SOMALITALK.COM DALSAN
w w w . S o m a l i T a l k . c o m
SOMALITALK - HARGEYSA

Geeska Afrika Mayeelan Doonaa Laba Dawladood oo Jaar ah oo ah Somaliland iyo Soomaaliya ?.


Aadan y. Qodax    

FAALLADII: Aadan Yuusuf Qodax 
Email: qodax28@hotmail.com ama

May 3, 2005

LINK: www.Somalitalk.com/hargeysa


Si akhriste aad sifiican ugu fahanto faalladaydan aan dib ugu yara noqdo taariikhda ,intii kahoraysay 1991kii kana danbaysay 1960kii waxaa geeska africa kajirtay jamhuuriyada Soomaaliya oo awood leh kana mid ahayd dawladihii ugu awooda weynaa qaarada africa ee wakhtigaa waxaanay Soomaaliya lamid ahayd dawladaha koonfur africa ,nigeriya ,iyo masar.

Imaatinka dawladan awooda lihi waxay kadhalatay midawgii ay midoobeen british somaliland iyo Soomaaliyadii talyaanigu gumaysan jiray ee koonfurta 01 july 1960kii, taas oo katimid rabitaankii odayaashii iyo hogaamiyeyaashii somaliland taas oo ay aaminsanayeen in la dhiso jamhuuriyad Soomaaliya oo mid ah oo awood leh ,waxaanay odoyashu hamigaa la yimaadeen markii gumaystahii ingiriisku xoriyadii siiyey somaliland 26 june 1960.

Balse dabaaldagii xoriyada ka dib waxaa markiiba hogaamiyaasha somaliland go'aansadeen in ay ku biiraan walaalahooda koonfurta Soomaaliya ee talyaanigu gumaysanaayey si bilaa shuruud ah ama si kale hadii aan idhaahdo aan la kala qoran wax waraaqo ah, sidii ay waraaqaha u kala qorteen dowladahii midoobay ee ay ka mid ka ahaayeen Zansibar iyo Tanganica, oo midoobay dhistayna jamhuuriyada Tansaaniya , ama Ethopia & Erateria, ama Indonesia iyo Eastmor, oo labada danbe kala noqday markii ay isfahmiwaayeen lana soo baxay heshiiskii ay dhigteen qaramada midoobay,halka jamhuuriyada Tansaaniya tahay jamhuuriyad mid ah oo is ogol kuna dhaqma heshiiskii ay kala qorteen ee dhinaca maamulka , tusaale ahaan tansaaniya waxaa lagu heshiiyey in hadii dhinac madaxweynaha yeesho ka kalena uu yeesho raisal wasaaraha taas oo ka dhigtay tansaaniya in midowgeedii uu midho dhal noqdo.

