::: SomaliTalk.com :::

Daabaco Boggan | Print

Kawaanka Cusub ee Xoolo Qalka ee Muqdisho ... Guji..

C/Laahi Yuusuf iyo Shariif Xasan oo Kala Saxiixday Heshiis
Heshiisku waxa uu dhigayaa in la soo afjaro khilaafkii u dhexeeyey... Guji...

Qaxootiga Soomaaliyeed ee ku tabaalaysan dalka Yemen.. Guji

SHIRWEYNIHII OSLO OO AY SOOMAALIDA NORWEY SI WEYN UGU DIIRSADEEN... Guji...

MAQAALLO HORE:::
HOOYOOYINKU CARRUURTA LABO SANO HA NUUJIYEEN!!!
ayadoo waligeedba dhakhaatiirta iyo xarumaha caafimaadku u doodaayeen in Naas nuujintu faa'ido u leedahay caafimaadka carruurta iyo hooyadaba ayey Baaritaankaan danbi ku soo kordhisay Guji..

Qaabka Loo Qoro Wararka, Faalooyinka iyo Ra'yiga/ Maqaalada .. Guji

::: GEEDDI vs HADALKIISII:::

Hadalkii (Codkii) Geeddi, Xasuuqii Qabridahare & Fooljeex, iyo hadallo googoos ah oo muujinaya Gefkii Geeddi:

Dhegeyso:::
Waqtiga Codka: 28:40

safarkaygii dalka soomaaliya gaar ahaan gobollada waqooyi, wuxuu ahaa safar gaaban oo maskaxda ku soo celiyey xusuus badan iyo muuqaal mudo hore maskaxda ka masaxamay waxaa is khilaafay aragtida cusub iyo qashin badan oo maskaxdu si khaldan u kaydsatay sidoo kalana waxa is bedel ku yimi wanaag badan oo maskaxdu urursatay, waxaa is wajahay xaqiiqada dhabta ah iyo maskax aad moodid in ay maydhantay oo qashinkii daadisay waxaan safarkayga ka bilaabay magaalada burco oo iyadu ahayd meeshii ugu horaysay ee aan diyaarada kaga degay, magaalada burco waxaa iigu danbaysay mudo ku dhow 20 sano.

Xiligu waa diraac ama jiilaal aan kululayn,dhirtu malaha muqaal wanaagsan oo aad ku raaxaysatid, geed waliba waxa uu lebisan yahay kiilooyin baco ah oo ay dabayshu dul saartay magaalada dhexdeeda waxaa buux dhaafiyey qashin aan la qiyaasi karin, wadooyinka waxaa qariyey ciid weynta biyaha iyo dabayshu ku soo rogeen maamulka goblku waa mid ka seexday nadaafadda magaalada,khatarta soo socota haddii aan laga hortegin waa mid aan qofna ugu simayn waxa uu jecel yahay iyo halka uu hiigsanaayo,alnadaafatul nusful iimaan nadaafadu waa iimaanka badhkiis hadaan nadaafadda la hagaajin imaanka wax baa ka si ah .

Haddii roob da,o khatarta ka iman kartaa waa mid aan sahlanayn oo waxaa ka dilaaci kara xanuunada wax laaya kuwooda ugu khatarsan,dadku malaha feker midaysan oo ay nadaafada magaalada wax kaga qabtaan,shacabku waa mid ka daalay wax ka qabashada qashinka, magaaladu wakhtigii iigu danbaysay waxay ahayd magaalo aad u kooban hase yeeshe hada waxay noqotay magaalo aad u balaadhatay oo dhan kastaba u fiday, dhis mayaasha qaarkood weli waxaa ka sii muuqda xabaddii dagaaladii sokeeye ee wakhtiyadii la soo dhaafay .

