Kullan Ballaaran oo xalay lagu qabtay xaafadda Clapham Park Estate ee magaalada London 

Faafin: Dec 18, 2004

Kullan ballaaran oo ay ka soo qeybgaleen dadka degan xaafadda Clapham ee magaalada London uuna ka soo qeybgalay kana tirsan xisbiga Labour-ka ee haya talada dalka Ingiriiska ahna Wasiirka Guryeynta, xubin ka tirsan Baarlamaanka dalka Ingiriiska Hon. Keith Hill. 

Kullankan oo socday intii u dhaxeysay 7:00 fiidnimo ilaa 9:00 habeennimo ayaa la iskula soo qaaday arrimo badan oo ku saabsan arrinta Soomaaliya ka dib markii ay kullan gaar ah yeesheen markii labaad sanadkan gudihiis C/casiis Cali Ibrahim “Xildhiban” oo u olaleeya nabadgalyo ka dhacda dalka Soomaaliya iyo Wasiirka Guryeynta Hon. Keith Hill. 

            British MP and Minister Hon. Keith Hill & Abdulaziz Ali Ibrahim “Xildhiban” Somali Peace Activist

C/casiis Xildhiban wuxuu ku nuuxnuuxsaday sida loogu baahan yahay in ay dowladdiisu dib u hanato doorkii ay ka sugayeen dadka Soomaaliyeed ee ay gabeen laga soo bilaabo qaran burburkii ku dhacay Soomaaliya marka laga reebo soo dhaweynta iyo magangalyada ay siiyaan Soomaalida ka soo carareysa weli dagaallada sokeeye ee ka soconaya geyiga Soomaaliya. 

Hon. Keith Hill wuxuu ku bogaadiyay dadaalkiisa iyo sida hagar la’aanta ee ee har iyo habeen ugu olaleynayo nabadgalyo ka dhacda dalka Soomaaliya Mudane C/casiis Cali Ibrahim “Xildhiban” ilaa inta laga gaarayana uusan ka harin dadaalkiisa ku aadan dib u hanashada qarannimadii burburtay ee Soomaaliya. 

Keith Hill MP & Members of the Clapham Park Community

Gebagebadii kullankooda ayuu mar kale C/casiis Xildhiban ka codsaday wasiirku in dowladda Ingiriisku wax badan ka qabato dhibaatooyinka Soomaalida ha ahaadeen Soomaalida ku sugan gudaha dalka Soomaaliya iyo dhibaatooyinka heysta Soomaalida ku sugan dalkan Ingiriiska.   

Allasow
Alasow73@hotmail.com