Barnaamijkii Radio Xoriyo
22 May
2007.
Dagaallo ciidamada cadowga lagu naafeeyay
oo Ogaadeenya ka dhacay.
Bayaan ay soo saareen
gudiga Fulinta JWXO.
Dadka ay Telefonadu Guryaha ugu jiraan ee
Magaalada Qabridahare oo lacag aad u badan lagu soo dalacay.
Dowladda Talyaniga oo sheegtay in ay
ciidamada Itoobiya ka baxaan Somaliya iyo in aan DFKM loo dhanayn.
======================
Dagaallo ciidamada cadowga lagu naafeeyay
oo Ogaadeenya ka dhacay.
Wariyaha RX uga soo warrama dalka Ogaadeenya ayaa noo soo sheegay dagaallo
badan oo si wayn cadowga loogu naafeeyay oo ka dhacay meelo ka mid ah dalka
Ogaadeenya.
12/05/07 weerar lagu qaaday kolonyo baabuur ah oo uu lahaa ciidanka
gumaysiga Itoobiya oo maraysay Shaygoosh, waxaa lagu gubay hal baabuur oo
wayn, waxaana halkaas ku bas-beelay baabuurkii iyo wixii saarnaa oo dhan.
15/05/07 Dhadhame, oo ka tirsan degmada Fiiq, dagaal wayn oo ka dhacay waxaa
ciidanka cadowga lagaga dilay in ka badan 160 askari. Waxaa sidoo kale
cadowga dagaalkaas lagaga gubay labo baabuur oo waawayn.
13/05/07 Baka, oo degmada Dhagaxbuur ka tirsan, waxaa caowga lagaga gubay
hal baabuur oo kuwa ciidanka qaada, waxaana halkaas ku bas-beelay baaburkaas
iyo ciidankii saarnaa oo lagu qiyaasay 60 askari.
16/05/07 waxay ciidammada gumaysiga Itoobiya si qasab dadwaynihii degganaa
uga rareen tuulooyinka kala ah Laasoole, Dawacaale iyo Qarsoodi, oo ku
yaalla nawaaxiga Shilaabo, waxayna dadwaynahaas u rareen dhinaca Shilaabo.
Waxayna ciidammada cadowgu gubeen tuulada Dawacaale.
Sidoo kale Ciidanka Waddaniga Xoreynta Ogaadeenya ayaa hal baabuur ka gubay
ciidankii
cadowga ee dadwaynahaas qasabka ku rarayay.
Dhinaca kale waxay ciidammada cadowgu billaabeen inay dadwaynaha ku qasbaan
in dhulka baadiyaha ah laga soo guuro oo tuulooyinka iyo magaalooyinka laga
ag-dhawaado. Waxaa sidoo kale dadwaynaha lagu qasbayaa in loo gooyo kaadhadh
aqoonsi, si dhaqdhaqaaqooda loo kantaroolo.
Dadka ay Telefonadu
Guryaha ugu jiraan ee Magaalada Qabridahare oo lag aad u badan lagu soo
dalacay.
Dadka guryahoodu ku jiro
khadka Telefonka ee Magaalada Qabridahare ayaa lagu soo dalacay lacag aad u
badan oo ayna ku hadlin. Lacagtaas ayaa lagu sheegay 5000 kun ilaa
inta u dhaxaysa 40,000 oo birr una dhiganta $ 8oo USD ilaa $5,000
USD.
Xafiiska Boostada iyo
Telefonada ee Gumeysiga Itooboya ayaa soo dalacy lacagtan, iyada oo aan
dadka loo kala eegin in khadka Telefonku u furan yahay, ama ka xidhan yahay
oo uu u soo dhaco iyo in lacagta intaas dhan qofku ku hadley iyo in kale.
Dadka ayaa lagu amrey in ay lacagtaas ku bixiyaan dhamaadka bishan May 2007,
qofkii ku bixin waayana amar lagu siiyey Milatariga Itoobiya in ay la
wareegaan guriga uu Telefonku ku jiro.
Sidoo kale, dadka Magaalada ayaa waxay falkan guracan ku eedeynayaan ninka u
sareeya Maamulka Dabaqoodhiga ee lagu magacabao Lugbuur iyo midka Maamulkaas
u qaabilsan xaga Nabadgelyada oo booqasho hagardaamo ku jooga Magaalada
Qabridahare.
Arintan foosha xun ee ka dhacdey Qabridahare ayaa la saadaalinayaa in ay ka
dhici doonta dhaman Magaalooyinka Ogadenia ee leh isgaarsiinta Telefonada oo
awalba aad u tayo hooseeyey.
Ma aha markii ugu horeysay ee shacabka dan yarta ah ah laga qaado lacag
Gibir ah, waxaana kal hore ay qaar kamid ah Dabaqoodhiga Doolka ah geeyeen
fikir ah in dadka u dhashay Ogadenya ee dibadaha jooga ee guryahana ka
dhistay wadankoodii laga qaado 5,000 oo bir hadii kale guriga lagala
warego.
