Jabhada Wadaniga Xoraynta Ogaadeenya
Garabka Badbaadinta
Xudunta
Xidhiidhada Caalamiga ah
Ref.No: ONLF/RSW/PR/2006-017
Taariikh: 22 October,2006
Warsaxaafadeed Ku Saabsan Wadahalo
Nabadeedka uu Kubaaqay Malez Zenaawi 19/10/2006
Anagoo tixraacayna hadalka ka soo
yeedhay Raiisul wasaaraha Gumeysiga Itoobiya Meles Zenaawi oo 19 October
ku sheegay qudbad uu ujeedinayey Baarlamaankiisa inuu diyaar u yahay
inuu wadahadal nabadeed la yeesho ONLF, OLF iyo mucaaradka siyaasadeed
ee Itoobiya, ayaa Jabhada Wadaniga Xoreynta Ogaadeenya Garabka
Babaadinta (JWXO-GB) oo kaashanaya khibrada uu uu leeyahay Tabaha iyo
xeelada ay kaga baxsadaan ee ay isticmaalaan TPLF mark kasta oo ay
culays milatari ama mid siyaasadeed dareemaan. Islamarkaasna aanu si
qododheer u darisnay Baaqaas iyo danaha iyo ujeedada uu kaleeyahay Meles
Zenaawi wakhtigan xaadirka ah, waxaana nooga soo baxday:
1-Inuu Baaqa wadahadaladan Maamulka
Meles Zenaawi oogu cagajuglaynayo dowlada Eretariya oo qabsatay 16
Oktoobar 2006da Qaar kamida dhulkii ay isku hayeen. Islamarkaana ay
Itoobiya aragtay sii xoogaysiga Maxkamadaha Islaamiga ah ee Gacanta ku
dhigay inta badan koonfurta dalka Soomaaliya, inay xuukuumada Adisababa
dagtay Istaraatiijiyed ah inay wadahadal Afka Baarkiisa ah iyo waanwaan
been ah ku joojiso Xadaba Jabhadaha si ay awood iyo Jaanis oogu hesho
Qorshaheeda Qarsoon ee Qabsashada Soomaaliya ee ay oogu magacdartay
Difaaca Dowlada Fadaraalka Kumeelgaadhka ah ee Soomaaliya. Taa soo ah
mid been ah oo ay ku xalaaleysanayso la dagaalanka Maxkamadaha Islaamiga
ah kuna qabsanayso Qarankii Soomaaliyeed.
2-Inayna Itoobiya wakhtigan diyaar u
ahayn in wadahadal nabadeed ay kusoo afjarto Haysashadda dhulka
soomaalida Ogaadeenya oo ay xorayso dadka Soomaaliyeed, Maadaama oo ay
weerarayso oo ay rabto inay qabsato Qaranka Soomaaliyeed.
3-A. Inay wadahadaladani yihiin tabihii
iyo xeeladii ay xukuumada Meles Zenaawi inbadan ku soo badbaaday Iyadoo
adeegsanaysa Wadahadal been-been ah oo ay lafurto Jabhadaha markii
xukunkeedu Miletari ahaan iyo siyaasadahaanba ay gasho meel cidhiidhi
Jiqinjiqis ah, si ay intay ka baxayaan cidhiidhigaas dagaalka ooga
joojiyaan Jabhaduhu.
kadibna meeshii xalwaara lagu gaadhi
lahaa wadahadaladaas ay soo kalajabiso jabhadahaas ammaba laayaan
wufuuda ooga qeybgaleysa wadahadalada sida:
B. markuu Meles Zenaawi ka baxay
heshiiskii Shirkii Magaalada Qabridahar ee 1995 ku dhexmaray ONLF iyo
EPRDF ee ay dhedhexaadinayeen Ugaasyada, Salaadiinta, Siyaasiyiinta iyo
Odayaasha Soomaalida Ogaadeenya.