Magaalada burco waxaa ka muuqatay nabad gelyo iyo xasilooni aad u wanaagsan, hase ahaate magaalada waxaa haysatay dhaqaalo xumo iyo dhaq dhaqaaq yaraan xaga baayac mushtarka ku saabsan, dadka inta badan waxaa ka muuqatay sabool nimo, waxayse ahaayeen dad iimaan wanaagsani ka muuqdo oo aadan arkay cid wax boobaysa,lacagta waxaa lagu sitaa kiishash ama baco ma arkaysid cid waardiye laga hayo ma arkaysid cid ka baqanaysa in la boobo mase garan karo nabad gelyada jirtay iyo baahida badan ee jirtay sida ay isula jaan qaadi karaan, waayo waxaa dhici karta haddii rabshad yari bilaabato in kuwa baahani ay boobaan kuwa wax haysta, hubka magaalada lagu dhex sito ma badnayn ilaa iyo intii aan joogay waxaan arkay ilaa labo goor oo aan ku arkay xaafadaha geeska xiga ee aanu dadku ku badnayn, dhawaaqa rasaasta hal mar ayaan maqlay oo wax yar ka danbaysa wakhtiga salaada subax la tukado cida ridaysay iyo waxa lagu ridayey midna ma sheegi karo.

Isla safarkaas gaaban waxaan kaloo booqasho ku tegey degmada buuhoodle iyo tuulooyin badan oo ka sokeeya waxaan sii maray laamiga dheer ee isku xidha koonfurta iyo waqooyiga soomaaliya, waxaan laamiga kaga baydhay tuulada Wadaamogoo, inta u dhaxaysa magaalada burco ilaa tuulada wadaamo goo, waxaa wadada daadsan isbaarooyin ama kaantaroolo 5 ilaa 6 isbaaro ma kala garaynsid midda sharciga ah iyo tan aan sharciga ahayn mana aha kuwo loo dhigay amaan daro,oo dhulku waa amaan baabuurka ma soo korayaan mana waydiinayaan waxa saaran, baaqu waa joogso nalka demi soo deg,kaalay,jeebka gacanta geli ama is baadh baadh, haddii aad diidid waa baarkin garayn xanibaad iyo wakhti badan oo kaa luma.

Degmada b/le waa magaalo aad u balaadhatay sida magaalooyinka kaleba u koreen ee dhismayaashoodu u fideen inkasta oo si xun loo dhisay oo aad moodid in dariiqyada magaalada lagu habsaday hadana b/le wuxuu noqday magaalo aad u kortay waxa kale buuhoodle ka jirtay nabad gelyo iyo xasilooni aad u wanaagsan oo aan horay loo arag magaalada buuhoodle waxay xidhiidh ganacsi la leedahay magaalooyinka bariga soomaaliya iyo kuwa waqooyiga soomaaliyaba, buuhoodle iyo burco waxaa ka wada dhaxeeya xidhiidh aad u wanaagsan iyo ganacsi baahsan odayaashu waxay ahaayeen kuwo xaga nabad gelyada iyo wada hadalka iskaga xidhan xaga nadaafada buuhoodle wuxuu ahaa mid magaalada burco ka sii liita bacda lagu adeegtaa waxay qayb weyn ka qaadatay nadaafad xumida dalka ka taagan dhakhaatiirtu waxay ii sheegeen in ay dalka ku soo badanayaan oo lagu arkay xanuuno la garan waayey oo aan horay dadka iyo dalka soomaaliyaba midma loogu arag.

