Waxaa Taariikhdu markay ahayd 27 October 2004 lagu qabtay Xafiiska Gudoomiyaha G/Bari ee DGPL shir aad u balaaran oo ay ka soo qayb galeen Madaxweyne Kuxigeenka DGPL Mamed Cali Yuusuf (Gaagaab) Wasiirada qaarkood kusugan Boosaaso Taliya Xigeenada Ciidamada Daraawiishta iyo Booliska DGPL Maamulka Gobolka Bari iyo Degmada Boosaaso Agaasimayaasha Wasaaradaha Qaarkood iyo Saraakiil kale oo ka tirsan Maamulka DGPL, ulajeeda shirkaa ayay ahayd in warbixin laga siiyo Madaxweyne ku xigeenka DGPL hab maamulka G/Bari Guud ahaan,

Gudoomiyaha Baarlamaanka DGPL Yusuf Xaaji saciid.jpg   Gudoomiyaha G-Bari Yusuf Caways Dhado.jpg   Gudoomiyaha G-bari iyo Madxweyne ku xigeenka iyo wasiirka Dekadaha oo Dhex maraya dekada.jpg   Madacweyne kuxigeenka DGPL Maxamed cali Yuusuf Gaagab.jpg   Madaxweyne kuxigeenka oo Warbixin ka dhageysanaya Wasiirka Dekadaha iyo kaluumaysiga.jpg   Madxweyne kuxigeeka oo dhex maraya Dekada.jpg Taliyaha saldhiga Dekada oo la socda Madaxweyne kuxigeenka Dekada dhexdeeda.jpg   Wasiir xigeenka warfaafinta iyo Gudoomiyaha Golaha Wakilada DGPL oo dekada Dhex maraya.jpg   Wasiirka Dekadaha iyo Kaluumaysiga Ismaaciil Buraale.jpg

Madaxweyne kuxigeenka oo shalay Duhurnimadii soo gaaray magaalada Boosaaso ugu horeentii ayaa waxaa ka hadlay shirkaa Gudoomiyaha G/Bari Yusuf wacays Dhado oo ka warbixiyay Guud ahaan G/Bari Xag Caafimaad, Waxbarasho, Dhaqaale, Nabadgalyo, iyo Maamul Gudoomiyaha ayaa aad ugu dheeraaday Maamul xumada ay ku hayso Hay,ada WFP oo ah hay,ada u qaabilsiisan UN Qaybta Cuntada oo abaarihii si qaldan u isticmaashay cuntadii ay bixinaysan oo aysan maamulka heer Gobol iyo Degmo aan kala tashanay oo maamulka ay iyaga wateen oo meelo gaajo loogu dhintay iyo haraad aan waxba siin waa sida uu u yiri Gudoomiyahu, isaga oo hadalka sii wata ayuu Gudoomiyahu ka hadlay Qaxootiga ku soo ururaya Magaalada Boosaaso oo isugu jira kuwo Soomaaliyeed iyo ajnabi ka kooban Oroma, Xabashi, Kenyan, iyo kuwo kale oo badan oo Nabadgalyo iyo Caafimaad ahaan dhib ku haya Deagaanka, gudoomiyaha ayaa ka hadlay Maamul xumada Dhaqaale ee ka jirta Dowlada Hoose Boosaaso oo inta badan ay eegayaan Dadweynihii Canshuuraadka bixiyay D/Hoose oo wax kale aan qaban lakiin khashinka magaalada ka Ururisa hadii aan eegnayna aad u garaabayso Culayska Dhaqaale ee saran D/Hoose Bosaaso ayuu yiri Gudoomiyuhu, asaga oo hadalka sii wata ayuu sheegay Gudoomiyuhu in ay jiraan Degmooyin ka mid ah G/Bari hadana aan wax qabad ka helin Maamulka Guud ahaan Puntland kuwaa ah kuwa wadada ka leexsan Gudoomiyaha ayaa aad uga warbixiyay Guud ahaan G/Bari Gudoomiyaha oo hadalaka soo koobaya ayaa ka hadlay in ay ula muuqato in al qiimeeyo Ciidamada Booliiska ka howlagala Magaalada Boosaaso Maadaama ay Boosaaso tahay Ilaha Dhaqaale ee Puntland.

Waxaa isagana halkaa hadal kooban oo ku saabsan Dhaqaale Xumada D/Hoose waxa keenay Duqa Magaalada Boosaaso Cabdi Yaasiin Xirsi oo aad u qeexay sida ay u soo Wajahday Dhaqaale Xumada Dowlada Hoose.

Waxaa isgana ka hadlay Wasiirka Cadaalada Diinta iyo Awqaafta Barqad Cali Saalax oo si kooban uga hadlay Hay,adaha Guud ahaan uu ka fushada hawlahooda Gobolda Puntland iyagoon lasoo socodsiin Maamulka Noocuu doonaba hanoqdee iyo qaxootiga faraha badan oo ku soo Ururya Gobolda guud.

Waxaa  ugu dambeeyntii ka hadlay kulankaa Madaxweyne Kuxigeenka DGPL Mr: Gaagaab oo ugu horeentii ka warbixiyay Dawlada u Dhalatay Soomaaliya ee Federaalaka ah oo isagu kamid ahaa Ergadii Puntland ee shirka dib,uheshiisiinta ka qayb galay iyo sida Puntland ay uga faa,iidaysanayso oo ah in ay Puntland ay diyaar u tahay, Madaxweynaha ayaa sheegay in ay ulajeedada Safarkooda ee Boosaaso uu ahaa marka ugu horeysa ka qayb galida Duugista Beeldaajaha Xaaji cabdulaahi oo la filaayo in bari la keeno, mada kale oo ah u kuurgalida xaalada Dhaqaale ee Dekada iyo Canshuuraha mida kale oo ha Dekada Boosaaso Xanaaneynteeda Dhisme Madaxweyne kuxigeenka ayaa halkaa tacsi uga Diray Reer Beeldaaje Xaaji Cabdulaahi iyo Ugaas Xasan Ugaas Yaasiin oo Hooyadii ay ku geeriyootay Magaalada Boosaaso iyo intay ka tagtay.

Madaxweyne Kuxigeenka ayaa soo booqday Dekada Boosaaso oo uu warbixin ka siiyay wasiirka Dekadaha iyo Kaluumaysiga Ismaaciil Buraale Madaxweynaha ayaa dekada ku hagaagay xili ay shaqo joojin ka sameeyeen Wiishashka alaabaha dejiya oo ka cabanaaya Lacagta looga qaado Qidmada Dekeda Madaxweynaha ayaa waxa uu amray in ay shaqada joogsan oo la wado arintaa la hordhigo Golaha xukuumada si ay Go,aan uga soo saaraan.  

Baaq ay soo saareen Shabakada u Heelanayaasha danaha Haweenka (WAWA)

Waxaa Taariikhdu markay ahayd 26 Otober 2004 Baaq uu soo saaray Xafiiska Xuquuqu Aadanaha ee Shabakada u Heelanayaasha Danaha Haweenka (WAWA) xafiiskaa oo la dhisan shirweynihii ay yeesheen Ururada shabakada taariikhdu markay ahayd 15 September 2004 Baaqaa ayaa waxa uu ka hadlaayay Gabadha lagu fool xumeeyay Magaalada Hargaysa gabadhaa oo lagu magacaabo Samsam Axmed Ducaale Baaqa ayaa waxa uu u qornaa Sidaan.  

SHBAKADA U HEELANAYAASHA DANAHA HAWEENKA (WAWA) Xafiika Xuquuqul Insaanka Bosaaso  

Ujeedo: Baaq

Baaqaan oo ku saabsan Dhaqan xumada iyo xadgudubka loo geestay Samsam Axmed Ducaale kasoo ah kufsi, jirdil intaas oo dhan oo loogu geestay Xabsiga hargeysa.

1- Nasiibdaro waxaa ah in Gabar yar oo Soomaaliyeed 16 jir ah ay waxaas oo dhibaato ah u geestaan Mas,uuliyiin Soomaaliyeed oo Diin, Dhaqana iyo Soomaalinimo kula sheeganaya iyo waliba derisnimo .

2- Anagoo ah 34 Urur oo ku bahoobay Shabakada WAWA waxaanu ogaysiinaynaa Caalamka iyo Ururada u Dooda Xuquuqul Insaanka in aysan ka qarsan Indhaha ficilka waxshi nimada ah oo ay geesteen Mas,uuliyiintaa ka tirsan Maamulka Somaliland gabadhaas yar oo lagu been abuurtay in ay shirqool ka shaqeynaysay arintaa lagu eedeeyana aan wax lug ah ku lahayn aana cadaynayno inay tahay Ardayad u tagtay meesha qaraabo Salaan

3- Waxaan aduun weynaha ka codsanaynaa in xoriyadeedii loo soo celiyo Gabadhaa danbigii laga galeyna lagu qaado cidii mas,uul ka ahayd  

Mahadsanidiin

Gudiga Xuquuqul Insaanka ee Shabakada WAWA

c/fatax jaamac
Boosaaso

• SAWIRADA HALKAN KA EEG.. GUJI