Arbaca,
Dec 27, 2006
Maxkamadaha
oo Dib uga soo gurtay Jawhar
Magaalada
Jawhar ayaa waxaa maanta qabsady ciidamada
gumeysiga Itoobiya, waxayna magaaladaas ku
soo celiyeen Qabqablihii Dagaalka, Maxamed
Dheere. Xabashida halkaas soo gashay waxaa
muuqata in aysan magaaladaas keenin dolwadii
lagu soo dhisay Nairobi, balse ay kusoo
celisey qabqalayaashii ka soo horjeedey
dowladdaas Nairobi ee kumeel gaarka ah.
Midowga
Afrika iyo Jaamacadda Carabta oo ku Baaqay
in Ciidamada Itoobiya degdeg uga Baxaan
Ciida Soomaaliyeed
Ururka ay
ku midoobeen dalalka Afrika ayaa ku baaqay
in Itoobiya ay ciidamadeeda kumanaanka ah si
degdeg ah ugala baxdo Soomaaliya, sida ay
werisey jariidada Telegraph.
"Waxaan ugu
yeereynaa Itoobiya in ay ciidankeeda kala
baxdo Soomaaliya iyadoo aan arrintaas dib u
dhigayn", sidaas waxaa yiri Alpha Omar
Konare oo ah madaxa ururka Midowga Afrika.
Sidoo kale
kulan degdeg ah oo ay Magaalada Qaahira ku
yeesheen ka bacdi, ururka midowga Carabtu
waxay Itoobiya ugu yeereen in ay
ciidamadeeda kala baxdo Soomaaliya, waxayna
sheegeen in dagaalka u dhexeeya Itoobiya oo
garab siineysa dowlada kumeel gaarka ah iyo
Maxkamadaha Islaamiga ah in uu dagaalkaasi
halis gelinayo xasiloonida geeska Afrika. {Isha:
Telegraph}
Wasiirkii
Dib u Heshiisiinta oo Xilkii laga qaaday
Warar laga
helay xafiiska Itoobiya ku leedahay
magaalada Baydhabo ayaa lagu sheegay in Cali
Maxamed Geedi uu jagadii ka qaaday Maxamuud
Jaamac Sifir oo ahaa wasiirka dib u
sheshiisiinta iyo jaaliyadaha dibadda u
qaabilsana Dawladdii lagu soo dhisay
magaalada Nairobi ee dalka Kenya ee Kumeel
gaarka ah.
Sifir waxa
uu ka mid yhay wasirada ka tirsana Dowladii
Nairobi ee diidan dagaalka ay Itoobiya ku
soo qaaday gudaha Soomaaliya.
Wakiilka Dowladii
Nairobi u Fadhiya Addis Ababa oo la hadlay
reer Itoobiya
Cabdikariim
Faarax oo ah wakiilka dowladii lagu soo
dhisay Nairobi ee kumeel gaarka u fadhiya
Addis Ababa oo hadal dadka reer Itoobiya uga
jeediyey telefishanka Tigreega ayaa la
weydiiyey su'aalo dhawr ah oo ku saabsan
waxa ay samaynayaan marka ay dhammaato
labada sano ee ka dhiman xilligii loo qabtay
dowladda Soomaalida loogu soo dhisay
Nairobi, asagoo su'aalahaas ka jawaabaya,
lana hadlaaya shacabka Itoobiya...Ka
Daawo Halkan...
Saadaalin
Dagaal Ka Bilowda Addis Ababa iyo Buubaa oo
Ku Hamiyaya in Gumeystayaashu Qaadka u
Furaan Muqdisho...
Sida ay
wersiey shabakada forbes.com oo soo
xiganeysay qoraal ay qortay wakaalada
wararka ee AP, qaar ka mid ah
hoggaamiyayaasha Islaamka ayaa ku hanjabey
dagaal ah nooca guerrilla-ha oo ay ka mid
tahay in qaraxyo is biimayn ah lala beegsado
magaalada Addis Ababa ee Caasumada Itoobiya.
[Itoobiya waxay 25kii December diyaarado ku
duqaysay caasimada Soomaaliya ee Muqdisho].
Dhanka kale
golaha ammaanka ee Qaramada Midoobey ayaa la
isugu yeeray si ay kulan degdeg ah uga
qaataan dagaalka ka dhexeeya Itoobiya iyo
Soomaalida.
Wasiirka
Arrimaha Dibbada DFKMG,
Ismael
Mohamoud Hurreh, oo cadayn ka bixineyn qaar
ka mid ah ujeedooyinka dagaalka ay Itoobiya
u soo gashay ayaa sheegay in ay tahay in la
fasaxo Qaadka, oo sida la ogyahay uu ku
tiirsan yahay dhaqaalaha wadamada dhulka ka
gumeysta Soomaaliya. Buubaa oo
warfidiyeenadda kula hadlayey Nairbi waxa uu
yiri: "Dad badan oo ku sugan Muqdisho waxay
jeclaan lahayeen in ay calashadaan Qaadka,
maxkamaduhuna ay ka hor leexdaan.", Waxaana
jariidu tiri, Buubaa waxa uu halkaas uga
jeedaa Caleenta Daroogada ah [narcotic leaf]
ee ay maxkamaduhu mamnuuceen. Waxaana
jariidadu raacisay: Si kastaba ha haatee
Soomaalid aad u farabadan ayaa ad uga
caraysan duulaanka ay Itoobiy aku soo qaaday
sababtoo ah dalalkaasi (Somalia/Itoobiya)
waxay galeen labo dagaal 45-tii sano ee ugu
dambeysey kuwaas oo la xiriira xuduudaha...
[Eeg:
halkan....].
[Qaadka waxaa
daba socda ama ku lifaaqan fisqiga, sida
shineemoyinkii lagu dhigi jirey filimada
jinsiga ee xamar lagu arki jirey waagii
qabqablayaashii dagaalku joogeen.]
Toddobaadkii hore ayey ahayd markii
jariidada Washintonpost ay qortay in
shacabka Addis Ababa ay dagaalka Meles
Zenawi ku qaaday Soomaaliya u arkaan mid uu
mucaaradka indhohooda kaga jeedinayo
shacabkiisa si uu xukunka u soo haysto.
Waxaana hadda shaac baxaya ifafaale
muujinaya in xiriir toos ah dhex mari doono
shacabka Soomaaliyeed iyo Shacabka Itoobiya
ee ka soo hor jeeda xukunka dergega ee
Zenawi. [Eeg:
Halkan].
Cismaan
Maxamuud Cismaan (Dhegaweyne) oo Lagu Diley
Kismaayo
Wararka ka
imanaya magaalada Kismaayo ayaa sheegay in
halkaasi lagu diley
wakiilkii
Shirkadda Diyaaradaha ee Jabuuti Airlines
ee Soomaaliya, waxaana la sheegay in
meydkiisa la helay, ilaa haddana ma jiraan
wax cadayn ka bixiyey sababta loo diley
marxuumka, Allah ha u naxariistee, wixii
faahfaahin naga soo gaara gadaal ayaan ka
soo sheegi doonaa.
Wararkii
Shalay hoos ka akhri
-
Ciidamada Maxaakiimta oo isku dhaarsaday
in ay iska difaaci doonaan Gardarrada
Itoobiya..
-
Sheekh Shariif oo sheegay in ciidamada
Maxaakiimta ay adeegsan doonaan..
-
Dowladda Ereteriya oo sheegtay in
Mareykanku masuul ka yahay dagaalada
Ciidamada..
-
Mas置uliyiinta ugu sareysa Dowladda FKMG
oo aad uga xumaadey dib u soo nooleynta..
-
Cismaan Maxamuud Cismaan (Dhegaweyne) oo
Lagu Diley Kismaayo
Ciidamada
Maxaakiimta oo isku dhaarsaday in ay iska
difaaci doonaan Gardarrada Itoobiya..
Ciidamada Maxaakiimta Islaamiga ah oo xeelad
dagaal uga soo baxay deegaano ay gacanta ku
hayeen ayaa waxay haatan wadaan olole ay
doonayaan in ay kaga hor tagaan Ciidamada
Itoobiya ee ku soo siqaya Magaalada Muqdisho
oo ah xarunta ugu weyn ee Golaha Maxaakiimta
Islaamiga ah. Ciidamada Maxaakiimta oo
shalay la siiyey hub aad u xoogan ayaa loo
qaaday goobaha Dagaalka ee wajiga hore,
waxaana ciidamada Maxaakiimtu isku
dhaarsadeen in ay naftooda u huraan diinta
iyo dalka.
Sheekh
Shariif oo la hadlayey ciidamo u socda
wajiga hore ee dagaalka ayaa waxa uu siiyey
dardaarankii ugu dambeeyay, isagoo sheegay
Illaah idinkii in shacabka Soomaaliyeed ay
guuleysan doonaan.
Ciidamada
Maxaakiimta oo haatan difaac kaga jira
agagaarka Leego waxaa halkaasi ku sugan ilaa
iyo dhowr kun, waxayna shalay iska difaaceen
diyaaradaha dagaalka ee Ciidamada itoobiya
oo doonayey in ay diyaarado ku garaacaan
ciidamada halkaasi ku sugan waxayna halkaasi
ku dhaawaceen afar qofood oo ahaa dadkii
deganaa deegaanka.
Sheekh
Shariif Sheekh Axmed ayaa waxa uu sheegay in
ay xeelado dagaal ay uga soo baxeen qaar ka
mid ah goobaha ay Maxaakiimtu horey uga
talin jireen isagoo sheegay in dagaalku uu
noqon doono mid sii daba dheeraada, gaarana
deegaano ka tirsan dalka Itoobiya.
Ciidamada
Maxaakiimta Islaamiga ah ayaa xooggoodii
isugu keenay daafaha Magaalada Muqdisho ayaa
waxaa laga cabsi qabaa in uu ka dhaco dagaal
kii ugu ba地aa oo dhex mara Ciidamad
Itoobiya iyo shacabka Soomaaliyeed ee
Islaamka ah oo garabsanaya Golaha
Maxaakiimta Islaamiga ah, waxaana Magaalada
Muqdisho ka socda abaabulkii ugu weynaa oo
ay Maxaakiimtu sameeyaan, iyadoo dib loo
saxayo qaladaad horey u dhacay oo ku aadan
dhinaca Dagaalka.
Sheekh
Shariif Sheekh Axmed ayaa shalay soo
kormeeray dhamaana goobaha Maxaakiimtu
difaaca kaga jiraan ee Leego iyo Agagaarka
Jowhar, waxaana la sheegay in ciidamadii ku
sugnaa gobalada dhexe ay soo gaareen
Magaalada Jowhar, sidoo kale ciidamo ka
yimid deegaanka Tiyeeglow ayaa soo gaaray
Magaalad Jowhar, waxaana Jowhar agagaarkeeda
buux dhaafiyey Gawaarida Dagaalka.
Sheekh
Shariif oo sheegay in ciidamada Maxaakiimta
ay adeegsan doonaan..
Sheekh Shariif Sheekh Axmed oo dib ugu soo
laabtay Muqdisho maalintii doraad ahayd,
ayaa shir jaraa段d ku qabtay Filla Baydhabo,
waxa uuna faahfaahin ka bixiyey halka uu
marayo dagaalka u dhexeeya Itoobiya iyo
Soomaaliya, waxa uuna sheegay in goobaha
qaar ay Maxaakiimtu uga soo baxeen xeelado
dagaal, isagoo sheegay in wixii haatan ka
dambeeya uu noqon doono mid ka duwan kii
hore, waxa uuna sheegay in la adeegsan doono
xeelado culus, balse ma faahfaahin waxa ay
yihiin xeeladahaasi.
Sheikh Shariif waxa uu sheegay in Dowladda
Itoobiya ay diiday in khilaafka lagu
dhameeyo wada hadal iyo is afgarad, balse
waxa uu sheegay Sheekh Shariif in Dowladda
Itoobiya soo hordhigtay Maxaakiimta shuruudo
u cuntami waaye Maxaakiimta.
Sheekh Shariif waxa uu sheegay in ciidamada
Maxaakiimta Islaamiga ah ay iska difaaci
doonaan wax uu ugu yeeray gardarada caddowga
Soomaaliyeed, isagoo sheegay in ay meesha ka
baxday wax la yiraahdo Dowlad Federaal ah,
xaalkuna uu taagan yahay Soomaaliya iyo
Itoobiya.
Dowladda Ereteriya oo sheegtay in Mareykanku
masuul ka yahay dagaalada Ciidamada..
Dowladda Ereteriya oo lagu tiriyo in ay
gacan siiso Maxakiimta Islaamiga ah ayaa
markii ugu horeysay ka hadashay dagaalka u
dhexeeya Itoobiya iyo maxaakiimta Islaamiga
ah, waxayna dagaalkaasi ku tilmaantay mid
gardaro ah oo la doonayo in lagu burburiyo
qarankii Soomaaliyed.
Dowladda Ereteriya waxay sheegtay in
Dowladda Mareykanku ay ka dambeyso
dhibaatada ay Itoobiya ku hayso Shacabka
Soomaaliyeed, isagoo sheegay in dagaalka u
dhexeeya Itoobiya iyo Soomaaliya uu ku baahi
doono Geeska Afrika.
Sidoo kale dowladda Ereteriya waxay uga
digtay dowladda Mareykanka in ay faraha kala
baxdo arrimaha Soomaaliya oo ay joojiso
taageerada ay siineyso Itoobiya, sidoo kale
Dowladda Masar ayaa iyana uga digtay
Itoobiya in ay dagaal ka sii wado Soomaaliya,
isl markana ay si dhaqsi leh u joojiso ay
wad hadal la furto Maxaakiimta Islaamiga ah
oo ay sheegtay in ay wax badan ka qabteen
Xaaladda Soomaaliya ee dhinaca nabadgelyada.
Mas置uliyiinta ugu sareysa Dowladda FKMG oo
aad uga xumaadey dib u soo nooleynta..
Wararka nooga imaanaya xarunta Dowladda
Federaalka ee Baydhabo waxay sheegayaan in
mas置uliyiintii ugu sareysay dowldda
federaalka oo uu ka mid yahay Madaxweyne C/llaahi
Yuusuf Axmed ay aad uga xumaadeen dib u soo
celinta Hogaamiye kooxeedyadii oo ay
sheegeen in ay ahaayeen kuwo ay ka socon
weysay Dowladda Federaalka ah.
Dowladda Itoobiya ayaa iyadu dooneysa in ay
dib u soo celisoo hogaamiye kooxeedyadii,
waxaana halkaasi kaaga soo baxaya in
Dowladda Itoobiya aysan rabin in Soomaliya
ay hesho qaran dib u hanta nabadgelyada iyo
sharafta ummadda Soomaaliyeed.
Mas置uliyiinta dowladda ayaa uga digay
Dowladda Itoobiya in ay dib u soo celiyaan
hogaamiye kooxeedyadii taas oo ay sheegeen
in ay ku weyn doonaan taageera fara badan.
Waxaa
halkaas ka muuqda khilaaf xooggan oo soo
kala dhex gelaya Itoobiya iyo mas'uuliyiinta
DFKMG.
