Dadka Reer Baar Dheere ,Godo Iyo Garbahaarey Sida Ay Uga Careysan Yihiin Qabsashada Kismaayo Wareysi Muujinayo Dhinacyo Badan Taabanayo Ayaa Waxaa Kaga Hadlaayo Gudoomiyahay Maamulka Dagmada Baardheere Wareysigiina Wuxuu  U Dhacay Sidaan  

Guddoomiyaha Maamulka Degmada Baardheere Maxamuud Sheekh Xasan Ayaa Ka Warbixiyay Xaaladaha Gobolka Gedo Iyo Sida Ay U Arkaan In Barre Hiiiraale Uu Magaaladaasi Yimaado, Wuxuuna Yiri

" Baardheere Hadda Nabad Gelyo Weeye Laakiin Waa Kacsan Tahay, Kaddib Markii La Soo Weeraray Degmada Kismaayo Guud Ahaan Gobolka Jubbada Hoose, Jubbada Dhexe Iyo Gobolka Gedo Seddaxdaasi Gobolba Waa Kacsan Yihiin, Kacsanaanta Seddaxdaasi Gobola Shacbiga  Ku Nool Uu Qabo Ayay Degmada Baardheerena La Wadaagtaa,  

Su'aal: Kacsanaanta Aad Sheegeysaa Guddoomiye Maxay Tahay? 

Jawaab: Degmada Kismaayo Ayaa Magaalada Xamar Looga Soo Duulay, Kismaayo Oo Ka Tirsan Gobollada  Dadkan U Nasab Sheegtaan Ee Ay Degaan, Waxaana Ku Soo Duulay Dadka Ku Nool Gobolka Banaadir (Xamar), Waxaana Nagu Suulay Xasan Daahir Aweys Iyo Nin La Yiraahdo Aadan Ceyrow, Xasan Daahir Aweysna Waaba La Yaqaanaa Inuu Cidda Tan Dagaallo La Galo Oo Hadda Ka Hor Gobolka Gedo Ayuu Fidno Ka Huriyay Oo Dadkan Gobolka Ku Nool Oo Weligood Dhexdooda Isaga Daadin Ayuu Isku Diray, Taasoo Dhibaato Badan Noo Geysatay, Xasan Daahir Aweys Wuxuu Ahaa Ninkii Magaalada Beledxaawo Difaaca Ku Wareejiyay, Wuxuu Ahaa Ninkii Yiri: Dadka Halkan Deggan Ayaan U Dhashay, Hadda Tii Iyada Aheyd Ayuu Ka Turjumayaa, Ayaa Isaga Beesha Uu Ka Dhashay Iyo Beeshannadu Xiriir Fiican Baa Ka Dhexeeyay Oo Walaanimo Iyo Wada Shaqeyn Iyo Wax Wada Qabsi, Si Uu Xiriirkaasi U Xumeeyo Ayuu Degmada Kismaayo Weerarka Ugu Soo Qaaday. 

Su'aal: Marka Maxaa Iska Kiin Quseeya Kismaayo Iyo Baardheere Illeyn Waa Labo Gobol Oo Aan Shaqo Isku Laheyn?  

Jawaab: Magaalada Galgaduud, Magaalada Dhuusamareeb Iyo Xasan Daahir Aweys Wax Baa Iska Quseeya, Sida Magaalada Kismaayo Iyo Gobolka Gedo Iyo Gobolka Baardheereba Ay Wax Isaga Quseeyaan, Kismaayo Dadkanagii Baa Ku Nool, Guryahagii Baa Ku Yaalla,Caruurtayadii Baa Ku Nool, Ganacsigayagii Baa Ka Furan, Waa Magaalo Aan U Nasab  Sheegano Oo Aan Degno, Magaalo Aan Qabsannay Ma Ahan. 

Su'aal: Waxaad Ka Warrantaa Bare Hiiraale Oo Kismaayo Ka Soo Baxsaday Baa  Baardheere Ku Sugan, Ilaa Iyo Iminka Dadka Ma La Hadlay, Idinkuse Kulamo Ma La  Qaadateen?  