Hadaba diidmadii ay hogaamiyaasha somaliland diideen in ay shuruud ku xiraan midnamadii labada dal ayay qoomameyeen markii hal sano ka dib durba is fahmiwaayeen walaalahoodii koonfurta,taas oo aanay jirin meel ay ka noqdaan maadaama aanay shuruudi jirin,waxaa raga taariikhda qoraa til maamaan in somaliland xiligii ay Soomaaliya lamidawday ladoonayay in lagu daro ururka barwaaqo sooranka aduunka oo kakooban wadamadii uu gumaysan jiray ingiriisku.
Jamhuuriyada Soomaaliya Laba Dal Ma Noqon Karto.. Taariikhda Ninba si u cuskay, Soomaali maxay ahayd Ingiriis iyo Talyaaniga  ka hor?: Asad
MAGACA SOMALILAND WAA BEER: BEERNA HILIBKAA LAGU SUGAA
Ma runbaa in Gobolkaasi uu goostay intii uu awal kula shirkoobay Koonfurta Soomaaliya? Yaa rabay awal midowga? Ma Siyaasiyiinta mise Shacabka? Fahad
"hadii ay saraakiisha socdaalka Jamhuuriyadu ogaan lahaayeen in uu yahay qoraa nacab ah oo qalinkiisa ku minjo xaabinaya qadiyada gooni isu taaga somaliland waxaan hubaa in laba dible loo xidhi lahaa ee waxa laga yaabaa in ay u qaateen walaweynta faraha badan ee u soo tuugsi taga magaalooyinka camiran ee Somaliland" Salahudin
"Miyaan niman Waqooyi u dhashay ku heesin: marti waa la sooraa, magan waa la bixiyaa? (Ina Ibraahin Cigaal iyo Riyaale maxay dhaheen? Marti waa la raafaa, magan waa la dhiibaa!)" C/Waaxid
"dadkaasi la qabtay waxaa lagu tuhmay inay ka mid yahiin ama ku jiraan urur ka mamnuuc ah Dalka aanu dariska nahay ee Ethiopia oo magaciisa la yidhaahdo ONLF" Diridhaba
Kuwii sannadihii hore gacanta lagu dhigayna dhamaantood dawlada Itoobiya gacanta loo galiyey, waxaana la xaqiijiyey in ay dadkani ahaayeen dad maato ah, oo dad ay qaraabo yihiin ugu yimi hargeysa si ay ula noolaadaan" Asad
"Shacbiga Somalilandna aan qasab koonfur loogu sanduleyn Karin, ictiraafkeedana aanay is hortaagi karin dad cuqdada ka qaba sida labada wiil ee ILMA SAMATAR. "  Faysal
"7/12/2002 ayuu madaxwaynaha jamhuuriyadda somaliland mudane daahir riyaaale kaahin booqasho uu ugu diyaarinaayo doorashooyinka dawladaha hoose ee ka dhacayay guud ahaan dalka ku tagay laascaanood, wax yar uun caga dhigashadiisii kadib ayaa rasaasi cir iyo dhul iska qabsatay meeshii uu ku degey" XagarYare
RIYAALE vs SAXAAFADDD::: GUJI
Aniga Oo Ah Xildhibaan G/Wakiilada Somaliland Waa Sidee Arinta Sool, Bariga Sanaag iyo Buuhoodle: Qoraal dheer oo uu soo saaray C/risaaq Warsame Xayir ayaa tibaaxay in Guji

Hadaba markii 21 october 1969 uu xukunka xoog ku qabsadday Maxamed Siyaad Barre dalkii laysku oranjiray Soomaaliya waxaa Maxamed Siyaad Barre u arkaayey in goboladii waqooyigu halis ku yihiin maamulkiisa markaas oo bilaabay in uu culays militery iyo cabudhin saaro goboladii waqooyiga iyo gobolada imika la yidhaahdo Puntland ,taas oo uu markii danbe gaystay xasuuq iyo cabudhin sababtay dagaalkii ka qarxay dalka mudadii u dhexaysay 1980 ilaa 1991 taas oo markii la riday dowladii Maxamed siyaad Barre 1991, waxay hogaamiyaashii Somali national movement (S.N.M) ku dhawaaqeen gooni isku taaga somaliland shirkii beelaha somaliland ee Burco 18 may 1991.

Hadaba marka aynu ka nimaadno taariikhdaas hordhaca ah ee kooban aynu u daadagno su aasha ah Geeska afrika ma yeelandoonaa laba dowladood oo jaar ah oo ah somaliland iyo somaaliya ?, in somaliland iyo Soomaaliya noqdaan laba dal oo jaar ah oo kawada muuqda geeska africa waa ta ay doonayaan shacbiga iyo dawlada somaliland,balse tani waxaa kasoo horjeeda oo aanay ucuntamayn hogaamiye yaasha koonfurta Soomaaliya ee isku haya siyaasada hogaamineed ee dalkaas imikana udhaw in ay heshiiyaan oo dawlada ay dhisteen meel mariyaan ,waxaana midnimada Soomaaliya kutaageersan dhamaan wadamada carabta oo iyagu aan ogolayn in Soomaaliya lakala gooyo , riyadaas oo aan u eekayn mid dhaboobaysa marka la eego mawqifka adag ee shacbiga iyo xukumada somaliland ka taagan yihiin dib ula midoobida koonfurta Soomaaliya.

