Culumada Masaajidka Abuubakar ee islii oo
baajiyay Xalay Riwaayad iyo bandhig faneed ay soo qaban qaabiyen fanaaniin
oo ka dhici lahaa goob Kaniisad ah....
(SomaliTalk.com | Oct 24, 2006):
Habeenimadii xalay ahayd ayaa culumada masaajidka abuubar ee xaafada islii ama
6ka ay joojiyen bandhig faneed ay ka soo qayb gali lahayen boqolaal Soomaalida ku
nool xaafadda islii oo lagu waday inay ka dhacdo xarun Kaniisad ah qaybta
shirarka .
Culumadii xalay halkaasi joogtay ee gacanta wayn ka gaystay baajinta riwaayadaasi
ayaa waxaa ka mid ahaa Sheikh Maxamuud Shibile, Sheikh C/xamiid Xaashi, Sheikh
Bali Sheikh Mowliid iyo culumo badan .
Culumdaan ayaa waxay isticmaalayeen sameecadu waawayn oo ay la taagnaayeen iridda
hore ee halka ay ka dhici laahady bandigga ama riwaayada taas oo nasiib wanaag ay
baajiyeen ka dib markii ay halkaasi ka jeediyeen maxaadarooyin.
Sheikh Maxamuud
Shibile ayaa halkaasi ka jeediyay maxaadaro ama waano ay ku istaageen dhalin
yaradii doonaysay in ay gasho isagoo yiri '' war yaa doonaya in nacalad iyo
naxariista eebe ka fogaadaan lacagna ay dhiiban dhan 500 KSh '' iyadoo dhamaan
dadkii ay iska joojiyeen galista halkaasi .
Sidoo kale Culumadii goobta timid ayaa dhammaan halkaasi ka
jeediyay hadalo ay inta badan dhalin yaradii soo qaban qaabisay iyo kuwii
doonayay in ay daawadan ka hakisay galista xaruntaasi .
Fanaaniita halkaasi ka jeedin lahaa Heesaha ayaa waxaa ka mid ahaa Cabdi Cali
Bacalwaan, Khadiijo Fooday, Xaynoosh Sanqoole, Ooyaaye , iyo kuwa badan oo ka
tirsan dhalin yaro la magac baxday waayaha cusub oo fanaaniin ah .
Jawiga ayaa ahaa mid isku badalay mid diimeed ka dib markii la hakiyay
riwaayadasi iyadoo halkaasi dadkii doonayay in ay daawadaan riwaaada iyo heesaha
ay isku soo weeciyeen dhagaysiga wacdiga marka laga reebo intii iyadu ka xishoday
in ay istaagan goobtaasi ka dib markii ay ka soo baxeen kaniisata xarunteeda.
Waa markii ugu horaysay oo culump Soomaaliyeed ay meel ka baxsan dalka Soomaaliya ka
sameeyaan arintaan mid la mid ah iyadoo ay u wada riyaaqeen jaaliyada Soomaaliyeed
ee xaafada islii oo inta badan la moodayo marka aad joojid inaad dhex joogtid
magaalo Soomaaliyed waxaana soo dhaweyay dadka somaliyeed ee jecel diinta islaamka
ku dhaqankeeda, balse dhalin yaro halkaasi aan kula kulmay ayaa sheegay in aysan
arintaasi raali ku ahayn iyagoo ii sheegay in wadaada ay somalia uga yimaadeen
kenya ay kaga soo horaayan kuwa kale taas oo ay ku tilmaameen sida ay hadalka u
dhigeen mid ay ka xun yihiin.
Maxamed Cabdi Maxamed Bootaan
Somatali Talk Nairobi kenya
botaan1@hotmail.com
| 
Daabaco
Boggan | Print
Qaabkii
looga Ciiday Garoowe, Nairobi iyo Minneapolis/St.Paul..