Jawaab: Col. Barre Kismaayo Kama Soo Baxsanin Si Nabad Gelyo Ayuu Uga Soo Baxay, Isagoo Dadkeedii Deggan Yahay, Oo Ayan Xabbad Ka Dhicin, Gobolka Jubbada Hoose Ayuu Ku Soo Maray Socdaal Dhulka Ah, Isagoo Nabad Ayuu Noo Yimid, 60 Baabuurta Dagaalka  Ah Iyo 1000 Maleeshiyo Ayuuna Wataa, Magaalada Baardheere Ayuuna Ku Sugan Yahay, Wuxuuna La Tashi La Sameynayaa Madaxda, Saraakiisha Iyo Salaadiinta Degmada Baardheere, Guud Ahaanna Gobolka Deg-Deg Ah Ayuu Uga Kulmayaa Xaaladda Ka Soo Cusboonaatay Kismaayo. 

Su'aal: Waxaad Ka Warrantaa Guddoomiye Arrintan La Xiriirta Barre Hiiraale Imaanshihisa Magaalada Baardheere Ma Waxay Tahay Mid Ku Salleysan Sidii Abaabul Dagaal Dadka Deegaanka Ula Gali Lahaayeen Si Kismayo Ay Mar Kale Gacantiisa Ugu Soo Laabato?  

Jawaab: Gobolka Dadka Ku Nool Iyo Dadka Kismaayo Noo Harayba Waxaa Ka Go'an Xasan Daahir Aweys Inaanan Kismaayo U Daynin, Sidii Aan Gedo Uga Saarnay Hadda Ka Hor Ayaan Haddana Kismaayo Uga Saareynaa Ma Garatay?  

Su'aal: Sheekh Xasan Daahir Aweys Baad Soo Hadal Qaadday Inuu Qabsaday Magaalada Kismaayo, Wuxuuna Ku Sugan Yahay Magaalada Muqdisho Wax Duulaan Ah Oo Uu Ku Qaaday Ma Jirto Magaalada Kismaayo, Waxaana La Wareegay Kismaayo Ciidamada Maxaakiimta Oo Ay Hoggaaminayeen Dadka Caanka Ah Iyo Culimaa'udiinkii Deegaankaas, Maxay Tahay Sababaha Aad Ugu Soo Celcelineyso In Sheekh Xasan Uu Yahay Ninka Qabsaday Magaalada Kismaayo?  

Jawaab: Nimanka La Yiraahdo Ceyr Xulufo Ayaanu Aheyn, Iskaashi Baa Naga Dhexeeyay, Xasan Daahir Aweys Baa Rag Soo Diray Nin Ceyr La Yiraahdo Uu Hoggaaminayo Ciidan Uu Diray Baa Xamar Ka Baxay, Imbareeso Ayuu Ku Hakaday, Indhacadde Ayaa Ciidamo Ku Daray Ceyrku Leeyahay, Dagaalkaasi Waa Dagaal Ceyr Hoggaaminayo, Heshiiskannagii Iyo Xulufeysigiina Waa Bur-Buray, Sideedaba Annagoo Sade Mareexaan Ah Mar Kasta Waxaan Isku Dhacnaa Wixii Aan Heshiis La Galno Oo Ka Bacdi Inta Nagu Takabura Heshiiskannagii Ka Baxa, Aakhirkana Guusheeda Annaga Ayaa Yeelanna, Nimankan Hadda La Yiraahdo Sidii Qaasim Loo Soo Doortay  Xulufo Ayaanu Aheyn,  Iskaashi Baanu La Heyn, C/Qaasim Waad Ogsoon Tahay Balanbale, Caabudwaaq  Iyo Galgaduud Oo Dhan Ayaan Soo Wada Marinay, Kuwii Kismaayo Nala Joogay Baa Xiriir Wanaagsan Nagala Dhexeeyay, Kuwa Xamar Jooga Ayaan Iskaashi Laheyn, Marka Arrimahaas Hadda Waa Ka Takabureen, Qolooyinka Hadda Reer Sade Mareexaan Ee Xamar Ku Nool Waxaan Ugu Baaqayaa Deg-Deg Inay Magaalada Xamar Isaga Baxaan, Magaalada Kismaayana Insha Allaahu Haddii Ay Iyagu Maxaakiim La Baxeen Annagana Xaakimiin Baan Nahay, Kutubkooda Magan Uma Nihine Kitaabka Ilaahay Baan Magan U Nahay, Isaga Ayaanu Ku Xukumeynaa, Mansabkanaga Iyo Dhulkanaga, Ilmanahaga Iyo Xaasaskanaga Inaan Difaacno Xil Na Saaran Weeye, Arrintaasi Iyada Ah Uma Dul Qaadan Doono, Shacabkuna Waa Ka Kacay, Barrena Dadka  Ayuu Ka Dhashay, Waxa Dadku Yahay Ayuuna Wax Ka Yahay, Sarkaal Geesi Ah Oo Hoggaamiye Fiican Ah Weeye, Meeshii Dadku U Dirsado Ayuuna Aadi Doonaa.  

