Wararkii: April 29, 2007
- Jaaliyadaha Soomaaliyeed ee
Mareykanka iyo Yurub oo deeq dhaqaale u fidiyay Qoysas agoon
ah Muqdisho oo ka soo barakacay
- Deeqdii Ugu Horaysay Ee Ay
Soo Dhiibaan Haweenka Jaaliyada Somaliyed Ee Newzeland Ee
kaSoo Jeeda Gobolada SSC.
Jaaliyadaha Soomaaliyeed ee
Mareykanka iyo Yurub oo deeq dhaqaale u fidiyay Qoysas agoon
ah Muqdisho oo ka soo barakacay
Qoysas isugu jiray agoon iyo curyaamiin ka barakacay
dagaaladii Muqdisho ayaa Sabtidii la gaarsiiyay deeq dhaqaale
oo ay ku deeqeen Jaaliyadaha Soomaaliyeed ee ku kala nool
dalalka Yurub iyo Mareykanka, waxaana qoysaskan oo ku sugan
Kulliyadii Beeraha Afgooye deeqdan dhaqaale maanta
qoysaskaasi guddoonsiiyay Urur u dooda xuquuqda agoonta oo
lagu magacaabo Maandeeq.
Munaasabadda guddoonsiinta deeqdaasi lacageed waxaa ka
hadlay Guddoomiyaha Ururka Maandeeq Drs.Cudbi oo u mahad
celisay Jaaliyadaha ku dhaqan dalka dibadiisa sida Yurub iyo
Mareykanka oo ay sheegtay inay iyagu iska soo ururiyeen
kharash ka badan 2500-USD, waxayna intaasi ku dartay in
haddii ay yihiin ururka Maandeeq ay iyaguna gaarsiin doonaan
gacmaha dadkii loo soo dhiibay.
Qoysaskan oo ka badan 298-Qoys ayaa waxaa soo gaaray
kharashaadyo kala duwan, walow intooda badan la siinayay
lacagta Shilin Soomaaliga ah oo qofkiiba soo gaartay Lacag
dhan 150-Shilin Soomaali, ayaa hadana waxaa jirtay in shan
qoys oo ka mida la siiyay lacago Dollar, iyadoo qoyskii ugu
badnaa uu helay Lacag dhan 300 USD$, waxaana qoyskan oo ka
koobnaa Hooyo iyo laba Wiil oo mataano naafo ah ay ka soo
barakaceen dagaaladii Muqdisho, waxaana labada wiil oo iyagu
naafo aad u liita ahaa ay u mahad celiyeen dadkii u soo
dhiibay lacagtan.
Sidoo kale qoysaska kale ee helay lacagta Dollarka ah ayaa
iyagu ka koobnaa hooyo iyo shan caruur ah oo ay dhashay,
taasoo halkaasi ka sheegtay in ninkeedii uu ku geeriyooday
dagaaladii Muqdisho ka dhacay, isla markaana iyaguna ay
isaga soo qaxeen, sidaas darteedna ay ka mahad celinayaan
gurmadka bani'aadaminimo ee ay u fidiyeen walaalahooda ku
sugan dalka dibadiisa.
Dhinaca kale degaanada u dhaxeeya magaalada Muqdisho iyo
Afgooye oo ay buux dhaafiyeen dad ka barakacay dagaaladii
Muqdisho ayaad ku arkeysaa hareeraha wadada laamiga ah,
kuwaasoo ay soo wajahday dhibaatooyin kala duwan, waxaana
ugu daran dadka markoodii hore qaxootiga ku ahaa magaalada
Muqdisho, oo ay saameeyeen dagaaladii ka dhacay kuwaasoo aan
heysan wax ay cunaan iyo meel goob ay kaga gabadaan dhaxanta
iyo roobka.
Hase yeeshee ururka Maandeeq oo sanadadii la soo dhaafay mar
walba u taagnaa inuu caawiyo dadka soo barakacay, aqoonta
iyo wax ka qabashada arrimaha bani'aadaminimada ayaa iminka
gacan ka geystay sidii ay dadkaasi ku heli lahaayeen gargaar
dhaqaale ee ay ku deeqeen Jaaliyadaha Soomaaliyeed ee Yurub
iyo Mareykanka, waxaana Guddoomiyaha ururka Maandeeq oo
faahfaahin ka bixinayay kharashka kaalmada ah.
Muuse Maxamuud Jiisow
somali39@hotmail.com
Muqdisho Somaliya
025215576666
002521653623
Deeqdii Ugu Horaysay Ee Ay
Soo Dhiibaan Haweenka Jaaliyada Somaliyed Ee Newzeland Ee
kaSoo Jeeda Gobolada SSC.
Haweenka Jaaliyadda Soomaliyeed ee ku nool dalka Newzeland
kana soo jeeda Sool, Sanaag iyo Cayn (SSC) ayaa deeq
lacageed oo ay soo direen maanta loo qaybiyay Qoysas
Soomaaliyeed oo ka soo jeeda gobollada Sool, Sanaag iyo Cayn
(SSC), waxaana qoysaskaan ay ahaayeen kuwo ka barokacay
Muqdisho.
