Meles Zenawi: Anigaa
Imanaya Muqdisho, Gaar ahaan Xeebta Liido:::
Kaddib markii ay Askartii xabashida ee soo
gaarey Muqdisho ay argagax la joogi waayeen mowjadaha
Badweynta Hinidya awgood, oo sidaan qormadii hore ku soo aragnay uu
Zenawi la soo xiriiray Geeddi si uu u soo hubiyo in guuxa ka soo yeeraya
Muqdishu uu yahay Hirarka Badweynta Hindiya, ayaa Geeddi waxa uu tegey
xeebta meel u dhow bal si uu Zenawi guuxaas ugu xaqiijiyo.
Inta aan Geeddi jawaab ku celin, ayaa
Zenawi Fooneeyaha soo qabadsiiyey Geeddi, waxana dhex maray hadaladdadan:
Zenawi:
Waxaan maqlay in kolonyo gawaarida ciidanka Itoobiya oo marayey meel u dhow
Muqdisho la soo hujuumay, iyo mudaharad Itoobiy aloog asoo horjeedo uu ka
dhacay Muqdisho, iyo in dadka dareenkoodu kacsan yahay ee sidee wax u jiraan.
Geeddi: Miyeynaan Zenaawiyoow isku ogeyn in
aan marka hore jawaab ka keeno Guuxa Mowjadaha ee ciidanka Xabashida... Aan
ku noqdo hadalkaas... ee ciidanka difaaca Itoobiya cabsida ku haya.
Zenawi: Maxaad marka taas jawaab iiga
haysaa.
Geeddi: Waxaan tegey Muqdisho, dad dawlada
taabacsan ayaan la hadlay...
Zenawi: Xaggee kula hadashay, ma
tarabuunkaad kula hadashay..
Geeddi: Maya.
Zenawi: Mar haddii arrintu sidaas tahay
anigaa Muqdisho imanaya oo indhahayga ku hubinaya inta aan tago xeebta Liido,
reer Muqdishona kala hadlaya Tiyaatarka
Geeddi: Tiyaatarka ma waxaad ula jeedaa,
Tarabuunka?
Zenawi: Halmaan hadal kuma jiro, ee waxaa
afku iga boobay Tiyaatarka oo aan waagii aan magan gelyada Muqdishu u joogey
ku galay riwaayadii "LAANKARUUSAR GADO, OO SOO BARI GALLEY" oo loola jeedey
xukuumadii i marti Gelisey ee Baasaboorka i siisay, ee hoteel Jubba i
dejisey, ee baararkii curuba igu casuntey, ee baar xaraf cashada iga siisay,
ee lafa weyne kaabo shiinada iga siisay, waayo waayo... ee... ee.....
Geeddi:
Ato, Ato, Ato... Taas gartay, balse qabablayaashii hore xukuumadaydu ka
socon weydey ayaa soo laabtay, sida Jawhar, Deyniile iwm, ee sidee xaalku
yahay?
Zenawi: Hadda arrintaas ka wada hadli meyno.
Geeddi: Ato, goorma ayaad amreysaa in
ciidamada Itoobiya ka baxaan Soomaaliya, waayo haddii ay muddo sii joogaan
dadka ayaa u arkaaya in ay gumeysanayaan oo waa nalaku ka cayaa
Zenawi: Goorma ayaad dad haysatey waa
adigii Baydhabo joogey'e ma hadda oo rag igaga dhammaaday ayaad sidaas iila
hadleysaa... Waxaan amrayaa in ciidamadu soo baxaan 24 saac gudohood...
Geeddi: Maya maya, Ato, 24-saac waa waqti
degdeg ah, ee bal sidaad sheegtay Muqdisho marka hore imow, xeebta Liido ku
naso adigooo kasoo degaya Garoonka Muqdisho oo ay caalami ka dhigeen
Maxkamaduhu....
Zenawi: Maxaad tiri, ku celi, maxkamadahaa...
Goormey maxkamaduhu garoon hagaajiyeen?
Geeddi: Ato, gaal dil gartiisana sii,
nimanku hawshii aan qaban weyney saddex sano ku dhowaad ayey lix bilood ku
qabteen..
Bilicda Muqdisho
Isha Sawirka: www.swan.ac.uk |
Zenawi: oo xanaaqsan: Horta
nimanku waa Muslimiin ee dheh "Muslim Dil Gartiisana sii",
tan kale sow iskuma ogey raggaas guul ha u ogolaan oo xitaa
wanaagoodii hore qari...
Geeddi: Mardambe la iga maqli maayo wanaag
ayey sameeyeen.
Zenawi: Sidaas ayaan kaa rabaa.. Tan kale
Cabdullaahi Yuusuf muxuu uga soo tegi la'yahay Baydhabo..
Geeddi: Ato, jawaabta gadaal ayaan kaaga
soo sheegi doonaa,
Zenawi: Jawaabta hadda ayaan u fadhiyaa.
Geeddi: Sug marka Fooniyaha ayaan kula
xiriirayaa... ... ... Khadku ma xirmaayo laakiin...
Zenawi: Waa maxay khadka aad ka hadleysid,
diyaarad degdeg ah oo miig ah u dir si ay jawaabta u keento..
Geeddi: Iga war sug.
- Murtidii
Shalay [Askarta Tigreega oo Guuxa Mawjadaha Badweynta Hindiya u
Maleeyey Madaafiicda Lagu Soo Ridayo oo si ay Arrintaas u Hubsadaan
Fooniyaha kula Hadlay Meles Zenawi.. Majaajillo....]..
akhri....
Daabaco
Boggan | Print
"
Golaha
Ammaanka: Isagoo
xasuusanaya qaraarradiisii hore ee quseeyey xaaladda Soomaaliya...