Su'aal: Magaalada Kismaayo Ee Xarunta Gobolka Jubbada Hoose Waxa Tagay Waa Golihii Maxaakiimta Islaamiga Soomaaliyeed Oo Nabad Buuxda Ka Aslaaxiyay Magaalooyinka  Muqdisho Iyo Meelo Kale Oo Ay Tageen Oo Awal Loo Caal Waayay In La Nabadeeyo, Maxaad Ku Diidan Tihiin Haddii Nidaamka Kacdoonka Ee Muqdisho Ka Billowday Ay Magaalada Kismaayana Dooneyso Inay Ka Qeyb Gasho, Dadkii Deegaankuna Ay Dalbadeen In Maxkamaduhu Halkaasi Tagaan? 

Jawaab: Dowladanadii Dhexe Waa Bur-Burtay, Qabiil Qabiil Baa Loo Kala Baxay, Dadka Muqdisho Deggan Ananga Nama Xukumaan, Nidaamka Iyagu Ay Wataan Iyaga Ayuu Gaar U Yahay, Annaga Nagu Qasbi Mahayaan, Cid La Xukumi Karaana Haddii Ay Jirto Kal Hore Ayay Soomaali Is Qabi Laheyd, Sidaas Darteed, Iyagu Maxkamadahooda Ha Ahaadaan, Annaguna Xaakimiin Baan La Bixi Doonaa Haddii Ilaahay Yiraahdo, Ha Nooga Baxeen Gobolkanaga Iyo Dadkanaga Dhexdiisa Ha Nooga Baxeen, Nabad Nooma Keenin Hadda Ee Dagaal Bay Noo Keeneen, Barakac Bay Noo Keeneen, Cunaqabateyn Dhaqaale Oo Ganacsi Bay Noo Keeneen, Dekedihii Oo Xirmay Ayay Keeneen, Airporadii Oo Xirmay Ayay Keeneen, Dadkii Oo Geedi Iyo Kala Carar Galay Bay Keeneen, Arrimahaasoo Dhanna Uma Baahnin, Waxaan U Soo Jeedineynaa Inay Naga Baxaan, Haddii Ay Naga Bixi Waayaan Hadde Wixii Aan Kala Helno Ayay Yeelan Doonaan.  

Su'aal: Waxaad Tihiin Maamulkii Baardheere, Barre Hiiraalena Baardheere Ayuu Haatan Ku Sugan Yahay, Baardheerena Waxay Ka Mid Tahay Goobaha Itoobiyaanku Ay Ka Dhigteen Fariisimo Oo Mar Walba Ay Soo Maraan, Isla Markaana Kama Hadashaan, Maxaa Haatan Eedeyn Uga Hor Keeneysaan Maxaakiimta Oo Kismaayo Tagay?  

