DAAWO:- VIDEO: Muhammad: Legacy of a Prophet

Gaashaanle Sare Nuur Cadde Ma Xasuuqa Shacabka Soomaaliyeed ayuu Zenawi uga Mahad Celiyey?...

G/sare Nuur Cadde iyo Zenawi, Addis Ababa, Feb 6, 2008

Geeddi iyo Zenawi oo jooga Addis Ababa xilligii uu ra'iisul wasaaraha u ahaa DFKMG - Hadda waxa uu Guri ka iibsadey Los Angeles

Kulan Ku Saabsan Batroolka oo Addis Ababa uga socda Yusuf, Cadde Muuse & Nuur Cadde
G/Sare Nuur Cadde Ma aqbali Doonaa heshiiska Range iyadoo aan Baarlamaanka Baydhabo ansixin Sharciga Batrool DFKMG.. Akhri...

Nuural-Cadde iyo Nuural-Maaliki maxay isaga mid yihiin

W/D: Amiin Yuusuf Khasaaro

E-Mail amiinkhasaaro@hotmail.com

Muqdisho, Soomaaliya

xaqiiqda marka loo hadlo dalalka Ciraaq iyo Soomaaliya waa labo dal oo si xoog ah ay ku qabsadeen dowlado kale, kuwaas oo u horseeday burbur iyo dagaal gaystay dhimasho iyo dhaawac fara badan.

Dowladahan dhowr meelood ayay isaga mid yihiin, gaar ahaan dhinaca madaxdii soo martay. Dowladda Ciraaq waxaa markiiba Ra'isul Wasaare looga dhigay Iyaad Calaawi, halka Dalka Soomaaliya Ra'isul Wasaare looga dhigay Cali Max'ed Geedi, waxayna labadaa Ra'isul Wasaare ku soo beegmeen xili labada dal ay ku sugan yihiin ciidamo shisheeye, kuwaas oo runtii la dhihi karo waa ciidamo aysan rabin shacabka halkaasi ku nool.

Intii uu Ra'isul Wasaaraha ahaa Iyaad Calaawi waxaa dalka ka bilowday qaraxyo har iyo habeen ka socda dalka, halka Ra'isul Wasaarihii hore ee Soomaaliya Cali Max'ed Geedi isna xiligiisii ay bilowday qaraxyo, Iyaad Calaawi intii uu ra'isul wasaaraha ahaa waxa uu ka badbaaday dhowr qarax oo lagu qaariji lahaa, halka Cali Max'ed Geedi uu isna ka badbaaday qaraxyo badan oo isna la doonayey in lagu qaarijiyo.

Dalka Ciraaq, kooxaha ka dagaalamaya waxay bilaabeen in ay dagaal xoog leh la galaan ciidamada Dowladda Ciraaq ee dhinaca Booliiska, waxaana la weeraray saldhigyo fara badan oo uu booliisku lahaa oo cagta la mariyey halka kooxaha ka dagaalamaya Soomaaliya iyana ay dagaal la galeen ciidamada Dowladda Federaalka kuwaas oo iyana bartilmaameed ka dhigtay saldhigyo fara badan oo uu Booliisku lahaa.

kooxaha ka dagaalamaya Ciraaq waxay leeyihiin Web-Site-yo ay ku soo bandhigaan halgankooda, waxaana maalin walba halkaasi laga daawadaa ciidamo booliis ah oo qaarkoodna la dilay qaarkoodna la siidaayey, halka kuwa iyana ka dagaalama Soomaaliya iyana Web-Site-yada ku soo bandhigaan warbixino la mid ah kuwa Ciraaqiyiintu soo bandhigaan.

Ra'isul Wasaarihii hore ee Ciraaq Iyaad Calaawi, wareysiyo uu horey u bixiyey waxa uu ku sheegay in dalka Ciraaq ay ku sugan yihiin kooxo argagixiso ah kuwaas oo uu sheegay in aysan dooneyn wax uu ugu yeeray Dowladnimo, halka Ra'isul Wasaarihii hore ee Soomaaliya Cali Max'ed Geedi oo isna dhowr jeer ku celceliyey in dowladdiisa ay caqabad ku yihiin kooxo uu ugu yeeray nabad diidayaal.

Waxaa la yaab leh markii uu khilaaf soo kala dhex galay Iyaad Calaawi iyo Saraakiishii Mareykanka in taasi keentay in Iyaad Calaawi lagu qasbo in uu si deg deg ah xilka isaga dego, waxa uuna Wareysi uu bixiyey uu ku guubaabiyey kooxaha ka dagaalama Ciraaq in ay dalkooda ka xoreeyaan wax uu ugu yeeray kooxo huwan ah oo uu ku soo duushay, Ra'isul Wasaarihii hore ee Soomaaliya Geedi ayaa isna waxa ay iska hor yimaadeen Saraakiisha Itoobiyaanka ahaa ee ku sugnaa gudaha dalka Soomaaliya iyo waliba Madaxweyne C/llaahi Yuusuf Axmed, waxayna taasi keentay in Geedi lagu qabso inuu xilka ka dego, hase yeeshee wareysi isna uu dhiibay intii uusan xilka degin ayuu ugu baaqay shacabka in ay iska dhiciyaan kuwa ku qaraabanaya shaarka Dowladda, waxaa hadalkiisii ka mid ahaa "Shacabka hadda dagaalada waxay horey u rideen dowlad xoog badan, anaga miyey noo daahayaan".

