::: SomaliTalk.com :::

Daabaco Boggan | Print

Kawaanka Cusub ee Xoolo Qalka ee Muqdisho ... Guji..

C/Laahi Yuusuf iyo Shariif Xasan oo Kala Saxiixday Heshiis
Heshiisku waxa uu dhigayaa in la soo afjaro khilaafkii u dhexeeyey... Guji...

Qaxootiga Soomaaliyeed ee ku tabaalaysan dalka Yemen.. Guji

SHIRWEYNIHII OSLO OO AY SOOMAALIDA NORWEY SI WEYN UGU DIIRSADEEN... Guji...

MAQAALLO HORE:::
HOOYOOYINKU CARRUURTA LABO SANO HA NUUJIYEEN!!!
ayadoo waligeedba dhakhaatiirta iyo xarumaha caafimaadku u doodaayeen in Naas nuujintu faa'ido u leedahay caafimaadka carruurta iyo hooyadaba ayey Baaritaankaan danbi ku soo kordhisay Guji..

Qaabka Loo Qoro Wararka, Faalooyinka iyo Ra'yiga/ Maqaalada .. Guji

::: GEEDDI vs HADALKIISII:::

Hadalkii (Codkii) Geeddi, Xasuuqii Qabridahare & Fooljeex, iyo hadallo googoos ah oo muujinaya Gefkii Geeddi:

Dhegeyso:::
Waqtiga Codka: 28:40

C.M.Cabdalle
Dubai.UAE
chango_58@hotmail.com

Magaca eebe iyo saliga nebiga yaan ku bilaabey

Dr.Xirsi labagarre waa muftigii suufiyada. Wahaabiyaduna u taqaan sh.Maxamed guuleed al-thaani.Wuxuuna leeyahey websiteka aan hoos ku sheegidoono. Meeshaasa suufiyo ka dab qaataan oo wuxuu sheego diin ka dhigtaan hadey noqoto fatwo, qoraalo iyo duruus.

Inkastoon dhawaan ogaadey webkan kadib markii suufiyada qaarkood iigusoo gudbiyeen sidaan uga faa`ideysto hadana markaan akhriyeey qoraalada Dr.Xirsi uu ku cinwaanshey “caqiidada wahaabiyada” la kulmey hadal laguu soo koobi karo in uu aaminsanyahey in sh.Maxmamed bin c/wahaab caqiido ahaan waafaqey quraanka iyo sunnaha isku midna ey noqdeen caqiidadii Axmed bin xanbal, Shaafici ,Ashcari iyo sh.c/qaadir dhamaantoodna uu ku tilmammey ahlu sunna kuna darey inaan dhibaato ku jirin lana eedeyn Karin hadii qofka muslinki raaco culumada uu ku kalsoonyahay waxa ay dheheen iyo mad-habta ay doorteen.

Waxa laga yaaba qofka taa akhrisanaaya Dr.xirsina yaqaan inuu u qaato kaftan. Laakin waa run waana documented mid cidi inkiri kartona maaha, waana waxaan ka soo xigtey qoraaladiisa ku taariikheysan (Taariikh: Khamiis, December 27, 2001) kuna jiraa baabka “caqiidada wahaabiyada”. Waanakan sedan u qorey:-

Haddii aan u soo laabanno qaybtii saddexaad ee towxiidka, sida wahhaabiyadu rumaysantahay, waxaan arkaynaa in Ibn Taymiya iyo Ibn Cabdulwahhaab labaduba kutubtooda sida Al-caqiidah al-waasidiyah, iyo kitaab at-tawxiid iyo rasaa'ilka ibn Cabdulwahhaab iyo fataawaha ibn Taymiya, ay ku sharxeen arrinkan, waana in Ilaahay loo sugo magacyada iyo sifaadka uu asigu isu sugay, kuwaas oo quraanka iyo axaadiista qaar lagu sheegay.

Ugu horeen waa ilaah mahadii haduu qirey in sh.c/wahaab iyo ibn Teymiya sugida kaga deydeen quraanka iyo sunnaha.Taasina waa maragii ugu horeeyey iyo inaaney jeebkooda wax kala imaan . Tankale waxaan leeyahey maaha arinta suggida magacyada iyo sifooyinka eebe mid ku kooban labadan shiikh uu tilmaamey ee waa mid ey ka sinaayeen salafkii hore iyo culimada ahlu sunna waljamaaca sida imaam Malik, Shaafici, abu-Xaniifa, ibna-Xanbal, Ashcari iyo sh.c/qaadir.Sidaasina kama dahsoona Dr.xirsi ee waakan qoraal ku biyaanshey:-

a) Kooxda saddexaad waxay dheheen, magacyadaas iyo sifooyinkaas waxaan u sugaynaa sida ay u soo fuleen, macnaha Ilaahay waa mutakallim oo wuu hadlaa, wuu hadlaa baan leenahay, macnaha hadal-hadal ah, kuwa sidan yirina waxay ahaayeen fuqahada sida Shaafici iyo Ibn Xambal iyo Ashcariyada.

b) Dhammaan sifooyinka iyo magacyada Alle, wahhaabiyadu sida ay yihiin bay u sugayaan, waana mad-habtii Ibn Xambal.