Jawaab: Weligeed Baardheere Itoobiyaan Ma Imaanin, Bardheere Waa Magaalo Soomaaliyeed, Waa Magaalo Diimeed, Waa Magaalo Nabadeed, Waa Magaalo Horusocod Weeye, Ciidamo Shisheeye Weligeed Ma Imaan, Waxaan Ugu Dambeysay Gaalii Ilyan La Yiraahdo Ciidamo Uu Watay Ayaa Yimid, Isagana Waa Lagu Dilay, Taariikhda Saas Ayay U Leedahay, Dadka Baardheere Ma Ahan Dadka Calanka Jamhuuriyadda Gubo Ma Ahan, Sida Ay Qolyaha Maxkamadaha Sheeganaya Ay U Gubeen Calankii, Itoobiya Xuduud Baanu Leenahay, Dowladda Kenyana Xuduud Baanu Leenahay, Haddii Xasan Daahir Aweys Iyo Calooshood U Shaqeystayaashu Ay Naga Bixi Waayaan Waxaanu Kaashan Doonaa Oon U Sheegayaa Dadka Kufri Iyo Muslim Wixii Aan Isaga Dhicin Karno Iyo Wixii La Mid Ah Si Aan Dalkanaga Iyo Degmooyinkanaga Uga Saarno.  

Su'aal: Luuq Iyo Garbahaarey Iyo Deegaanada Kale Oo Beledxaawo Ay Ka Mid Tahay Gobolka Gedo Ayay Ka Tirsan, Ma Waxaad Inkireysaa In Itoobiyaanku Mar Walba Soo Galaan?

 Jawaab: Waa Jirtay Xilli Ay Soo Galeen Sanaddii 1997dii, Isla Markiiba Dadkii Deegaanka Degganaa Baa Ka Saaray, Wax Ciidamo Shisheeye Ah Oo Deggan Laga Soo Bilaabo 1997dii Ma Jiraan.  

Su'aal: Qorshaha Barre Hiiraale Ee Baardheere Muxuu Yahay? 

Jawaab: Wasiirka Gaashaandhigga Dowladda KMG Soomaaliya Barre Aadan Shire Barre Hiiraale Waa Nin Ka Dhashay Dadka Meeshan Deggan, Kii Maxkamadaha Isu Dhiibahayay Oo Ceyr Baan Ahay Anigu Lahaa Sida Yuusuf Mire Seeraar Waa Qasab  Haddii Nidaamkii Bur-Buray Qabiiladiisa Iyo Beeshiisa Inuu Wax La Qabsado, Hogaamiyo, Wixii Dhib Ah Oo Soo Wajahana Uu Kala Qeyb Qaato, Si Nidaamkeeda, Magaceeda Iyo Diinteeda Loo Difaaco.  

Su'aal: Rag Ka Awood Badnaa Kana Magac Dheeraa Oo Muqdisho Ku Sugnaa Ayaa Hubkoodii Maalin Cad Maxkamaduhu La Wareegeen, Barre Muxuu Ku Diidan Yahay Umuurtaas, Muxuu Ilaa Iyo Hadda Ugu Hoggaansami La' Yahay In Hubkiisa Uu Maxkamadaha Ku Wareejiyo?  

Su'aal: Waan Jeclaa Inaad Su'aashaasi I Weydiiso, Kuwa Aad Leedahay Waa Ka Qiimo Badnaayeen Waa Ka Magac Dheeraayeen, Haddii Ay Ka Magac Dheeraayeen Mooryaanimo Uun Bay Dheeraayeen (Jirrinimo) Kuwii Airporka Haystay Bay Ahaayeen, Kuwii Dekedaha Haystay Bay Ahaayeen, Kuwii Dadkooda Xasuuqahayay Bay Ahaayeen, Barre Hiiraale Airporkiisa Waa Furnaa, Dekediisa Waa Furneyd, Dadkiisu Ma Xasuuqeyn, Kuwaas Dadkooda Ayaa Nacay, Barre Iyo Ragga La Midka Ah Ee Saraakiisha Ah Ummaddooda Ayaa Rabta. 

Su'aal: Haddii Ay Dhab Ka Tahay Inuu Qaranimadii Uu  U Dhaartay Oo Wasiirka Gaashaandhigga Uu Yahay, Muxuu Ilaa Iyo Iminka Baydhabo U Tagi La' Yahay Oo Kismayo Uu U Joogay?