Xurgufta siyaasadeed ee ka dhex taagan mucaaradka iyo xukumada somaliland ayaa meesha ka baxa mawqif isku mid ahna ka qaata marka ay timaado difaaca gooni isku taaga somaliland, tusaale ahaan madaxda xisbiga kulmiye iyo xukumada talada haysa ayaa isku haya siyaasada ugu adag kuna kala duwan aragtiyo badan balse marka ay timaado gooni isku taaga somaliland ku wada hadla isku luuqad ah , " MAWQIFKA GOONI ISKU TAAGA SOMALILAND WAA MUQADAS " .

Dhinaca kalena marka aynu eego hogaamiyaasha ku hirdamaya siyaasada koonfurta Soomaaliya ayaa inkasta oo aanay labo isku aragti ahayn waxay isku hayaana ay tahay hogaaminta dalka Soomaaliya hadana marka ay timaado ilaalinta midnimada Soomaaliya wado wada mara kuna hadla isku luuqad ah ," MIDNIMADA DHULEED EE SOOMAALIYA WAA MID MUQADAS" taas oo ay badi taageero buuxda kaga helaan wadamada aduunka gaar ahaan carabta .

Hadaba mudadii 15sano ahayd ee dowlad la'aantu ka jirtay Soomaaliya hogaamiyaasha koonfurtuna isku hayeen cidii hogaaminlahayd koonfurta Soomaaliya , beesha caalamkuna ku mashquulsanaayeen xal u helidooda ayaa dhinaca kalena shacbiga iyo xukumada somaliland ay ku mashquulsanayeen sidii ay wadamada AFRICA iyo guud ahaan beesha caalamka uga dhaadhicin lahaayeen in somaliland loo aqoonsado dal hore u jiray oo la soo noqday xoriyadiisii , loona ogolaado in ay ku biiraan ururada ay ka mid yihiin A.U -DA ,IGAD, UN, & JAMACADA CARABTA iyo kuwa la midka ah taas oo uu dadaal dheer u galay hogaamiyahii geeriyooday ee somaliland Marxuum Maxamed Ibraahin Cigaal ,waxaa isaguna halkaas kasiibilaabay daahir rayaale kaahin oo dawladiisu kuguulaysatay in ururka midnimada africa gudoomiye kuxeenkiisu iyo wafti uu hogaaminayaa yimaado somaliland soona booqdo gobolo ka mid ah somaliland si ay warbixin buuxda uga siiyaan shirweynaha ururka midnimada afrika taas oo la sugayo bal jawaabta ay ka bixiyaan waxii ay ku arkeen somaliland .

Waxaa shirciga ururka midnimada afrika dhigayaa in xududahii uu ka tagay gumaystuhu uga tagay qaarada afrika ay yahiin mid lama taabtaan ah , taas oo somaliland u noqotay tiir adag oo ay qabsato marka laga hadlayo xududaha somaliland oo ah mid laga dhaxlay gumaystahii reer yurub.

Dhinaca kalena waxaa uu hore uu hore usheegay in midnimada Soomaaliya tahay mid aan lataaban karin waxaanay dedaal ugu jiraan sidii dawlada Soomaaliya loogu dhisay nairobi unoqon lahayd mid midho dhal ah , ciidamana loogu diri lahaa Soomaaliya si ay usooceliyaan nebedgalyada dalkaas, taas oo umuuqata mid aan xal keenayn waayo ciidamo ajaanib ahi waxay Soomaaliya geeyaan waa cuduro iyo dhaqan xumo iyo in hablaha oo lasiiyo lacag si jidhkooda loo waxyeeleeyo sidii kadhacday jamhuuriyada dimuquraadiga ah ee congo, halka xalku ahaa in maleeshiyada is hor fadhiya lawalaaleeyo lagana dhigo ciidan qaran iyo booliis sidii kadhacday somaliland.