Marka hadii sh.c/wahaab caqiidada kaga deydey imaam axmed bin xanbal miyaa lagu tilmaami kara waa baadi? Jawaabtu wa maya hadii xaq la rabo. Laakin, si aan uga hubsado arintaa yaan suaal ku saabsan caqiidada imaam axmed iyo c/qaadir iyo ashcari weediiyey waana tan siduu iigu soo jawaabey:-

c) Midda kale ee aad tiri, caqiidada Axmad iyo Ashcari iyo Cabdulqaadir waa isku mid, taasi waa sax waana la ogyahay dhammaantoodna waa ahlusunno.

Akhristow waxaa noo muuqata sida Dr.xiris shakiga uga qaadey in sh C/wahaab arintaa caqiidada islaamka kaga deydey Axmed bin xanbal sido kalena waxaa yeeley Ashcari iyo c/qaadir taasina waxey na tuseysaa in sh. c/wahaab iyo Ashcarii iyo c/qaadir ey isku caqiido noqdeen taasina kutimi kadib markey kaga wada deydeen imaam ibn-Xanbal, wuxuuna ku tilmaamey dhamaantood ahlusunno, waana sidey tahey.Taas keliya maahee bal halkan ila arka markuu ku tilmaamey khilaafka caqiidada fahamkeeda kadhashey mid dabiici ah oon dhib laheyn, qofka muslinkana uu raaci karo culimada uu ku kalsoon yahey, waana kan qoraalkiisi sedan u dhigan:-

a) Kolka waxaan arrinkan ku soo gabagabayn karnaa, in muslimiintu isku khilaafeen mas'alada magacyada iyo sifooyinka Eebbe sugiddooda ah iyo waxa ay yihiin, ayna isku raaceen in Ilaahay leeyahay magacyo iyo sifooyin. Khilaafkaasina waa mid dabiici ah maxaa yeelay wuxuu ka dhashay tafsiirka erayada quraanka ama xaddiiska iyo maskaxda culumada laftooda, mana aha mid cusub oo maanta soo baxay ee wuxuu jiray tan iyo casrigii taabiciinta.

b) Kolka qofka muslimka ah waxaa u bannaan in uu madaahibtaas midda ugu saxsan qaato, haddii uu cilmi leeyahay inta si fiican u derso, haddii uu caamo yahay, oo uusan garanayn mad-hab kasta iyo daliilkeeda, waa in uu raaco culumada uu ku kalsoonyahay waxa ay dheheen iyo mad-habta ay doorteen.

Inkastoo hadalkaa danbe aanan ku waafaqsaneyn Dr.xirsi, waa mare, hadey noqoto caqiido siduu ula jeedo waxaa loo baahnaa inuu ka digo tan khaldan, tilmaamona tan toosan, tan kale hadii aan tiisa u raacno iyo in khilaafku dabeeci yahey, dhibina ku jirin qofku inuu raaco culimada uu ku kalsoonyahey iyo mad-habtey dorteen markaa maxaa lagu eedaynaya wahaabiyo oo weliba sida muuqata dooratey tii ibn-Xanbal oo Dr.Xirsi ku sheegey inuu yahey ahlusunna? sow gardaro maaha!!.

Akhristow, halkaa waxaa ka cad in caqiidada wahaabiyadu ka toosantahey tan suufiyo taasna waxaa u daliilah kaga dayashada wahaabiyo kaga deydeen imaam Axmed bin-xanbal iyo imaam Shaafici sida muftigoodu ku qirey qoraaladiisa aan kor kusoo dhaafney waayo qof loo qirey inuu salafkii kaga deydy caqiidadiisa ciddii baadi ku sheegta waxa cad -oo caqliga eebe ina siiyey lagu gaari kara- in isaga wax ka khaldan yihiin o tiisu aany waafaqsaneyn tii salafka.

Waxaa xusid mudan in la ogaado in qoraalada Dr.xirsi ku saleysan yihiin aqoon iyo cilmi uu uleeyahey wahaabiyada sida aan kasoo xigtey email uu iigusoo jawaabey markaan arrimaha wahaabiyada wax ka weydiiyey:-

Aniga wahhaabiyada iigama aqoon roonid oo waxaan ka qoray risaalo mastar ah oo la fidshay shahaado maajisteer ahna ku qaatay buuggii oo daabacanna wuu yaallaa iyo asiga oo loo turjumay luqadda Malayda ee internetka ka akhri.

Ugudanbeyn, soomaaley taan idin lahaa sh.Maxamed bin c/wahaab waa ladulmay waata maanta muftigii suufiyadu marag ka noqdey.Idinkuna qoraaladiisa marag ka noqda koobina kala hara, waana kuwan: http://2garre.com/is/wahhabiyah5.html .
Tan iyo maalin danbe akhristow, naxariis iyo nabad eebe yaan kugu ogahey.