-
Duqayntii diyaradaha ee dagaalkii
1977-78 ee diyaradaha xabashidu ay
duqeeyeen gobolada dhexe ee Soomaaliya
waxay aakhrikii sababtay in xabashidu
xabsiga u taxaabto Cabdullaahi Yuusuf oo
taariikhdu sheegto in uu diyaaradaha
xabashida kusoo hoggaamiyey gobolada/dhulka
uu asal ahaan ka soo jeedey, waxaana C/laahi
Yuusuf la xiray markii ay Itoobiya ka
gaartey danteedii ahayd laynta shacabka
Soomaaliyeed.
FAALLADA MAANTA:::
Godinyahay ima
Gooyseyn Haddaan Gabalkey kugu daabneyn
W/D Amiin
Yuusuf Khasaaro
E-Mail
amiinkhasaaro@hotmail.com
Faafin:
SomaliTalk.com | Dec 27, 2006
Ciidamada Maxaakiimta oo Xeelada Dagaal
Awgeed....
Talaada:
Wararka ka imanaya Gobolka Baay ayaa sheegay
in Ciidamadii Maxaakiimta ee ku jirey aagga
Daynuunay iyo goobo kale oo ay hore difaaca
ugaga jireen ay dib uga soo gurteen halkaas,
taas oo la xiriirta xeelad, waa sida wararku
u dhegeen'e.
Masar oo Ka
Digtey Cawaaqibka ka Dhalan Doona Dagaalka
Soomaaliya
QAAHIRA: Wasiirka Arrimaha Dibadda ee dalka Masar,
Axmed Abul Gheit, ayaa Isniintii ka digey xaaladda aadka u liidata ee Soomaaliya,
taas oo uu yiri waxay dhalin kartaa dagaal ka dhaca gobolka oo dhan, waxayna
halis gelineysaa mustqabalka geeska Afrika, sida ay werisey wakaaladda wararka
ee rasmiga ee dalka Masar ee marka la soo gabiyo loo yaqaan MENA.
Wasiirku waxa uu digniintaas ku bixiyey
dhambaalka uu u dirayey Itoobiya, Eritrea iyo saddex dal oo ku jira Golaha
Ammaanka oo ah Maraykanaka, Britain iyo France.
Dhammaan beesha caalamka iyo gobolku waa in ay
xoojiyaan isku dayga in la joojiyo hawlgalada hubaysan ee gudaha Soomaaliya, si
loo baajiyo dagaal ka qarxa gobolka oo dhan kaas oo leh cawaaqib meel dheer
gaaraya, ayuu yiri Abul Gheit. [Dhegeyso:
Mareykanka oo ku baaqay in la joojiyo colaadda ka taagan Soomaaliya]
Wararkii
Shalay:::
Halkan ka akhri wararkii
Shalay
Maxkamadaha oo dib uga soo
gurtay goobo ay fadhiyeen...
Akhri...
Dec 26
Abaabul Ciidan
Beeleedyo ka socda Gobolada Nugaal, Bari iyo Sanaag
.Abaabulkaas oo looga soo horjeedo
shirkadaha macdan
.Xisbiga RPP oo ka digey dagaal ay sababto macdantu
.Baarlamaanka Puntland oo isku tahniyadeeyey...
.Warsaxaafadeed ku aadan Heshiiska macdanta DGPL...
.Ramaas oo Itoobiya ugu baaqday in la baxdo ciidankeeda
Wararka oo dhan ka
akhri halkan....
MPLS:
Shirkii Hayb
Sooca oo Lagu soo Gabagabeeyey
Shacabka Reer Addis
Ababa Sidee u Arkaan Dagaalka Soomaaliya
Jariidada Washingtonpost oo qoraal dheer ka qortay
aragtida reer Addis Ababa ee dagaalka Soomaaliya & Itoobiya...
Akhri..
Daabaco
Boggan | Print
"