Sida kaliya ee ay ku imanayso labo dal waxaa ay inta badan ku xidhantahay dowlad ka dhalata koonfurta oo markaas aqoonsata somaliland ,balse tani ma muuqato oo hogaamiyaha imika nairobi loogu doortay madaxweynenimada Soomaaliya cabdilahi yuusuf axmed waxaa uu markii ololaha ku jiray sheegay in midnimada Soomaaliya uu ku sugayo xoog ,balse taas isagoo ka jawaabaya madaxweyne riyaale waxaa uu sheegay in hadii xoog loo isticmaalo somaliland uu dhiig badani kudaadan doono geeska africa.

Madaxweyne Gaaray Hadafkiisii (mission accomplished) iyo Khudbadiisii Xusuusta Reebtay.


Marka hadaba aynu isku soo wada duubno halganka ay somaliland ugu jirto ictiraaf ayaa ah mid adag in si dhibyar loogu guulaysto , iyadoo wakhtigan ururka midnimada afrika la eegaayo ishana si weyn loogu hayo bal waxa uu ka yidhaahdo kormeerkiisan uu ku maray gobolada somaliland , balse inkastoo ay somaliland ka mid tahay wadamada leh xuduudahii gumaysiga hadana waxaa ururka midnimada afrika ku adag in ay yidhaahdaan waxaanu aqoonsanaynaa Somaliland, taas oo raga sida weyn uga soo horjeeda uu kamid yahay hogaamiyaha liibiya Qadaafi oo awood weyna kuleh ururka midnimada africa, isagoo qadaafi uba ololaynaya in africa uu kadhigo qaarad mid ah oo leh lacag mid ah iyo baarlamaan mid ah.

Waxaana ugu danbayntii faaladaydani kula tali naysaa ururka midnimada africa in horta ay kuguulaystaan xalna uhelaan koonfurta Soomaaliya oo ay adagtahay in dawlada ladhisay ay hanato maamulka gobolada koonfurta iyadoo aad moodo in aanay inkastoo ay dawlada wada dhisteen hadana isku daacad ahayn , marka ay halkaa kuguulaystaana ay wada hada shiiyaan labada dal madaxdooda lagana wado hadlo sidii xeedhana xeedho kunoqonlahayd ilkana kunabad gali lahaayeen.

allaa mahad leh warbixin:

Aadan yuusuf qodax hargaysa somaliland
Email: qodax28@hotmail.com
ama 
Email:

LINK: www.Somalitalk.com/hargeysa

Faafin: Somalitalk.com | May 3, 2005


"Waxaa Lanoodiiday Khayriyada Boorama , xataa waxaa ladiiday in aanu gaadhi saarno mikirifoon". faysal cali waraabe, gudoomiyaha xisbiga UCID.

"Madaxweyne rayaale intii uu xilka hayay waxaa cadaatay in uu maamulkii uu dhaxlay diciifay". xisbiga UCID.

Madaxweyne Rayaale oo saxeexay xeerka doorashada wakiilada , iyo dedaalka dhexdhexaadinta xukuumada iyo xisbiga kulmiye.

Xisbiga Kulmiye oo Kubaaqay in Xilka Laga Qaado Madaxweyne Riyaale
Shir jaraa'id oo uu xafiiskiisa kuqabtay afhayeenka xisbiga kulmiye maxamed kaahin axmed ayuu... Guji... Apr 7

Maxaa Sababay in ay Burburto Kalsoonidii Shacbigu u Hayeen Xukuumada Madaxweyne Rayaale?.. Guji..

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD