Abdallah Moallim Mahamud(Cabdullahi Siyaasi)
Moallem10@hotmail.com

Waxaan annaga oo ka hal qaadayno Danta guud ee ummadda Soomaaliyeed, halkan baaq guud uga soo jeedinaynaa Soomaaliweyn, baaqaas oo ah In ay Sooomaaliweyn dib u dhigato xal u helida Khilaafaadka Siyaasadeed ee u dhexeeyo, muddana Soo jiitamayay welina u dhexeeyo ,kaasoo halakeeyay ummadda Soomaliyeed meel walbo oo ay joogto, kaasoo sabab u ahaa abuuritaanka in ay ciidamada Xabashida hawoodaan ku soo duulida dalkeena iyo imaantinka Caasumada Soomaaliyeed ,halbowlihi waddankeena Muqdisho .

Soomalida meel walbo oo ay joogto, waxaan ugu baaqayna ka qeybqaadashada dagaalkan lagula jiro Tigreeda kaashanayso shaqsiyaad Soomaaliyeed oo hamigooda koowaad yahay gaarista hadaf ku salaysan riya run la mooday iyo Xabashi in ay wado dantooda iyo danta ummaddeena.

Somaaliyeey, Xabashi uma Imaan jeceyl ay u qabto Col Cabdulaahi Yusuf iyo dowladiisa iyo toona nac ay u qabto kooxaha Ay DFKM ku tilmaanto in ay yihiin Dowlad diid . balsa run ahaanti Xabashi waxay dalkeena u soo weerartay, in uu gacantooda si buuxdo ugu dhaco ka arriminta maamul ay yeelato Ummadda Soomaliyeed mustaqbalka dhow iyo mid fogba..

Somaaliyeey waa inaan isu sheegno, dagaalka ay Xabashi ka bilowday Muqdisho ,ayna ku gumaadayso si ula kac ah dadweynaha Soomaaliyeed ee ku nool magaalada Muqdisho in uu yahay mid salka ku haayo in Soomaliya la geliyo Isticmaar ay horkacayaan Masiixiiyiin ay ku fogaatay xagjirnimo iyo neceyb ay u qabaan koritaanka iyo kobaca diinta Islaamka, kuwaasoo ah Tigreeda horkacayso Itoobiya iyo madaxda Cusub ee Dalka Maraykanka

Somaaliyeey maanta waa Taariikh qalinka lagu qorayo uu yahay mid kala saarayo in aan nahay ummad ka dhiidhinayso ,kana dagaalayso aqbalaada in uu dalkooda galo istimaar madow oo ay dadkiisa yihiin kuwa ugu qaajaysan aduunweynaha maamul xumo awgeed iyo in aan nahay kuwa hoos u jeesanayo, iskuna mashquulinayo hebel waa xun yahay iyo hebel baa ka daran, dagaalna garabkiisa ka geli maayo, oo ay dhamaadkeeda noqonayso in dhamaantiinba aad gashaan gacanta tigree injireey ah ,qolafti ay hooyadood ku dhashana ay weli ku taal iyo sidiisaba dullinimada uu leeyahay isticmaar

Somaliyeey Dibiga gaduudan iyo kan cad haddii la dilo, kan madowna waxaa sugayo waa masiirka halki ay mareen dibiyadi hore.

Soomaliyeey wadnaha gufaysta ,xabashida iyo wixi la socdana dhinac ha laga noqdo si Ilaahey guusha ka dhalato uu nooga yeelo mid aan isku cafino iyo mid abuurto in aan yeelano dowllad noo wada adeegto oo aan heshiis ku nahay.

Soomaliyeey ogaado in ay maanta tahay kala reebtada inta xun iyo inta san.

Somaliyeey, Allah ha idin waafajiyo towfiiqda iyo wixi uu raali ka yahay qowl iyo camalba,amen.

Baaqan wauxuu ka tarjumayaa aragtida iyo rabitaanka dhamaan indheergaradka Soomaaliyeed gudaha iyo dibada dalkeenaba.30/03/2007

Waxaa diyaariyay Abdallah Moallim Mahamud

(Cabdullahi Siyaasi)

Moallem10@hotmail.com

Soomaaliya, Muqadisho Iyo Dagaalka Wejiyada Badan... Akhri...