Maxkamadaha oo ka mamnuucay Jubooyinka in lagu
dhex qaato hubka
Golaha maxaakiimta islaamka ee gobolada Jubbooyinka ayaa maanta shir jaraa'id oo
ay ku qabteen magaalada Kismaayo ku soo saaray wareegto lagu
Jubbooyinka.mamnuucayo in wax hub ah aan lala dhex mari karin gobolada
Gudoomiye K/xigeenka Gobolada Jubooyinka ee Maxkamadaha islaamka Somalia C/fitaax
Max'ed Cali ayaa shirkiisa Jaraa'id waxa uu ku faahfaahiyay arimo dhowr ah oo ku
aadan manuucis maxkamadaha islaamka ay ku soo rogeen in hub lagu dhex wato
magaalada Kismaayo iyo waliba deegaanada hoos-yimaada.
" Ma jirto maanta waxii ka dambeeya hub si sharci darro ah loogu wadan doono
magaalada Kismaayo iyo deegaanada kale ee jubooyinka" ayuu yiri C/fitaax oo
sheegay in hub aan aheyn kan maxkamadaha aan lagu qaadan karin gudaha gobolada
Jubooyinka.
Waxa uu sheegay in ay fureen xafiis hubka dhigis ah, deetana dadka laga doonayo
in hubka ay keenaan si qarashaad loogu badalo, waxaana hub lacag ku badalashada
ay bilaabaneysaa 1da bisha december sida uu sheegay Mas'uulkaasi.
Waxa uu intaasi raaciyay in Maxkamadaha islaamka ay dhowaan soo saari doonaan
go'aano ku aadan in hubka loo dhaafo meelaha lagama maarmaanka ay tahay in lagu
ilaaliyo, iyadoo la siinayo rasaas lagu koontaroolayo tiradeeda.
Waxa uu sheegay in arinkaan ay ku xaqiijinayaan amaanka gobolada Jubooyinka,
isagoo tilmaamay in wareegtadaan ay dhamaaan gobolada Jubbooyinka ay ka hirgali
doonto.
Waa markii ugu horeysay ee gobolada Jubbooyinka lagu soo rogo mamnuucis lagu
sameynayo in hub lagu dhex qaato tan iyo markii maxkamadaha islaamka ay la
wareegeen gacan ku heynta gobolada Jubbooyinka.
Bandoowgii saarnaa Muqdisho oo ay maxkamaduhu
qaadeen galabta ka dib markii ay yaraadeen rabshadihii ka socday Muqdisho.
Madaxa warfaafinta iyo dacwada golaha maxkamadaha islaamka Somalia Sheekh C/raxiim
Muudeey ayaa galabta cadeeyey in maxkamadaha islaamigu ay qaadeen bandoowgii ay
hore ugu soo rogeen caasimadda Soomaliya ee Muqdisho ka dib markii ay dhaceen
rabshado ay abuureen dadkii laga gubay qaadkii laga mamnuucay Muqdisho.
Afhayeenka ayaa sheegay in bandoowgan uu ahaa hal maalin isla markaana ay hadda
sugeen rabshadihii uu watay isagoo dusha uga tuuray eedeeynta bandoowga
Raiisulwasaare Geedi iyo madaxweyne C/laahi Yuusf.
Maxkamaha islaamiga ayaa hore bandowgan ku soo rogay Muqdisho iyadoo ay cayimeen
in laga bilaabo 9- fiidnmo ilaa salaadda subax qofkii lagu helaa isagoo socda
dibadda loo aqoonsanayo danbiile taasoo ay aad uga qeeyliyeen ganacsatada ku
dhaqan Muqdisho oo sida ay sheegeen dhibaato ku qaba xilliga uu bilaabayo oo ay
ku dhexjiraan howla maalmeedkooda
Ciidanka ethoipiya oo nin shacab ah ka
kaxaystay magaalada Boorame.