Qoysaskaan oo ka koobnaa 37-qoys ayaa waxaa deeqdaan
lacageed loogu qaybiyay duleedka Muqdisho, Ceelasha Biyaha,
Afgooye, KM 13 illa Degmada Marka oo loogu diray, waxaana
qoysaskaan ka mid ah afar qoys oo ay aabbayaashood dhinteen.
Deeqdaan lacageed oo gaaraysa 700-Dollar ayaa waxaa lagu soo
hagaajiyay weriyeYaasiin Maxamed Cali (Feytin) oo Muqdisho
ku sugan, waxaana deeqdaan la gaarsiiyay Qoysaskaas oo aan
haysan lacago, kaddib markii ay ka qaxeen Muqdisho.
Xaliimo Cumar Gurey oo ah haweeney haysata 8-caruur oo agoon
ah oo deeqdaan qaarkeed la gaarsiiyay ayaa waxay sheegtay
inay deeqdaas lacageed soo gaartaya iyadoo baahi weyn u
qabta, waxayna si weyn ugu duceystay Haweenka Jaaliyadda
Soomaaliyeed ee Newzeland.
"Waxaan helay lacag dhan 50-Dollar anigoo baahi weyn ay ii
haysay lacagtaas, waxaan kaga mahadcelinayaan deeqdaas
lacageed Walaalahay ku nool dalka Newzeland, anigoo EEBBE
uga rajeynaya inuu ugu badalo wax ay ku farxaan" ayay tiri
Xaliimo Gurey oo intaas ku daray: "Baahida na haysa wallaahi
cid ALLE aan ahayn oo loo sheegto ma jirto, balse waxaan
kaga Mahadcelinaynaa Haweenkaan Soomaaliyeed ee noo gartay
inay lacag noo soo diraan annagoo baahi weyn u qabna".
Qoysaska oo qaarkood ay ahaayeen kuwo aan haysan wax hanti
ah, kaddib cararkii ay kaga soo carareen Muqdisho dagaallo
qaraar oo ka dhacay Muqdisho, kuwaasoo u dhexeeyay Kooxo
hubeysan oo isbadal doon ah iyo Dowladda Federaalka
Soomaaliya.
Haweeney kale oo lagu magacaabo Saynab Maxamed Cabdi oo
ahayd hooyo Uur leh kuna sugnayd agagaarka Ceelasha Biyaha
ayaa waxay si weyn uga mahadcelisay deeqdaan lacageed oo la
gaarsiiyay, waxayna sheegtay inay RABBI uga baryayso
Haweenka Jaaliyadda Soomaaliyeed ee Dalka Newzeland inuu
dhaxalsiiyo wax ay ku farxaan.
"Waxaan ahay hooyo haysata dhowr caruur ah, odaygii wuxuu
nooga dhaawacmay dagaalladii qaraaraa ee Xamar ka dhacay,
waana kan inta jiifa, deeqdaannada waa mid aan ku
faraxsannahay innagoo dhan" ayay tiri Saynab oo waxyar
kaddib farta ku fiiqaysay odaygeeda oo dhex jiifa guri ka
sameysan teendho oo halkaas ugu yaallay.
Cawil Canjeex oo ah wiil dhallinyaro ah oo qoyskaas aabbe u
ah ayaa wuxuu jiifay guri ka sameysan teendho oo uu inoo
sheegay inay deggenaayeen intii ay dagaallada ka socdeen
Muqdisho, waxaana ka muuqday dhaawac rasaas ah oo ka gaartay
dagaalladii Muqdisho.
Qoysaska lacagaha deeqda ah la gaarsiiyay oo qaarkood ay
haysateen caruur agoon ah ayaa waxay sheegeen inay si weyn
ugu farxeen deeqda, waxaana sido kale dhoobnaa goobta
deeqaha lacageed lagu guddoonsiinayay qoysaskaas caruurta
agoonta ah iyo kuwo kale oo ku faraxsanaa deeqdaas la
gaarsiiyay, iyadoo goobjoog ay ka ahaayeen bixinta deeqdaas
Guddiga Beesha SSC ee Magaalada Muqdisho.
Yaasiin maxamed cali (faytin)
yaasiinfaytin@hotmail.com
002521-5580916
Corneyl cabdi xasan cawaale
( qeybdiid ) oo ka hadlay howgalada amaanka lagu sugayo oo
ay ka wadaan suuqa bakaaraha
Markii ugu horeysay ayaa Ciidamada Dowladda Federaalka KMG
ah ee Soomaaliya ayaa saakay lagu arkayey iyaga oo degay
isgoysyo hor leh oo ka tirsan magaalada muqdisho , kadib
sided maalmood oo dagaal dadbadani ku hoobteen ah markii uu
dhacay ayey si rasmi ah gacanta ugu dhigeen meelo muhiim ah
.