Lacagahan ayay dowlada gumaysiga Itoobiya u isticmaali doontaa mushaaradka
ciidamada gumaysiga ee itoobiya.
Bayaan ka soo baxay
kulankii Guddiga Fulinta ee JWXO
Guddiga Fulinta ee Jabhadda Waddaniga Xoreynta Ogaadeenya JWXO ayaa kulan
yeeshay intii u dhaxaysay 15 � 19/05/2007, kaasoo lagaga dooday qodobo badan
oo khuseeya halganka Ogaadeenya ee JWXO hormuudka ka tahay iyo sida loo
maarayn karo xaaladaha cusub ee ka soo cusboonaaday gobolka Geeska Afrika.
Kulaknku wuxuu si qodo-dheer u falanqeeyay, una qiimeeyay xaaladda
gobolkaGeeska Afrika, guud ahaan iyo gaar ahaan xaaladda Halganka Xaqa ah ee
Ogaadeenya. Kulanku wuxuu hoosta ka xarriiqay in taliska dhiigya-cabka ah ee
Addis Ababa uu marxalad xun marayo, qabsashadii Soomaaliya ka dib, isla
markaana ay qabsashada Soomaaliya tahay billowgii burburka taliskaas.
Waxaa muuqata inay Itoobiya ku fashiltay qabshadii Soomaaliya oo ayna ka
helin ujeedooyinkii ay ka lahayd oo ay ka mid ahayd daciifinta halganka
shacabka geesiga ah ee Ogaadeenya. Waxaa la isla gartay in maanta ayna jirin
maalin uu ka xoog badan yahay halganka Ogaadeenya, ciidanka cadowguna uu ka
tabar daran yahay oo ka mooraal xun yahay, taasoo laga akhrisan karo
baxsashada iyo amar-diidada ku sii kordhaysa ciidammada Itoobiya.
Markii xaaladahaas oo dhan la qiimeeyay wuxuu kulanku soo saaray go�aamadan
soo socda;
1- Ka dib markii Itoobiy qabsatay Soomaaliya wuxuu galay Geeska Afrika
marxalad cusub, taasoo waajib ka dhigaysa in shacabka Ogaadeenya halgankiisa
xaqa ah uu sii labanlaabo oo uuna marna u dabcin cadowga gumaysiga Itoobiya.
2- Guddiga Fulinta ee JWXO wuxuu hanbalyo iyo bogaadin u soo jeediyay
Ciidanka Waddaniga Xoreynta Ogaadeenya CWXO guulaha waawayn ee is-dabajooga
ah ee uu ka soo hoyiyay goobaha dagaalka, wuxuuna ku boorriyay inuu sii
labanlaabo hawlgallada uu cadowga la beegsanayo.
3- Sidoo kale wuxuu Guddiga Fulintu ammaan
iyo bogaadin u jeedinayaa
shacbiga Soomaalida Ogaadeenya, gude iyo dibadba, siduu u taageero
halgankiisa xaqa ah.
4- Kulanku wuxuu beesha caalamka ee nabadda jecel ugu baaqay inay tallaabo
ka qaadaan gumaadka aan aaba-yeelka lahayn ee ciidammada Itoobiya ka
gaysanayaan dalka Ogaadeenya, isla markaana Itoobiya ku cadaadiyaan inay
joojiso falalkaas argagixisada ah ee bani�aadamnimada ka dhanka ah.
5- Kulanku wuxuu bulsha waynta caalamka ugu baaqay inay u gurmadaan
dadwaynaha Ogaadeenya ee ku tabaalaysan dalka Ogaadeenya gudihiisa iyo
dibadiisaba, ka dib markii ay dhibaatooyin ka soo gaadheen abaaraha
is-dabajooga ah iyo barakicinta uu ku hayo gumaysiga Itoobiya, wuxuuna
hay�adaha samafalka ah ka codsanayaa inayna u dabcin hanjabaadaha kaga
yimaada taliska Addis Ababa ee ah inayna ka hawlgali karin Ogaadeenya.
6- Guddiga Fulintu, isagoo tixraacaya go�aamadii hore ee Jabhadda, wuxuu mar
kale uga digayaa xukuumada gumaysiga Itoobiya iyo sharikadaha shisheeyaha
ahba inay isku dayaan inay ka faa�iidaystaan khayraadka dabiiciga ah ee
Ogaadeenya.
7- Kulanku wuxuu ku baaqay in laga hortago, lana fashiliyo qorshayaalka
gumaysatada Itoobiya ku doonayso inay halganka Ogaadeenya ujeedadiisa iyo
nuxurkiisa kaga been-sheegto.