C. Sidoo kale Wadahadaladii 1998 markuu
dagaalka Eretariya bilowday ay Tigreegu ONLF la fureen kaa soo markay
Ciidan iyo Saanad adag u diyaarsadeen dagaalkaas ay ku laayeen duleedka
magaalada Qabridahare dhamaan wufuudii ONLF ooga qeybgaleysay
wadahadaladaas oo uu hogaaminayey allaha u naxariistee halgame Deeq
Cabdi Raasin iyo Halgame Sheekh Bashiir iyo shan Naftiihure oo la
socotay.
D. Bishii July 2005tii markay ururada
mucaaradka Itoobiya kaga guuleysteen kuraastii Baarlamaanka caasimada
Adis Ababa oo uu galay kursigiisa raiisul wasaarenimadu cidhiidhi ayaa
si ay Doorasho ku sheegta Baarlamaanka Fadaraalka Itoobiya si nabad ah
oogaga dhacdo Ogaadeenya oo uu u helo xisbiga Meles Zenaawi codka 23ka
xubnood ee ka soo baxa Ogaadeenya, ayuu Maamulka Meles Zenaawi ku
dhawaaqay inuu diyaar u yahay inuu wadahadal nabadeed la yeesho jabhada
ONLF Isagoo u xilsaaray Odayaal Dhaqameedka Soomaalida Ogaadeenya inay
Fariintaas gaadhsiiyaan ONLF, Khilaaf sanad kahor ka dhexdhacay ururka
ayuu markaas kala ahaa labo Garab, Nasiib wanaag labadiiba wey aqbaleen
inay ka qeybgalaan wadahadaladaas, laakiin Garabkanaga Tigreegu wey u
diideen ka qeybgalka wadahadaladaas, waxaa isla bilaabay Garabka kale ee
ONLF iyo Xukuumada Meles Zenaawi iyo Hogaamiye dhaqameedyada Soomaalida
Ogaadeenya oo u kala dabqaadahayey.
Hadaba markii si aan sharci ahayn
doorashadii ay xisbiga EPRDF ee Meles oogu shubteen sidaasna loogu
dhaariyey Raiisul wasaaranimada Itoobiya ayuu Odayaashii iyo ONLFba oogu
jawaabay Meles Zenaawi inuu ka gaabsado oo hakiyo siduu ku
qabsoomilahaan wadahadalku, Isagoo Qabri Dahare 15/11/2005tii ay
Ciidamadiisu ku xasuuqeen 20 maxbuus oo rayad ahaa, lix bari kadibna ay
gubeen tuulada fooljeex ee Gobolka Qoraxeey, oogu dambeysiina
ciidamadiisa uu ku amray inay weeraraan Soomaalida Ogaadeenya Iyadoo ay
Odayaashu u joogeen wadahadalo Maraykanka iyo Yurub.
Hadaba Anagoo ka duulaya qodobada kor
ku xusan iyo khibrada aanu u leenahay Khayaanada Taliska TPLF ee Adis
Ababa, isla markaana mudnaanta koobaad siinaya Xaqa shacabka Soomaalida
Ogaadeenya ay u leeyhiin inay aayahooda ka tashadaan iyo Baahida fog ee
ay u qabaan Gobanimada bulshooyinka Caalamku ay ku naaloonayaan ayaa
Garabka Badbaadinta JWXO wuxuu wadahadal la yeelanaynaa xukuumada Meles
Zenaawi oo kaliya markii ay si rasmi ah oogu dhawaaqdo maalin go’an oo
ay kusoo afjarayso Haysashada Soomaalida Ogaadeenya ayna si dhab ah ooga
tanaasusho Damaacigeeda Gumaysi, Taa soo ah mida kaliye ee nabad ka dhex
dhalin karta wadamada Geeska Afrika gaar ahaa Soomaalida Ogaadeenya iyo
Itoobiya iyo weliba Soomaaliweyn oo dhan.
