WARARKII: March 24, 2007
Warar
dheeraad ah oo ku saabsan Diyaarad Xamuul ah oo lagu soo riday duleedka
Magaalada..
Diyaarad kuwa
Xamuulka ah oo laga lahaa wadanka Belarusia kana duushay garoonka
Diyaaradaha ee Magaalada Muqdisho ayaa ku burburtay inta u dhexeysa
Ceel-Cadde iyo Gubadley, waxaana la sheegay in diyaaraddaasi Garoonka
Muqdisho ay keentay qalab dayactir ah oo ay u waday diyaarad kale oo ay
horey u lahayd Dowladda Belarusia, balse Dowladda Belarusia ayaa
sheegtay in diyaaraddaasi lala helay Gantaal, inkastoo Afhayeenka
ciidamada Uganda uu sheegay in loo saaray guddi soo baara waxa qabsaday
Diyaaraddaasi.
Diyaaradda ku
burburtay duleedka Magaalada Muqdisho ayaa waxaa la sheegay in ay ku
geeryoodeen 11 qofood oo la sheegay in ay ahaayeen shaqaalihii
Diyaaradda, waxaana qaybo ka mid ah diyaaraddaasi ku dhaceen Badda,
basle lama xaqiijin karo wax ku dhacay diyaaraddaasi in ay ahaayeen
Gantaal lala helay iyo in iskeeda uu dab uga kacay.
Goobtii ay ku
dhacday Diyaaraddaasi ayaa waxaa isugu tagay dadweyne Soomaaliyeed oo
doonayey in ay wax ka ogaadaan diyaaradda halkaasi ku dhacday. Ciidamada
Midowga Afrika ee ku sugan Magaalada Muqdisho ayaa xalay oo dhan kulan
ka lahaa waxa ku dhacay diyaaraddaasi, waxaana la filayaa in uu Ururka
Midowga Afrika ka soo saaro war rasmi ah oo ku saabsan Diyaaraddaasi.
Diyaaraddaan ayaa joog hoose ku duuleysay, iyadoo dadka qaar ay sheegeen
in Diyaaraddaasi ay soo martay goob halis ah.
Warbixin ku
saabsan dagaalkii shalay Kuliyadddii hore ee Jaale Siyaad…
Shalay subax ayaa waxaa goobihii doraad uu
ka dhacay dagaalku, gaar ahaan dhinaca wasaaradda Gaashaandhiga iyo
Kuliyaddii Jaale Siyaad waxaa ka bilowday dagaalo goos goos ah oo la
isku adeegsanayey hubka fudfudud.
Waxaa heshiis xabad joojin ah wada yeeshay
Saraakiisha Ciidamada Itoobiya iyo Waxgarad ka tirsan Beelaha Hawiye,
waxaana dhacday in dhaqangalka Heshiiskaasi inta uusan bilaaban ciidamo
la sheegay in laga soo diray dhinaca madaxtoonyada oo uu hogaaminayo
Inna Dhiig-Sogkeeye ay weerareen kooxihii wax iska caabinta ee ku
dhawaan Kulliyaddii hore ee Jaale Siyaad, waxaana halkaasi ka dhacay
khasaarooyin naf iyo maalba ah, iyadoo Gaari Cabdi Bile ah oo uu ku
xirnaa qoriga dhashiikaha laga gubay ciidamada Dowladda, waxayna
waxgarad ka tirsan Beelaha Hawiye sheegeen in C/llaahi uu ka dambeeyey
dagaalkii ka dhacay Kulliyaddi Jaale Siyaad, waxaana markii dambe
dhaqangalay heshiiska xabadjoojinta.
Wasiir ku xigeenka Gaashaandhiga Salaad
Cali Jeele ayaa waxa uu sheegay in dagaalka ka socda Muqdisho ay wadaan
wax uu ugu yeeray kooxaha Argagixisada ah, isagoo sheegay in ururka Al-Qaacida
uu u xilsaaray dagaalka Aadan Xaashi Cayrow, waxa uuna sidoo kale
sheegay in Dowladda Federaalka ay saacadaha soo socda soo afjari doonto
dagaalka.
Dadkii ugu
badnaa oo ka qaxay Muqdisho
Markaad
istaagto dariiqyada Magaalada Muqdisho, waxaad arkeysaa gawaari fara
badan oo ay saaran yihiin alaabo u badan Joodiriyaal, kuwaas oo ka
cararaya dagaalkii saddex maalmood ee ugu dambeeyey ka socday Magaalada
Muqdisho.
Nin walba wuxuu ku qaxi karay ayuu la soo baxay, mid ku qaxa Gaari
Xamuul ah, kuwo ku qaxa Gawaari yar yar, kuwo ku qaxa Gawaari Dameero,
kuwo iyana ku qaxayey Gaari Gacmeedyo iyo waliba kuwo Duudkooda
isticmaalayey oo lug ku tagayey goobaha ku dhow Magaalada Muqdisho sida
Ceelasha Biyaha iyo Lafoole.
Xal u helidda Dhibaatada ka Taagan Soomaaliya hadda.
Kulan ay ka soo qayb galeen culimaa'udiin, aqoonyahanno iyo
siyaasiyiin Soomaaliyeed ayaa waxaa...
Akhri....
|
Daabaco
Boggan | Print
Dowlada FKMG Ah Ee Soomaaliya
ARAGTIDA/MAQAALLADA
DADWEYNAHA EE MAANTA