Iyaad Calaawi markii xilkii laga qaaday dalka waa uu isaga tagay halka Geedi isna uu dalka isaga tagay, waxaase Geedi bedelay ra'isul wasaaraha haatan ee Nuur Xasan Xuseen (Nuur Cadde), halka Iyaad Calaawi uu isna bedelay Nuural Maaliki, waxayna labadan Ra'isul Wasaare isaga ek yihiin meelo badan oo aysan isaga mid aheyn kuwii hore.

Ugu horeyn waxay isaga mid yihiin magaca oo waa wada "Nuur", labada Ra'isul Wasaare waxay hoos yimaadaan quwado shisheeye, markay arrin yari ka dhacdo Ciraaq, Nuural Maaliki waxa uu gaaraa dalka Mareykanka halka Nuur Cadde isna uu u dhaqaaqo Itoobiya halkaas oo ay ka soo qaataan wixii talooyin ah, Nuural Maaliki waxa uu mar kasta ku celcelilyaan in dalka Ciraaq u qabanayo shir dib u heshiisiin ah, halka Nuur Cadde isna uu mar kasta ku celceliyo in uu qabanayo shir dib u heshiisiin ah uuna la kulmayo kooxaha mucaaraadka ah, hase yeeshee Nuural Maaliki ku celcelinta in uu la kulmayo kooxaha mucaaradka ah mooyaane lama goob uu kula kulmay intii uu xilka yahay oo ku dhow labo sano, halka Nuur Cadde insa uusan weli la kulmin balse isku muujinaya in uu ka dhabeynayo la kulanka mucaaradka, waxayse dad badani saadaalinayaan in uu u muuqdo mid mari doona wadadda Nuural Maaliki.

labada Nuural waxayna kaloo iska shabahaan, iyagoo dhowr jeer ku celceliya in ay dalka dib ugu soo celin doonaan dadkii ka barakacay deegaanadoodii, ilaa iyo haatanna ma muuqato dad dib ugu laabtay deegaanadoodii, iyadoo shacabka labada dal ay ku rafaadsan yihiin dowladaha deriska la ah.

Nuural Maaliki waa nin marka la fiiriyo dhinaca Madaxweynaha ka awood roon halka Nuural-Cadde uu yahay awoodda labaad ee Dowladda Federaalka Soomaaliyeed, waxaana ka sarreeya Madaxweynaha, hase yeeshee dadka qaarkiis waxay qabaan in uu u taagan beel aad u weyn, waxa uuna Nuural Maaliki sidaas oo kale ugu taagan yahay mid ka mid ah madhabaha ka jira dalka Ciraaq.

Nuural Cadde waxa uu inta badan ku celceliyaa in uu dalka ka saarayo quwadaha shisheeyaha marka la helo heshiis dhab ah, halka Nuural Maaliki isna uu dhowr jeer soo hadal qaaday in uu Ciraaq ka saarayo quwadaha shisheeye marka la helo ciidan Ciraaq oo awood u yeesha hanashada amniga dalka, balse Nuur Cadde ayaa ku dooda in loo baahan yahay ciidamo ka socda Qaramada Midoobey ama Midowga Afrika si ay u bedelaan ciidamada Itoobiya.

Dalka Ciraaq shantii ee uu Mareykanku gacanta ku hayey, waxaa ku geeriyooday kumaana kun oo dad ah, halka ciidamada Itoobiya ku sugnaayeen Soomaaliya iyana ay ku geeriyoodeen kumanaan kale, iyadoo labada shacabka ee Ciraaq iyo Soomaaliya ay sanadahan dambe ahaayeen kuwo nool dhibaatooyin aad u fara badan oo aysan saadaalin karin xilka ka bixi doonaan.

labada Nuural ayaa dadka qaarkood waxay ka bixinayaan fikrado kala gedisan, waxay qaarkood soo jeediyeen in wanaagsanaan lahayd in labadaa ra'isul wasaare kulmaan iskana wareystaan xaaladda ay dalalkoodu ku sugan yihiin, waxaa laga yaabi lahaa in ay wax badan iska saxaan, waayo labada dal waxay ku wada jiraan Jaamacadda Carabta iyo ururka Islaamka, halka qaar dadka ka mid ah leeyihiin labada Ra'isul Wasaare waa labo nin oo Maqaar saar ah oo looga kala arrimiyo Magaalooyinka Washington iyo Adis-Ababa

W/D Amiin Yuusuf Khasaaro

E-Mail amiinkhasaaro@hotmail.com

AKHRI: QORAALADII HORE EE AMIIN YUUSUF...