W/D
Suldaan Nayruus Xaaji Aadan.
suldaan25@hotmail.com
suldan25@yahoo.com
Dec 29, 2004
Kadib markii lariday dowladdii dexe ee Soomaaliya, ee uu
hogaanka u hayey Maxamed Siyaad Barre, ayaa waxaa soo ifbaxay,
hogaamiye kooxeedyaal farabadan, oo inabadan ku taamayey sidii uu
xukunku mar ooga wareega lahaa gacanta Siyaad Barre.
Qabablayaashaa ayaa ahaa kuwo aanan kamidaysnayn sidii loo maarayn
lahaa dalka iyo umadda soomaaliyeed haddii laga takhaluso ama ay
meesha kabaxdo dowladdaas.
Mid walboo horfiiqayaash kamid ah, waxaa u daganaa qorshe gaara, oo ah in uu
isagu maamulo ama looga danbeeyo xalka Sooomaaliya, mudnaanna uu u
leeyahay jagada ugu saraysa ee dalka, haddii kalana aysan waxba
kahagaagayn isku day kasta oo lagu raadinayo soo afjaridda dhibaatada
Soomaaliya.
Intii ay soomaaliya xukuumad la’aan ahayd, waxaa laqabtay shirar
farabadan oo gaaraya ilaa 15-shir, halkaasoo qabqablayaashu marka ay
isugu tageen la isla afgaran waayey ama isla meel dhigi waayey sidii
xukuumad loo dhisi lahaa, loona qaybsan lahaa awoodaha, taasoo keentay in ay
dhibaatada Soomalaaliya jiintanto muddo dheer.
Shirkii lagu qabtay Tuuladda Carta ee waddanka Djibouti, oo ahaa midkii oogu
rajada badnaa, laguna soo dhisay dowlad, ayaa waxay kasocon
waysay hogaamiyaasha, oo iyagu kabiyadiiday, kalana hortagey dagaal. Mar wax
laga waydiiyey mid kamid ah hogaamiyayaasha sababta uu u diidanyahay
dowladda Carta, ayaa wuxuu ku jawaabay haddii dowlad ladhisayo aniga ayaa
mujaahid ah xaqna u leh Madaxa oogu sareeya ee dowladdaas, mid
dadkale madax kayahayna socon mayso mana ogalaanayo.
Markii ay Dowladdii Carta shaqayn waysay, ayaa haddana waxa lasameeyey isku
day kale oo looga gol leeyahay sidii dib u heshiisiin loogu samaynlahaa
loona dhammayn lahaa khilaafaadka u dhexeeya hogaamiye kooxeedyada
kuhardamaya waddanka Soomaaliya. Waxaana la isugu geeyey dhammaantood
waddaka Kenya, ayadoo ay dhexdhexaadinayaan waddamada dariska la ah
Soomaaliya, ee Djibouti, Kenya iyo Ethiopia. Waxaase is waydiin mudan
shirka socday muddada dheer ay gaaraysa labadasano iyo siyaadada, oo aanan
horay loo maqal shir intaasoo kale socday, maxay wax lataaban karo uga soo
bixi la’yihiin? Maxaa hortaagan? Xageese laga haystaa?
Jawaabta su’aashaasi waa mid iska sahlan, oo cid kasta oo horay oola socotay
xaaladda Soomaaliya ay fahmi karto.Haddii aanse anigu farta ku fiiqo,
jaawaabtu waxay tahay wuxu shirkaani lasocon la’yahay waxay lasocon waayeen
ku wii kahoreeyey, maxaa yeelay waxaynu wada ognahay damaca siyaasadeed ee
uu hogaamiye kooxeed walba doonayo, taasoo ah WALLEE AMA ANIGA LA’DOORAY AMA
DOWLADNIMO DIIDAY!.
Arrinkaan waxaa laga dheehan karaa, wixii kadhacay maalinkii dhaweeto
golaha baarlamaanka dhexdiisa markii lacasilayey xukuumaddii Prof Geedi.
Waxaa la arkayey nimankii loomagacaabay wasiiradda oo dagaal gacan kahal ah
bilaabay, markii ay soo bandhigeen, qaar kamid ah xildhibaanda golaha
baarlamaanka mooshin (motion) iyaga ka dhan ah, laguna casilaayo
xukuumaddaas. Qaar ka midah wasiiraddii lacasilay ayaa waxaa laga hayaa.
‘Haddii anaga xukuumadda yadii ladiiday sidee anaguna mid kale ku
ogalaanaynaa?!’
Dhibaatada umadda Soomaaliyeed ayaa waxay ladhamaan la’dahay , damaca qaabka
daran ee hogaamiye kooxeedyada, iyo dammiir la’aanta shacabka Soomaaliyeed,
ee marwalba u hanqaltaagaya ama ka dhowraya xal nimanka isku xag-xagnaya
dal shisheeye dhexdiisa, oo ay sarriigtii marhore kadhamaatay.
W/D Suldaan Nayruus Xaaji Aadan.
suldaan25@hotmail.com
suldan25@yahoo.com
Daabaco
Boggan | Print