Kismaayo waa caasimada 3aad ee Soomaaliya laakiin waxaa la degay kacaankii
iyo Morgan iyo Jees iyo USC iyo isbahaysiga dooxada juba kuwaas oo
dhamaantood qayraadka dekedda iyo gegida dayuuradaha boobi jirey ayagoo
awooday inay magaalada u dhisaan isbitaalo badan.
Baahida kismaayo waa badan tahay waxaana ka mid ah amaanka, waxbarashada,
wadooyinka, nidaamka dhul bixinta, shaqo laaanta laakiin waxaa ugu daran
dhanka adeega caafimaadka waxaa ay lahayd magaalada hal isbitaal oo aad u
liita . Kismaayo waa magaalo weyn hal isbitaal kuma filna. waxay u baahan
tahay ugu yaraan 10 isbitaal
Isbitaalka dhalmada iyo haweenka
Isbitaalka qaliinka
Isbitaalka talaalka iyo caruurta
isbitaal guud
Isbitaalo gaar ah (isbitaalka qaaxada, kaadi sokorta, dadka waalan,wadna
xanuunka,indhaha iwm)
Maxkamadaha iyo magaalada Kismaayo waxay haystaan maanta fursad.
Maxkamadaha waxaa laga filayaa inay sida Xamar kismaayo u hawlgeliyaan oo
dhaqdhaqaaqa horumarka dhinac kasta kiciyaan waxaana ugu horeeya inay
xaaladda naxdinta leh ee dhinaca caafimaadka wax ka qabtaan. Haddii ay
maanta balan qaadaan dhismaha iyo haw; gelinta 10 isbitaal waxay soo jiidn
karaan qalbiga iyo laabta iyo maskaxda reer kismaayo.
Reer Kismaayo fursadda ay haystaan waa ayadoo dhowaan magaaladooda aad u
kori doonta oo dhaafi doonta Xamar iyo Boosaaso iyo Hargeysa iyo Gaalkacyo
oo la isku daray. Kismaayo waa meesha ugu barwaaqo badan Soomaaliya laakiin
cadaadis ayaa mudo dheer saarnaa maanta waa xorowday oo maxkamadaha waxay
soo celin karaan nabaddii iyo cadaaladdii iyo xornimo u ganacsigii ay
Kismaayo u baahnayd.
Lama garanayo waxa ka dhigay Kismaayo meesha ugu liidata xagga caafimaadka
iyo isbitaalada laakiin nasiib darro waa xaqiiqo kismaayo inay baahida ugu
weyn u qabto isbitaal
maxkamadaha ma fahmi karaan baahidaas mase ka faaideysan doonaan dhisidda10
isbitaal taasoo u soo jiidi doonta qalbiga maxkaxda iyo laabta reer kismaayo?
Hassan warankulule
warankulule@yahoo.com
Afeef: Aragtida qoraalkan waxaa leh qoraaga ku saxiixan
Daabaco
Boggan | Print