Nov 19, 2006: Ciidanka Itoobiya, ayaa habeen hore gurigiisa magaalada Boorama ku
hor qabtay nin magaciisa la yidhaahdo Xaaji Yuusuf Cismaan oo ka mid ahaa dadkii
qandaraaska lagu siiyay daadguraynta qaxootiga reer Somaliland ee ku sugnaa
dalka, isla markaana degannaa magaalada Jigjigga balse dhalasho ahaan ka soo
jeeda degaanka Boorama.
Ninkaas ayaa sida wararku sheegayaan lagu eedeeyay inuu lug ku lahaa dil loo
geystay nin Itoobiyaan ah oo lagu dilay dhowaan meel koonfur ka xigta magaalada
Jig-jigga kililka shanaad ee Itoobiya.
Sida warku sheegayo dilkaas ayaa lagu tuhunsan yahay in loo adeegsaday gaadhi uu
lahaa Xaaji Yuusuf Cismaan, gaadhigaas oo la sheegay inuu dilkaas kadib
magaalada Jig-jigga ka soo baxay, iyadoo gaadhigaas oo lambarka Itoobiyaanka leh
aan lagu joojin kantaroolada u dhexeeya Jigjigga iyo Boorama, kadibna waxaa soo
caydhsaday ciidanka amaanka ee Itoobiya kuwaas oo isla markiiba kala soo gudbay
xuduudda Somaliland iyo Itoobiya u dhexeysa, waxaanay isla soo galeen magaalada
Boorama iyagoo sidii isku caydhsanay, hase yeeshee markii uu gaadhigii Xaaji
Yuusuf uu isa soo hortaagay gurigiisa uu ku leeyahay Boorama, ayaa waxa isla
markiiba soo gaadhay gaadhigii ay ciidanka Itoobiyaanku saarnaayeen oo ahaa
nooca qoriguna ku rakiban yahay, kadibna waxay Xaaji Yuusuf iyo gaadhigiisiiba
dib ugu celiyeen dhinaca Itoobiya.
Sideedaba waxa jira heshiis dhinaca nabadgelyada ah oo u dhexeeya gobolka Awdal
iyo Gobolka Jigjigga ee Itoobiya, iyadoo ay magaalada Boorama dhawr jeer
sannadihii aynu soo dhaafnay booqasho ku yimaadaan saraakiisha amniga ee gobolka
Jigjigga kuwaas oo shirar kala duwan la qaatay maamulka iyo amniga gobolka Awdal,
wada-hadaladaas oo inta badan la tuhunsanaa inay ku saabsanaayeen sidii loo
hirgelin lahaa hehiiskaas dhinaca amniga ah ee labada gobol hore u wada gaadheen.
Dhinaca kalena, waxaa magaalada Boorama xalay laga maqlayay rasaas goos-goos ah
oo muddo badan socotay, iyadoo rasaastaas aan la ogeyn cidda riddaysay iyo
ujeedada ka dambaysay toona, tacshiiradaas oo beryahan dambe dhegaha dadka reer
Boorama ka nasteen oo aanay inta badan maqal, ayaan la ogeyn sababta ay u
dhacaysay, iyadoo dad badanna cabsi gelisay.
Waxaa baryahkan ku soo badnayeey somaliland in ay Xabashidu sidee doonto ka
yeesho maaulka somaliland mar ay tiraado wadaada xir xira iyo mar ay iskeed
ciday doonto soo qabsato.
Arrintaastoo ah mid ay ka xumadeen wax garadka Dagaamada W/G somalia
yaasiin maxamed cali (faytin)
yaasiin2006@hotmail.com
002521.5580916
Faafin: SomaliTalk.com | Nov 20, 2006
Madaxwaynaha DGPL oo soo saaray wareegto
Wareegto lagu siinayo xaq askarigii ku geeriyooda
hawlgal ama ku dhaawacma difaaca Puntland, warkaas iyo Khilaaf soo kala
Dhexgalay DGPL iyo DFKMG:::
Ka akhri
halkan.....
|