Madaxweynaha iyo m/xigeenka puntland oo lagala
horjimi mudaharaad lagaga soo horjeedo booqashadooda soo daahday ee
laascaanood
Laascaanood Somalitalk
Waxaa Khamiistii soo gaadhay magaalada
laascaanood wefti balaadhan oo uu hogaaminayo madaxweynaha puntland ayna ka
mid yihiin M/kuxigeenka, wasiiro iyo xildhimaano.
Isimadii soo dhoweeyay madaxweynuhu waxa uu u
sheegay inuu u tacsideeyo qoyskii uu ka geeriyooday alle hawnaxariistee
Garaad C/qani Garaad Jaamac oo ahaa isinka ugu facaweyn deegaamadan S.S.Cayn
ahaana garaadka guud ee Beelaha Dhulbahante.
 Hase
ahaatee markii weftigu ay soo gaadheen magaalada ayna marayeen jidka weyn ee
dhexmara ayaa waxaa iyagu dhoobnaa Boqolaal qof oo muda haraadaya hareeraha
wadada laamiga ah kuwaasoo ku dhawaaqayey "doonimayno Cade, "had dhaco Xasan
Daahir afqudhacna".
Maraan la kulmay Qaar kamida dadkii
mudaharaadayey waxa ay ii sheegeen inaysan jeclayn in ay hada tacsi ugu
yimaadaan Garaadkayaga geeriyooday maadaaba aysan markii hore ka soo qayb
gelin aaskiisii ma maanta oo aanu laabaney tacsidii ayaanu tacsi idiin
wadnaa.
Dadkaa mudaharaadayey waxaa wejiyadooda ka
muuqday sida aysan u jeclayn madaxdan sare ee iyagu aan xushmayn inay ka soo
qayb galaan aaska.Waxayna lahaayeen dadkaa isu soo baxa samaynayey waa in
laga tashadaa oo ay tashadaan dadka deegaamadani.
 Inta
badan waxa cadhada dadkan mudaharaadayey ay ku aadanayed ninka isagu ugu
sareeya deegaamada SSC ee isagu madaxweyne ku xigeenka ka ah puntland waa
Xasan Daahir Afqudhace oo aan ka soo xaadirin aaskii garaadkiisa maadaaba
xubnihii la dhiga ahaa ee ka soo jeeday maamulka Somaliland aanay cidina ka
hadhin waxaana xubnahaa ka mid ahaa Axmed Maxamed Aadan (aybe) iyo gudoomiye
ku xigeenka baarlamaanka somaliland Baashe Maxamed Cade iyo xubno isugu jira
golayaasha maamulkaa iyo isimoba.
Wararka qaar ayaa waxa ay sheegayaan in isin
ka mida ah garaadadu uu la hadlay maalintii meydka garaadka diyaarada laga
soo dejiyay uuna ku yidhi madaxweyne-kuxigeen xasan nagala soo qayb gal
aaska garaadka hase ahaatee taasna ay isku af garan waayeen.
Loogama filayn sida uu sameeyey m/kuxigeenku
ee uu ka yeelay dadka SSC maadaaba uu qadarin waayay aaskii garaadka guud ee
Beeshiisa. Sidoo kale waxa horay loogu eedeynayey madaxweyne ku xigeenka
sida dadka ka soo jeeda deegaamadani aysan uga helin maamulka puntland
xaqsoor.
Sida jirtana dadka lagama siiyo wax shaqo ah
hay,adaha puntland iyadoo dhacda marmarka qaarkoodna in shaqadii ay
imtixaanka u galeen loo bedelo weji reer taas oo uusan wax uu ka qabtayna
aysan jirin, ayey dadka qaar aaminsan yihiin.
Dhanka kale maamulka magaalada ayaa iyana inta
badan lagu eedeeyaa inuu masuul ka yahay qaska iyo qalalaasaha ka jira oo
halkii uu u soo magacaabi lahaa xubno tayo leh ayuu waxa uu ku soo
magacaabaa Qabiil taasina waxa ay ku keentaa dadka inay is qabqabsadaan
iyadoo nin waliba ku dacwinayo reerkayagaa iska leh kursiga.
Sidaa darteed waxaa Khamiistii dadkan ku
banaanbaxayey madaxweynaha iyo ku xigeenkiisa ay tusaysaa maamulka sida
dadka deegaamadani aysan u jeclaysan maamulka ay madaxda ka yihiin Cade iyo
Xasan daahir.
Maraan isku daynay inaan wax ka weydiin
banaanbaxan lagu sameeyay weftiga madaxweynaha ayuu madaxweyne ku xigeenku
ka gaabsaday inaysan qaabilayn wax saxaafad ah .
Maxamed Gaaxnuug
laascaanood SSC
gahnugw@yahoo.com
»Warbixintii
& Tacsidii: Geeridii Garaad C/qani Garaad
Faafin: SomaliTalk.com | Feb 17, 2006
70,000 oo Qof
oo Mudaharaad ku dhigay Pakistan
iyo Baarlamaanka Norway oo soosaaray xeer mamnuucaya aflagaadada
Diimaha iyo Xildhibaanad
reer Australia ah oo Raali gelin ka bixisay hadalkeed "Qaranka
Islaamka"
Guji..
Kismaayo:
Maleeshiyo si Nabad ah looga saaray Xaafadda Guulwade
»Cali
Max’ed Geedi oo la filayo in uu gaaro Adis –Ababa
»C/llaahi
Yuusuf iyo Geeddi oo dib ugu soo laabtay Jowhar
iyo Warar
Ku Saabsan Abaaraha Soomaaliya .. Akhri Feb 16
»Duq
Ibliis Copenhagen bay Daash ku leedahaye
»Gefka
loo geystey Nabiga (NNKH) waa Xaniinya taabadkii ugu..
»Denmark
oo muslimiinta ku dhex nool ku eedeyneysa..
»Fikirkiisa
Guracan baa dunida dab ka dhaliyey!!
»OGAAN IYO ULAKAC | Inj. Nabaddoon
»HADDII NABIGII ALLE
LOO GAFEY MAXAA KULA GUDBOON? | 
Daabaco
Boggan | Print
HOOYOOYINKU
CARRUURTA LABO SANO HA NUUJIYEEN!!!