8- Kulanku wuxuu sidoo kale ku baaqay in la sii xoojiyo midnimada iyo isku
duubnaanta shacabka lama loodiyaanka ah ee Ogaadeenya, isla markaana laga
hortago qorshayaasha uu cadowgu doonayo inuu ku kala qaybiyo.
9- Guddiga Fulinta ee JWXO wuxuu ku baaqay in la sii xoojiyo iskaashiga ka
dhexeeya JWXO iyo ururrada ka soo horjeeda gumaysiga Itoobiya.
10- Wuxuu kulanku go�aamiyay in shacabka Soomaaliyeed ee aan walaalaha nahay
hiil iyo hooba lagu taageero, si ay ugu guulaystaan halganka ay dalkooda
kaga saarayaan ciidammada itoobiya ee sida gardarrada ah ku qabsaday.
11- Kulanku wuxuu ku baaqay in si degdeg ah oo aan shuruudi ku jirin
Itoobiya ugala baxdo ciidammadeeda dalka Soomaaliya.
12- Guddiga Fulinta ee JWXO wuxuu beesha caalamka ugu baaqay inay taliska
Itoobiya ku cadaadiyaan inuu joojiyo siyaasadiisa dhul-ballaadhsiga ah, isla
markaana uu u hooggaansamo go�aankii guddiga xadka ee Eriteretaya iyo
Itoobiya.
13- Kulanku wuxuu canbaareeyay fal kasta oo argagixiso ah, ha ahaado mid
xukuumadeed, mid shakhsiyeed iyo mid kooxeedba e.
14- Kulanku wuxuu beesha caalamka u sheegay in furaha nabadda iyo
xasilloonida gobolka Geeska Afrika uu yahay xal u helidda qadiyada
Ogaadeenya, sidaas darteed ay lagama maarmaan tahay inay xukuumadda Itoobiya
ku cadaadiyaan inay oggolaato xaqa ay shacbiga Ogaadeenya u leeyihiin inay
aayahooda ka tashadaan.
Guddiga Fulinta ee JWXO
19 May 2007
Dowladda Talyaniga
oo sheegtay in ay ciidamada Itoobiya ka baxaan Somaliya iyo in aan KMG
dawlada loo dhaneen.
Wasiir
K/xigeenka arimaha dibadda dowladda Talyaaniga Mss. Patrizia Sentinelli oo
dhowaan booqasho ku tagtay caasimadda Somaliya, ayaa sheegtay in aan loo
dhameyn dowladda KMG ah ee Somaliya.
Waxaan aaminsanahay bey
tiri in xukuumadda Somaliya aanay howleheeda iyo waajibaadkeeda gudan karin,
sababtuna waxay ku sheegtay xukuumadda Somaliya oo aan loo dhameyn isla
markaana aanan matalin guud ahaanba kooxaha dalka ka jira.
Mss Santineli oo u
warameysay idaacadda SAWA ee dalka Mareykanka ayaa muujisay sida ay uga rajo
qabto in dowladda Somaliya ay qaadato tallaabooyin u suurta galinaya in
xukun wanaag ay la timaado kana hir galiso dhamaan dalka.
�Suurto gal maaha bey tiri
inaanu dowladda Somaliya ku tilmaamno dowlad loo dhan yahay sababtoo ah wax
tix galin ah ma aanay siinin dustuurka dalka u yaalla wayna ku xad gudubtay.
Dhinaca kale Waxa ay
sheegtay in dowladdeedu ay ku baaqday in ay ciidamada Itoobiya si dag dag ah
uga baxaan dalka Somaliya si loo soo dhameystiro ciidamada wali kala
dhantaalan ee midowga africa ka jooga Muqdisha. .
Mar wax laga weydiiyay in
ay jawaab ka heleen dowladda Itoobiya iyo in kale waxay tilmaamtay in iyagu
ay baaqaasi si cad u jeediyeen isla markaana ay tahay arrinta ugu muhiimsan
ee ay Itoobiya ka doonayaan in ay ciidamadeeda kala baxdo Somaliya si howsha
loogu gacan baneeyo ciidamada Midowga afrika oo ay sheegtay in talyaanigu uu
wax ka bixinayo qarashka ku baxaya ciidamadaasi.
22 May
2007
C/nuur
Sh. Maxamed
Radio Xoriyo waxaad ka dhegaysan kartaa Mawjadda 19 MB ee dhererkeedu
yahay 15260 KHZ,iyo internetka
Radioxoriyo.com,Ogaden.com
Maalmahaa Talaadada & Sabtida 7:00PM � 7:30 waqtiga Afrikada Bari
May 23, 2007
Lix halkaad ku joogtaan dagaal laabta ka ogaada, haddii luqunta sare leydin jaro lugaha
meermeersha! Akhri
| 
Daabaco Boggan | Print
"
Dowlada FKMG Ah Ee Soomaaliya
ARAGTIDA/MAQAALLADA DADWEYNAHA EE MAANTA