Hadaba si looga baaqsado dagaalo lagu
halaagmo oo saameeyo dhamaan wadamada Geeska Afrika oo dhan, oo loo helo
walaaltinimo iyo is aaminaan dhex marta wadamada Gobolka loogana
Faaiidaysto Khayraadka Ogaadeenya. Garabka Badbaadinta JWXO wuxuu
wadanka Maraykanka, EU, Jaamacada Carabta, Midowga Afrika, urur
Goboleedka IGAD iyo Bulshada caalamka oogu baaqaynaa inay cadaadis
kusaaraan Itoobiya inay Afti ka qaado shacabka Soomaalida Ogaadeenya
ayna joojiso weerarka ay ku qaadayso Soomaaliya. Midaas oo wadamada
Gobolka oo dhan ka dhigaysa qol baasiin lagu daadiyey oo la sudhay
kibriid.
Halganka Shacabka Soomaalida Ogaadeenya
wuu socon.
Jabhada Wadaniga Xoreynta Ogaadeenya,
Garabka Badbaadada (JWXO-GB)
Xudunta Xidhiidhada Caalamiga ah
Email:
badbaadintajwxo@yahoo.ca
JWXO oo bayaan
ka soo saartay hadalkii Zenawi.
Oct 24, 2006
Jabhadda Waddaniga
Xoreynta Ogaadeenya JWXO ayaa bayaan kulul ka soo saartay hadal uu dhawaan
Baarlamaan ku-sheegga hortiisa ka jeediyay kaligii taliye Meles Zenawi,
kaasoo uu ku sheegay inuu si wayn isugu hawlay inuu wadaxaajood la yeesho
JWXO.
Hadalkaas ayay JWXO
ku tilmaantay mid aan sal iyo raadtoona lahayn, isla markaana waxay Meles
Zenawi ku edaysay inuu isagu yahay midka hortaagan in la helo wadaxaajood
lagu baadigoobo is afgarad ku dhisan cadaalad iyo nabadgelyo.
JWXO ayaa sheegtay
inay marar badan caddaysay sida ay diyaarka ugu tahay wadaxaajood nabadeed
oo lagu dhammeeyo dhibaatada Ogaadeenya, iyadoo wadaxaajoodkaas lagu
qabanayo waddan dhexdhexaad, daraf kale ood hexdhexeediye ahna uu goobjoog
ka noqonayo, isla markaana aan wadaxaajoodka lagu xidhin shuruudo hordhac
ah.
Hase yeeshee ay
arrintaasi hirgali kari wayday, ka dib markii uu Meles Zenawi doortay inuu
awood millatari ku baddalo wadaxaajoodka, isla markaana uu hawlgallo
millatari oo aad u ballaadhan ka billaabay Ogaadeenya, kuwaasoo uu ku laayay
dadwayne rayad ah oo kumayaal gaadhaya, qaar kale oo aad u badana ay ilaa
iyo hadda ka buuxaan xabsiyada dulmiga ee gumaystada Itoobiya.
JWXO ayaa bayaankan
ku sheegtay in hadalka Zenawi ee xilligan uu u muqdo mid hordhac u ah
hawgallo kale oo millatari oo taliskiisu doonayo inuu Ogaadeenya ka
hirgeliyo, hase yeeshee waxay JWXO sheegtay inay diyaar u tahay inay
dadwayneheeda ka difaacdo taliska Zenawi een xilkaska ahayn iyo
millatarigiisaba.
