Gabaygan waxaa tiriyey Abwaan Abshir Nuur Faarax (Abshir Bacadle).

1. Haddey aqoonsi helayaan kufriga ka hakan maayaane.
2. Waxayna ku hadlayaan been cadoon harag la saareyne.
3. Warba u hayaan shiikhu in uu boqorka hoos joogo.
4. Iyagoo hunradahayuu Rabbi u hoorsanahayaaye.
5. Oo uu magacyadiisii hufnaa la hal-haleelaaye.
6. Oo ay ilmadu hibitiqdaa, oo uu laabta ka hinraagi.
7. Oo uu Aydhis ku habaarayaa wuu la helayaaye.
8. Rabbigiisa wuxuu haybsadaa hubanti weeyaane.
9. Kuwa meesha ku hayaana waa ka hor marayaane.
10. Cabdi Majiid halkii uu mareey ku hafanaayaane.
11. Hangashtii iyo sahankii horey haabanahayaane.
12. Hog madow markii lagu rideey khabar helayaane.
13. Adduunyada meel hoogtay bay ku hanbasaayaane.
14. Saddexdii ha’ gaabtaan tirshoo dhaari mey harine.
15. Indhaba Diinta sharaf uma hayaan hawl wadeenaduye.
16. Waxaa kala haboon caalamkoo ay horey u raacaane.
17. Haddey aqoonsi helayaan kufriga ka hakan maayaane.
18. Waa hoos ka gaal nimey Tigruhu u hambalyeeyaane.
19. Hubal iyo Cusana madaxa hoos wawgu dhigayaane.
20. Hadyigiyo waxyigii Nabiga magac un bowga soo haraye.
21. Mar Soomaaliweyn ka hoos baxbay sharaf u haystaane.
22. Nabi Muxamad kuwii ka hor yimide diiday hadalkiisa.
23. Dhibbuu nagu hayaa bay dhaheen kii hanuunsaniye.
24. Hawaayaddeenu waa inay xornimo haysataa abide.
25. Ayaguna halkiiyoo kalay u halgamaayaane.
26. Fircoon, Muuse wuxuu uga hor yimid una hujuumaayey.
27. Nabadiyo habkaa dowladnimo hayga kala tuurin.
28. Badbaa lagu haligay dhaxalkiina Muuse waw haraye.
29. Hargeysana inta hanuunsan bay ka hor tagayaane.
30. Heesaha Nabiga loo tumiyo hiihah ma oyaane.
31. Hawaayadleyda iyo Muusaqay u hambalyeeyaane.
32. Hadyigiyo waxyiga kuwa rabay u cadow u haystaane.
33. Inay diintu na hogaamisay qadaf u haystaane.
34. Saqradda iyo hididiilka iyo hoobalkoow taliya.
35. Haadaan madoow bay yabaal ku hirgisaayaane.
36. Waxay ka halgameen, waxay heleen, haatan waxa jooga.
37. Halkay ugu darreyd waa markay Diinta hororeene.
38. Habkay ula dhaqmeen shiikhii baan marag u haystaaye.
39. Jirdilkaan shaashaddii ka hubsanaad mayada haysiine.
40. Intaad hoos u layseen miyaan kun iyo hee gaarin?.
41. Hilibka Shiikha waad iibiseen waana la hubaaye.
42. Halkaa ruuxu yuu kaga bixine horey u soo daaya.
43. Hadalku isma saarnee dagaal huriba meysiine.
44. Awliyada la hubey dilaan ama hujuumaane.
45. Oo ay dhiigoodii bay heemiyeen hawl wadeenaduye.
46. Qabuurana gacmey u hoorsadaan aan waxba u hayne.
47. Oo Suufi hebel bay muraad u hor fariistaane.
48. Waxbana kama helaan tii Alley kan u hibeeyaane.
49. Kuwa Naarti ku haftay Janadii haybsanahayaane.
50. Hadyigiyo waxyigi foojarigey kaga horeeyaane.
51. Haddaan Gabeyga nuxurkiisa iyo hadalka soo koobo.
52. Insha Allaahu idinkaa hor mari shiikhu wuu hariye.
53. Xabashidu dadkay naga hayaan waa halgamayaane.
54. Hargeysaa Tikrihii caashaqdoo u hanqaltaageysa.?

W/D: Abwaan Abshir Nuur Faarax
(Abshir Bacadle)

Waxaa soo tebiyey:
AMiin Yuusuf: E-Mail : amiinkhasaaro@hotmail.com