligii uu talada
gumaysatada Itoobiya haystay Xayle Salaase.
Wuxuu sidoo kale
ahaa nin aad u taageersan halganka hubaysan ee Ogaadeenya ka socda ee lagaga
soo horjeedo gumaysiga Itoobiya.
Qaramada
Midoobey oo Bariga Afrika ergay cusub u magacawday.
Xogahayaha guud ee
Qaramada Midoobey Kofi Annan ayaa ra’iisal wasaarihii hore ee dalak Norway
Kjell Magne Bondevik u magacaabay inuu noqdo ergayga gaarka ah ee u
qaabilsan arrimaha bani’aadamnimada ee Geeska iyo Bariga Afrika.
In ka badan 40% ka
mid ah dadwaynaha gobolka Geeska Afrika ayaa macaluul ba’ani haysaa, iyadoo
macluusha gobolkaas ka jirta lagu tilmaamay inay tahay mid ka mid ah cunto
yaraantii adduunka ugu ba’nayd ee soo marta.
Sida uu sheegay
Ururka Cuntada iyo Beeraha ee Qaramada Midoobey, waxay abaaraha ka jira
gobolka Geeska Afrika khatar ku yihiin nolosha 11 milyan oo qof, oo ku kala
dhaqan dalalka Soomaaliya, Kenya, Jabuuti iyo Itoobiya.
Qaramada Midoobey
ayaa jimcihii sheegtay in abaaraha gobolka ka jira ay sii calwiyeen
dhibaatooyin kale oo gobolka daashaday oo ay ka mid yihiin nafaqo xumo
sannado badan ka jirtay, cunto la’aan aan ka dhammaanin iyo dagaallada ka
socda.
C/llaahi Yuusuf
iyo saraakiil Itoobiyaan ah oo ku kulmay Gaalkacyo.
Madaxwaynaha
dawlada ku meelgaadhka ah ee Soomaaliya C/llaahi Yuusuf Axmed ayaa shalay
kulan albaabadu u xidhan yahay kula yeeshay magaalada Gaalkacyo saraakiil
Itoobiyaan ah iyo masuuliyiin ka socda Midowga Afrika.
Kulankani wuxuu
ahaa mid albaabadu u xidhan yihiin oo saxaafadda loo diiday, hase yeeshee
xogo ka soo baxay ayaa sheegaya in madaxwaynaha lagala hadlayay arrimo la
sheegay inay ku saabsanaayeen waxa loogu yeedhay ”xal u-helidda nabadgelyada
gobolka Geeska Afrika”.
Waxaa kaloo
madaxwaynaha lagala hadlayay sidii ciidammada Itoobiya ay uga qayb qaadan
lahaayeen hawlaha nabad ilaalineed ee laga fulin doono dalka Soomaaliya,
gaar ahaan ciidammada la doonayo inay sugaan ammaanka kulanka Baarlamaanka
Soomaaliya ee daba-yaaqada bishan lagu qaban doono magaalada Baydhabo.
Ilaa iyo hadda
dawlada ku meelgaadhka ah ee Soomaaliya si rasmi ah uma ayna sheegin cidda
ilaalin doonta nabadgelyada kulanka Baarlamaanka ee Baydhabo lagu qaban
doono, hase yeeshee xukuumadda gumaysiga Itoobiya ayaa u ololaynayso in
iyada gacanta loo galiyo, si ay u fushato danheeda gumaysi ee ay ku kala
qoqobayso siyaasiyiinta soomaaliyeed oo ay ku dadaasho inayna marna u
heshiinin danta guud ee qarnka Soomaaliya.
Radio Xoriyo
07 February 2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 31 MB ee dhererkeedu yahay
9820 KHZ, Maalmaha Talaadada iyo Jimcaha 7: 30PM waqtiga Afrikada
Banaanbax
balaaran oo roob doon ah oo ka dhacay magaalada kismayo
iyo Warar Googoos ah oo ku saabsan
Soomaaliya
Akhri..
Feb 7
|