Info@radioxoriyo.com raadioxoriyo@yahoo.com Radio Xoriyo waxaad ka dhegaysan kartaa Mawjadda 31 MB ee dhererkeedu yahay
9450 KHZ,iyo internetka Radioxoriyo.com,Ogaden.com Maalinta Talaadada ah
7:00PM 8:00 waqtiga Afrikada Bari
Meles
Zenawi “Saraakiisha ay sheegeen in ay qabteen Maxaakiimta Islaamiga ah waa
Oromada Qaxootiga ah ee ku sugan Soomaaliya”
Ra’isul
Wasaaraha Dalka Itoobiyaan Milles Zenawi ayaa ka waramay Xaaladda Soomaalia,
waxa uuna sheegay in ciidamada Maxaakiimta ee qabsaday Koonfurta Soomaaliya ay
halis ku yihiin dhamaan ammaanka Wadamada Geeska AFrika, isagoo sheegay in
Maxaakiimta ku jiraan rar mitidiin ah oo doonaya inay falal argagixiso ka
sameeyaan gudaha Wadanka Itoobiya, isagoo sheegay in Maxaakiimta Islaamiga ah ay
doonayaan inay kiciyaan dadka dadka Soomaaliyeed ee ku sugan soonka Shanaad ee
Soomaalida Itoobiya iyo kuwa W/Bari Kenya.
Ra’isul Wasaaraha Itoobiya waxa uu sheegay in
ciidamo Itoobiyaan ah ay ku sugan yihiin gudaha Dalka Soomaaliya, kuwaas oo uu
sheegay inay tiradoodu gaareyso boqolaal Askari, waxa uuna sheegay in
Ciidamadaasi ay yihiin tababarayaal doonaya inay tababar siiyaanb Ciidamada
Dowladda Federaalka.
“Haddii Maxaakiimtu isku dayaan inay u soo
gudbaan gudaha Dalka Itoobiya, waxaan u sheegeynaa in aan iska difaaci doono”
ayuu yiri Milles oo sheegay inaysan marnaba ku deg degi doonin in ay iska hor
yimaadaan iyaga iyo Maxaakiimta Islaamiga ah.
Milles Zenawi waxa uu beeniyey wararka ka soo
yeeraya Maxaakiimta Islaamiga ah ee sheegaya in kumanaan kun oo Askari oo
Itoobiyaan ah ay u soo gudbeen gudaha Dalka Soomaaliya, waxa uuna wararkaasi ku
tilmaamay kuwo aan sal iyo raaad toona laheyn, sidoo kale Milles Zenawi waxa uu
beeniyay in labo sarkaal oo Itoobiyaan ah ay dhawan Maxaakiimtu ku qabteen
Magaalada Muqdisho, waxa uuna Milles Zenawi in raggaasi yihiin Oromada Qaxootiga
ah ee ku sugan Soomaaliya, waxaa kalloo beeniyay in askari Itoobiyaan ah lagu
qabtay dagaalki dhex maray Maxaakiimta iyo kuwa Barre Hiiraale.
Mar uu ka hadlayey hadaladii ka soo yeeray
Maxaakiimta ee ahaa in jihaad lagu qaado Dowladda Itoobiya, ayaa waxa uu yiri
“Waxaa la doonayaa in lagu baneysto sidii falal argagixiso ah looga sameyn lahaa
gudaha Dalka Itoobiya”
W/D Amiin Yuusuf Khasaaro
E-mail:
amiinkhasaaro@hotmial.com
Faafin: SomaliTalk.com | Oct 25, 2006
Culumada
Masaajidka Abuubakar ee islii oo Baajiyay Riwaayad lagu dhigi lahaa Kaniisad
Nairobi: Habeenimadii xalay ahayd ayaa
culumada Soomaaliyeed ee xaafada islii ay joojiyen bandhig-faneed
Guji...
Sababihii ay
Ciidamada DFKMG uga Baxeen Magaalada Buurhakaba...
»Roobab isdaba jooga oo si wayn uga
curtay Garowe..
»Maxaakiimtaoo
looga digay inay weeraraan Baydhabo…
»Meles
Zenawi “Saraakiisha ay qabteen Maxaakiimtu waa..
»Dagaallo
cadowga lagu jabiyay iyo dad la laayay...
»JWXO
oo bayaan ka soo saartay hadalkii Zenawi...
Wararka oo dhan ka
akhri halkan...
Jaaliyada
Soomaaliyeed ee Dalka Suuriya Sidee u Ciideen....
|