Kulankaan oo ay ka hadleen dad badan wuxuu ahaa shirkii ku bilaabmay kuna dhamaaday si qiiro iyo dareen aad u fog xambaaran oo aan halkan lagu soo koobi karin. Dadka ka suulin dareenkaasi qof walbaana wuxuu gurigiisii iyadoo qof walba wejigiisu bedalan yahay oo aad moodidi in ay galeen hawl ay ku rafaadeen.

Dad badan oo hadal u kacay ayaa indhahooda waxaan ilmo ahayn laga waayey, wuxuu ahaa dareen dadkoo dhan wadaageen. Hooyo Cambaro oo u kacday inay hadal halkaa ka jeediso oohin iyo muraaradilaac waxaan ahayn laga waayey, kadibna makrafoonkii looga miciinay.

Dr. Maxamed Duacaale ayaa ka waramay xaalado badan oo dadka dareenkoda aad u kiciyey, isagoo yidhi qof Soomaalieed oo maanta aan dhibaataysanayn majiro, Dr. Maxamed wuxuu ku soo halqabsaday qoraanaga caanka ah ee Soomaaliyeed Nuuradiin Faarax iyo marxalado uu la ooyey, inagana innagama reebana dareenkaa, iyadoo aynu aragno dhibaatada dadkeenii iyo innagaba ina haysta.

Sheekh Cabilcasiis oo halkaa ka hadlay ayaa ka waramay Hijradii nabigeenna NNKH, wuxuu u hijrooday nabigeenu siduu u heli lahaa meel dawlad Islaam ah ay ka abuuranto oo lugaheeda isku taagto, halkaa waxaan ka qaadanaynaa buu yidhi inaan Diintu dawlad ka maarmi karin, dawladuna diin ka maarmi karin. Waxaa fiican in dadku fahmaan faa'iidada ay dawladu u leedahay...

Daahir Cabdalle Maxamed ayaa isaguna si aada uga hadlay dhibaatada soo waajahday ummadda Soomaaliyeed ee qurbaha, khaasatan qoysas, isagoo khaasatan ka hadlaya Denmark wuxuu soo qaatay tusaalooyin. 

Cabdirashid Sheekh

Cadisalaan Sh. Maxamuud

Ugu danbayn waxaa loogu mahad celiyey dhamaan dawladihii doorka wayn ka soo qaatay ka midho dhalinta shirkii labada sano socday oo lagu xusay in dadku mar ka rajo dhigeen iyo marxalada uu hadda soo gaadhay oo ah mid lagu diirsado.

Dahir C. Maxamed

Hadaba waxa is waydiin mudan yey wax ka tabayaan dadka Soomaaliyeed ma qabiil, ma hogaan xumo ku habsatay mise qurbaha ayaa dhagar gaar ah ka galay?

Sua'aalahaa, jawaabtoodu waa kuwo u yaala dadka Soomaaliyeed, waxaana odhan karnaa waxay xal heli karaan marka ay jawaabo sax ah u helaan su'aalahaas.

Wa-billaahi tawfiiq
Jaaliyada Soomaaliyeed ee Århus, Denmark

Diplomacy Cabdillahi