JAALIYADA SOOMAALIYEED EE
WADANAKA AUSTRALIA IYO SOONKA BISHA BARAKAYSAN.
Muslimiinta Wadanka Australia
ayaa waxa ay bilaabeen bisha barakaysan taariikhdu marka ay
ahayd 16/10/04 Sabtidii. Ayada oo uu soonka kusoo beegmay
xili laga sii baxayayay qaboobihii Winterka oo uu
bilaabanayo xiligii kulaylaha Summerka. Marwalba ayaa
soonku wuxuu uu kusoo beegmi jiray xiliga kulaylaha ayaa
waxaa sanadkan uu kusoo beegmay xili qaboow oo wali aad
moodid in lagu jiro xiilgii qaboowga. Wadanka Australia
ayaa xaga cimilda waxa uu kaduwan yahay dunida qaybo badan.
Xiliga ay wadamada yurub galayaan xiliyada qaboowga waxaa
wadanka Australia ubilaawdo kulayl sidoo kale xiliyada
kulaylkana waxaa ubiloowdo qaboow.
Dhinaca kale ayaa waxa uu
noqday soonka sanadksan soonkii ugu gaabnaa xaga saacadaha
ay soomayaan Muslimiinta wadanka Australia, Ayaga oo markii
hore soomi jiray ilaa 16,saacadood ayaa waxa ay hada
soomaayaan ilaa 14 saacadood. waxa ay ubilaabataa xiliga
suxuurta saacadu marka ay tahay 3.30Am. oo ku aadan marka ay
utahay shanta galabnimo 5pm. ee xiliga wadanka ingiriiska.
Waxaa aad arkaysaa umada
muslimiita ee kunool wadanka gaar ahaan magaalada Melbourne
in markii lagaaro xiliga salaadaaha taraawiixda ay masaajidu
buuxaan aad arkaysid dadka soo daaha in ay waynayaan boos
ay dhigtaan baabuurtooda iyo meel ay kutukadaan.
Waxaa kalood indhahaaga ku
arkaysaa Soomali badan oo Misaajida kucibaadaysanayo ayaga
oo qaarkood ay soo kaxeeyaan dada yaryarta ah ee ay dhaleen
si ay ubartaan soonka iyo si ay ubartaan cibaadada iyo
fadliga bisha barakaysan. Jaaliyada Soomaaliyeed ee kunool
magaalada melbourne ayaa waxa ayna lahayn misaajid ugooni ah
oo ay ayagu milkiyadiisu leeyihiin waxa ay kutukadaan
misaajida kale ee gacmaha ay ujiraan sida Muslmiinta ,
Masaarida, Lubnaaniyiinta, Albeeniyaanka, iyo Turkida.
Xaafada Heidelberg West. oo kamid
ah xaafadaha ay tiro badan oo soomaal ah ay dagan tahay ayaa
waxa ay sameeyaan arin wanaagsan oo inbadan oo muslimiin ah
ay aad ugu farxeen, sida ayaga oo diyaariyay wacdi joogto ah
oo kabaxayo misaajidka kuyaalo xaafaadaa ee layiraahdo
Misaajidke Heidelberg West. wacdigaas oo ay soo jeedinayaan
culimda dagan xaafada maalinwalba sheekh ayaa kuqoran. Wacdi
gaas oo bilooqdo salaada casar kabacdi ilaa afurka laga
gaarayo.
Dhinaca kale afurku kahor
ayaa waxa ay diyaariyaan afur loogu tala galay Muslimiita
misaajidka kusoo tukanayo ayada oo uu qofwalbo oo Soomaali
ah soo qaadayo wixii uu awoodo ayaa waxa aad arkaysaa markii
la aadaamo in loo fariisto arintan oo noqotay mid lala yaabo
oo aad arkaysid inbadan in ay leeyihiin hadii aan ka afuro
halkan cuno kale uma baahni oo intan ayaa igu filan.
Waxaa kale oo ay Jaaliyada
Soomaaliyeed oo kunool magaalada Melbourne ay aad uhadal
hayaan Doowlada ladhisay ayaga oo dhaxdooda iskaftaminayo
sida soomaalida caada u ah ayaa qaariood waxa ay aad ugu
raja wayn yihiin in ay noqon doonto mid isu keeni doonto
Umada Soomaaliyeed ayada oo in kalana ay muujinayaan
feejignaan oo ay leeyihiin lagama bixin karo tilmaan hada ee
bal waan arkaynaa wixii kasoobaxa.
(Waxaa ilaahay kabaryayaa
in uu umada Soomaaliyeed dhibka kaqaado, oo uu qalbigooda
mideeyo.) waa sida uu marwalba kuduceeyo aabo soomaliyeed oo
magiciisa dalbaday in aan labaahin oo dagan xaafada Heidelberg West. Aabahaas
oo dadiisu ay tahay todobaatan jir ayaa asagu muujiyo
marwalba in umada Soomaaliyeed ilaahay kaqaado dhibka
kuhabsaday bishan barakaysana ilaahay ugunaxariisto, marwalba
markii aann ku arko masjidka ayaa waxa uu yiraahdaa hadalkan {
Soomaalidii aan aqaanay iyo Soomaalida hada jirto.}
Ugu danbeentii in badan oo
Soomaali ah ayaa rajo kaqabo in ay arkaan wadankoodii oo
hagaagay. waxwalba oo ilaahay lawaydiisto bishan ilaahay waa
aqabalaa . waxaan ilaahay kabaryaynaa in uu dhibka haysta
umada soomaaliyeed kaqaado.
AAMIIN, AAMIIN, AAMIIN,.
Qore. Mohamed wali (Xiish)
Melbourne.AUstralia
<xiish3@hotmail.com>