Xildhibaan Gen.Maxamad Xaashi Gaani oo Galabta
Maydiisa Laga Helay Qolka uu ka Daganaa Embagathi.
Canab Mumtaz.
Somalitalk.com
Marxuum Maxamad Xaashi Gaani oo ka mid ahaa
xildhibaanada Baarlamaanka KMG ah ayaa Galabta Laga helay isagoo
mayd ah Qolka uu ka dagan yahay Embagathi ee xarunta shirka dib u
heshiisiinta soomaaliyeed.
Marxuumka waxaa la sheegay in uusan qabin wax
cudur ah waxa uuna seexday qolkiisa sida caadada ahayd habeenkii
isagoo cidina aysan la seexanin oo kaligiis daganaa Qolkaas sida uu
ii xaqiijiyay Gudoomiye Ku xigeenka 1aad ee Baarlamaanka Maxamad
Cumar Dalxa, waxaana dhacday in shaqaalaha guryaha hagaajiya ay
damaceen in ay qolka marxuumka soo galaan balse ay ka waayeen wax
shanqar ah,iyagoo qolalka inta badan soo gala subaxii,
Waxaa dhacday in markii dambe ay la kaashaadeen
maamulka xafiiska iyo xildhibaanada qaarkood sidaasna lagu jabiyay
qolkii uu daganaa marxuumka waxaana laga helay maydka marxuumka oo
afka uu dhiig ka socdo.
Ilaa haddda lama ogaanin cidda ka dambaysay balse
waxaa loo badinayaa in Amar Alle ku dhacay marxuumka, balse waxii ku
soo kordha gadaal ayaad ku heli doontaan wararka ugu dambeeya.
Marxuumka Allaha U naxariisto waa qofkii labaad ee
xerada dhexdeeda laga helo maydkiisa iyadoo aan la ogayn sababta iyo
cidda dishayba balse waxaa socda baaritaan ay wadaan maamulka
Xarunta iyo Baarlamanka Laf ahaantiisa.
Anab Mohamoud Abdulle <canabmumtaz@hotmail.com>