Han-yaraanta Iyo Hibashada Hargeysa Ayaa Haleeshay SamSam Yar. 

Asad Caddaani Ibraahim.

Laascaanood, Soomaaliya

assadlaska@yahoo.com

Nov 30, 2004

---

Sida aynu la socono Qarankasta Waxa Uu leeyahay Sooyaal Tariikheed oo ay iska dhaxlaan Jiilasha Kala danbeeyaa, waxaana dhacda in ay bulshooyinka aduunku aad culayska u saaraan Mustaqbal, wixii Jooogana ku xisaabtamaan wixii la soo dhaafayna Cibro iyo waayo aragnimo uga faa’iidystaan. 

Axmed Maxamed Maxamud Siilaanyo

Waxaan uga socdaa maalin maalmaha ka mid ah aniga oo ku sugan magaalada Burco ayaa ninka lagu magacaabo Axmed Maxmed Siilaanyo ee Siyaasiga Soomaaliyeed ahaan jiray ka dibna Mawjada Fm-ka ha dhexmuquurtay ayaa waxa uu ugu khudbadeynayey dadweyne aad u tiribadan oo isugu soo Baxay fagaaraha guriga ummadda ee magaalada Burco  2002 Bishii lixaad. 

Waxaana jiray Olole ay wadeen waxa loogu yeedhay Xisbiyada Maamulka Hargeysa ee xilligaas isu diyaarinayey Doorashooyinka maamulkaasi, waxuuna dadka u sharaxayey barnaamijkiisa uu ku hawl-galyo, markii uu soo gaadhay barnaamijkiisa kuwa jahan waxa ay u yaqaanaan Jamhuuriyada Soomaaliya ee Koonfurta ayuu waxa uu galay in uu dadka kala hadlo dhacdooyinkii soo maray isaga oo tilmaamay in la soo gaadhay xilligii layska ilaawi lahaa dhibaatooyinkii uu maamulkii Siyaad Barre U gaystay , wuxuuna ugu maahmaahay shacabkii halkaas ku dhagaysanayey Rag-waxaa ugu Liita Ciilkii kama kore, Wuxuuna Dadkii halkaasi ku dhagaysanayey ku booriyey in ay ilaawaan wixii soo gaadhay oo ay hore u socdaan , oo aanay gadaal fiirin. 

Waxaadse moodaa talada uu soo jeediyey Siilaanyo in aanay shacabka Dega Gobollada Hargeysa Iyo Burco ka faa’iideysan. 

Waxaad dareemaysaa Astaamaha Hargeysa badhtamaheeda ku yaalaa in ay ku tusayaan in ay u afduuban yihiin wali Caqligii Ciilkii kama Kore, Dadku waa dagaalamaan, waana laga heshiiyaa, waxa jirta Dareen aad ka dhadhansan kartid qofkasta oo ka soo jeeda Burco iyo Hargeysa Oo xanbaarsan Ciil aad isleedahay waligood kan kaba biximaayaan cid ay u ahayaan Garan maysid. 

Siyaad Barre

Hadaba waxaan qabaa SamSam in ay noqotay Bogcadii ay reer Hargeysa Iyo Burco kula kufeen Cadhadii iyo ciilkii ay u qabeen kuwii ay odhan jireen diyaarado ayey nagu rusheeyeen, iyada oo loo aanaynayo in ay isku isir ka soo jeedeen waayo haddii aanay ka sinayn dhamaan shacabka Labadaas Gobol u badani maanta SamSam Oo gabadh ahi kumaysii jirteen Jeelasha Hargeysa wayna ka dhiidhiyi lahaayeen, laakiin waxaad mooda in ayba ku raaxaysanayaan mar haday ka soo jeedo Majeerteeniya, Siyaad Barrena Daarood wadaagaan. 

Haddii aysan sidaasi ahayn maxaa loo waayey Bulsho ka dhiidhida oo maanlin kaliya Mudaharaad isugu soo baxda Fagaaraha ay U yaqanaan khayriyada , si ay u muujiyaan dareenkooda ku wajahan SamSam Axmed Ducaale.

Shaki kuma jiro in Hanyaraanta Maamulka Hargeya Iyo Hibasha Shacabkaasi ay dawr weyn ka ciyaarayso ciqaabta iyo cadaabta loogaystay SamSam Axmed Ducaale, Waxaase Haboonaan lahayd in SamSam Axmed Ducaale Xuriyadeeda loo soo celiyo inta aanay sii balaadhan u fiirsashada Hibashada Reer Hargeysa. 

Asad Caddaani Ibraahim.
Laascaanood Puntland Jamhuuriyada Federaalka Soomaaliya
assadlaska@yahoo.com