Mudo yar ka bacdi, waxaa soo geba geboobay safarkaygii oo waxaa igu soo dhawaaday wakhtigii aan soo noqon lahaa waxaanna dib ugu soo laabtay jidkii dheeraa ee aan markii hore siimaray iyo magaalada burco oo ahayd meeshii ugu horaysay ee aan safarkayga ka bilaabay waxaan helay fursad ii sahashay in aan hargeysa ka dhoofi karo inkasta oo tigidh kaygu ahaa mid furan oo aan markii hore ku sii talo galay in aan meelkasta kaga dhoofi karo hadana jaaniskaan helay wuxuu ii fududeeyey in aan magaalada hargeysa iyo magaalooyin kale oo badan soo arko waxaan goor gaaban ka baxay magaalada burco socodku ma kala laha habeen iyo maalin oo dhulka dhib badani kama jirto, baabuurtu wakhti kasta way socotaa, b/le ilaa hargeysa waxay u socdaan si isku mid ah, hase yeeshe hadana wakhtiyada qaarkood waxay xaaladu isku bedeshaa in ka yar saacad gudaheed,waayo isgaadhsiinta ayaa aad u fududaysay marka meel dhib yari ka dhaco in markiiba la helo war bixin deg deg ah taas oo sababta mar marka qaarkood in socodku hakado inta laga ogaanayo xaqiiqada dhabta ah.

Wadada burco berbera iyo hargeysa isku xidhaa waa mid aan darawalka u saamaxay inuu u socdo sida uu rabo waa wado bur bursan oo dayac badani ka muuqdo waa mid u baahan wax ka qabasho iyo dayac tir badan,qoraxdu intaanay naga dhicin ayaanu soo gaadhay tuulada sheekh magaalada sheekh uma muuqan magaalo wax weyni ku kordheen marka loo eego sida magaalooyinka kale u fideen ee u dhismeen magaalada dhexdeeda waxaa iiga muuqday dhowr guri oo saqafka kore ka maqan yihiin, kuwaas oo la iigu sheegay in ay yihiin iskuulkii hore ee tuulada sheekh inkasta oo laygu yidhi mid cusub ayaa meel kale laga dhisay oo kan waa laga guuray hadana waxa uu ahaa hoygii tacliinta gobollada waqooyi oo qaawan.

Leex leexasho iyo socod gaaban ayaanu buurta sheekh kaga soo degnay waxaa noo dhacay gabalkii ama qoraxdii, magaalada berbera waxaanu soo gaadhnay goor habeyn ah kumanaan baydhin oo markiiba waxaanu la baydhnay laamiga dheer ee isku xidha berbera iyo hargeysa kaantaroolada ama isbaarooyinku waa kuwo aan kala dheerayn baaqu waa joogso gaadhiga xaga danbe fur soo deg shandada fur iyo marka ugu danbaysa oo ay ku yidhaahdaan war wax noo dhiib markasta oo lagu joojiyo wakhtiga waxaa kaa lumaya in ku dhow 20 daqiiqo .

mudo ku dhow sadex saacadood ka dib ayaanu soo gaadhnay magaaladda hargeysa waxay ahayd markii iigu horaysay ee aan arko magaaladda hargeysa waxay ii ahayd barasho horteed ha i nicin, hargeysa waa magaalo weyn oo maanta u dhiganta qaar ka mid ah caasimadaha afrika, waa magaalo aad u balaadhatay, oo aad ku arkaysid dhismayaal badan oo cusub iyo kuwo hada gacanta lagu hayo oo u badan dhulka koona yaasha ah naqshada dhismuhu waa mid isku dhow waa fiilooyin gaagaaban iyo kuwo labo dabaq ah wareega guri kastaa dayrkiisu, wuxuu ku fadhiyaa in ka badan boqolaal mitir jawiga magaaladu waa mid degen.

Nadaafadda magaalada hargeysa waa mid ka daran tii aan ku soo arkay burco iyo b/le baali nimadu waa cudur la is qaadsiyo haddii maamulku baali noqdo wuxuu qaad siiyaa shacabka uu xukumo iyo magaalada uu marka degen yahay hooyadu haday baali noqoto waxaa ka dhaxla oo laga yabaa in ay firsadaan ilmaheeda iyo inanteeda, in aan beerka u seexanaa barbaarinteeni ma aha weli waynu nool nahay ee aan is bad baadino la soco asbuuca danbe ama qoraalada dabe iyo sawirka hoose oo aan ka dheeray badh tamaha magaalada hargeysa