Jawaab: Waxaad La Socotaa Barre Hiiraale Baydhabo Inuu Tagay, Is Jiid-Jiidkii Ka Dhexeeyay Dowladd Xubnaheeda Kala Geddisan Inuu Isa Soo Jiiday, Waxaad La Socotaa Balcad Iyo Muqdisho Inuu Tagay, Waxaad La Socotaa Dadka Balcad Iyo Muqdisho Inuu Isku Soo Jiiday, Waxaad La Socotaa Gogol Dhiggii Qarameed Inuu Ka Fidiyay Kismaayo, Waxaad La Socotaa Aakhirkii Inuu Kormeer Ku Soo Maray Gobolkakan Gedo, Waxaad La Socotaa Xurguftii Ka Jirtay Meesha La Yiraahdo Ceelwaaq Ee U Dhexeeyay Garre Iyo Mareexaan Inuu Dhameeyay, Waxaad La Socotaa  In Ay Qeylo Ka Timid Kismaay Oo Loo Baahdo Oo Dadka Kismaayo Jooga Ay U Yeerteen, Waxaad La Socotaa Inuu Waday Nidaam Nabad Gelyo Ah, Beelaha Jooga Inay Arrimahooda Iyo Aayahooda Ka Wada Tashaan, Ilaa Looga Soo Duulay Meesha La Yiraahdo Muqdisho, Nidaamkaas Ayuu Waday Korneylku, Haddana Waxaan U Malaynayaa Howlihiisa Inuu Sii Laba Jibaari Ma Ogiye Waxyaabaha Hadda Kaga Yimid Dadka Xamar  Iyo Duulaanka Moraalkiisa Inaysan Waxba U Dhimi Doonin.  

Su'aal: Hadda Dagaal Buu Abaabulayaa Sow Maahan? 

Jawaab: Wixii Kugu Soo Duula, Dagaal Ma Abaabulayo Oo Is Difaac Buu Abaabulayaa, Annaga Oo Dhan Ayaana La Qabna Inaan Is Difaacno.  

Su'aal: Guddoomiye Ku Xigeenkiisii Iyo Taliyihiisii Ciidanka Intuba Kismaayo Ayay Ku Sugan Yihiin, Ma Aanay Diidin Maxkamaduhu Inay Deegaanadaas Tagaan, Hubkoodiina Way Ku Wareejiyeen, Muxuu Isagu Si Gaar Ah Uga Tabanayaa Maxkamadaha Oo Uu Uga Cararay?  

Jawaab: Kuwaasi Niman Fiican Bay Ahaayeen Intii Ay Nala Shaqeynayeen, Laakiin Caadifad Qabiil Ayaa Qaadday, Oo Ceyrow Iyo Xasan Daahir Aweys Bay Isku Dhiibeen, Waadna Maqleysay In Yuusuf Mire Seeraar Uu Xildhibaanimadii Isaga Baxay, Caadifaddii Qabiilka Iyo Guushaas Dhalanteeda Ah Ee Kismaayo Lagu Galay Ayaa Beer Qaadday, Waxaana Filayaa Inay Arrintaasi Noqon Doonto Oday Waalan Wan Ka Qala Daruur La Yiraahdo Ayaa Jirta Oo Xagaaga Timaadda, Midda Iyada Ah Inay Noqon Doonto Ayaan Filayaa, Arrimo Sal Leh Aysan Noqon Doonin Oo Dadkii Dalka U Dhashay Iyo Dadkii Ayaa Kacay, Waxaan Filayaa Kuwa Soo Duulay Muddo Saas Aan U Dheereyn Waa Laga Saari Doonaa.

 Kaasina Wuxuu Ahaa Guddoomiyaha Maamulka Degmada Baardheere Maxamuud Sheekh Xasan Wareysi Siiyey Radiyi Siinba Ee Magaalada Muqdisho  

Muuse Maxamuud Jiisow

Musejisow@Hotmail.Com

Muqdisho Somaliya

002521576666

002521653623