Taliyaha
ciidanka boliska qeybta hogaamineyso howgalada amaanka lagu
sugayo ee suuqa bakaarha corneyl cali axmed oo saxaafada la
hadlayey ayaa sheegay in uu Ciidamadan saakay howlo baaris
ah ka bilaabay Isgoysyada Waaweyn ee wadada wadnaha, kan
Sodonka iyo wadooyinka kale ee magaalada, iyadoo markii ugu
horeysay ciidamada dowladda saakay lagu arkayey isgoyska
Howl-wadaag iyo Isgoyska Bakaaraha oo amaanka Suuqa
bakaaraha ay si rasmi ah ula wareegeen ciidamada dowladda.
Arintaan ayaa waxaa ay ka danbeysay wadahadal dhex maray
taliska sare ee ciidanka boliska somaliyeed iyo gudiga
ganacsatada gobolka banadir oo wada hadal dheer ka dib la
isla meel dhigay dhowr qodob oo amaanka wax looga qabanayo
Isla markaana lagu badbaadinayo hantida umada ka dhaxeyso ee
taala gudaha suuqa bakaaraha
Waxaana la isku afgartey in baritaano laga fuliyo suuqa
bakarha isla markaana ciidanka boliska lagu daro ciidamo
horey ay ganacsatadu u qorteen oo tiradoodu gaarayso ilaa
200 kuwaas oo amaanka bakaarha gacantoodu horey ugu jiray
balse haatan wixii ka danbeeyo ay hos tegi doonaan ciidanka
boliska somaliyeed
Prof. Cali Maxamed Geeddi oo Diyaarad Militari oo
Itoobiyaan ah keentay Afgooye:29/12/06, Sawirka: AP |
Maanta ayaa markii ugu
horeysay ciidanka dowladu la wareegay gacan ku heynta inta
badan ee magaalda muqdisho sida suuqa weyn ee bakaaraha iyo
wadooyinka soo gala kana baxa sidoo kale ciidamada dowlada
ayaa gaafwareegyo isgoysyada waaweyn sida isgoyska bakaaraha
, isgoyska balack sea , isgoyska baar ubax , isgoyska
howlwadag, , isgoyska kaasa bobolaare taalaabooyinka noocaan
ah ayaa ah kuwo lagu sugayo amaanka guud ee magaalda
muqdisho iyaga oo degay saldhiga boliska howl wadag manta oo
la soo dhobay ciidamo fara badan
Arintaa ayaa waxaa saxafada u xaqiijiyey taliyaha booliska
somaliyeed corneyl cabdi xasan cawaale qeyb diid isaga o
sheegay in si amaanka loo sugo laga ma marmaan tahay in
kaarar aqoonsi ah la siiyo ilalada suuqa bakaarha ee la
howgelaya cidamad adowlada
Ciidamada booliska ayaa burbruriyey sandaqado wadada ku
dhexdhisnaa oo sharcidaro lagu sheegay in arkoodii horeba
lagu dhisay waana markii labad ee ay ciidaada dowladu
burbriyaan sandaqado si sharci daro ah wadooyinka looga
dhexdhisay iyada o goor sii horeysane laga burburiyey
agagarka KM4 dhismayaashii cooshadaha ahaa ee wadad
hareeraheeda ku dhisnaa kuwaa soo dad ganacsatoa h ay
lahaayeen .
Dhanka kale waxaa la soo gabagabeeyey aasitaan meydad hor
leh loogu aasayey xabaalo wadareeyo kaas oo ka dhacay
xaafadihii ay degaaladu sida aad ka ah uga dhacayeen oo loo
geliwaayey maaliihii ay shaqeyneysay xabadjoojintii iyo kuwo
ka danbeeyey waxaana ku jiray meydad bil ka badan warnaa
wadaooyinka oo qalalay kuwas oo noqday dhar iyo lafo iyo
timo waana cuslaatey in la aqoonsado arintasine waxey ka
dhacday isgoyska towfiiq iyo inta u dhaxeyso hotel bin cali
halkaasi oo ay weli u sugan yihiin ciidamada thiopia waxaana
ay shacabkii bilaabeen in ay dib ugu soo laabtaa guryahoodii
iyo qaar soo indho indheynayey wallow ay jiraan guryo la
dahcay oo haawinayo kuwaas oo aan lagu arag wax qalab ah oo
ooga tegey dad raxan raxan u socdo ayaa waxaa lagu arkayey
xafadaha cali kamiin towfiiq ,fagax, hotel ramadaan
yaaqshiid ,xamar bile arjantiin ,xafada jamhuuriya iyo heli
waa iyo kuwo kale oo dhaantooda xaaladdu ay hada degan tahay
mana jiraan wax iska horimaadyo ah oo ay la kulmeen ciidamda
howgalada ka fulinaya magaalda muqdisho
Muuse Maxamuud Jiisow
somali39@hotmail.com
Muqdisho Somaliya
025215576666
00252165362
Faafin: SomaliTalk.com |
Apr 29, 2007
Dhagaxbuur:
74 Qof oo Ku Dhintay Weerar lagu qaaday Xarun ay
Shiinuhu Batrool Ka Baarayeen..
9 qof oo shaqaale Shiine ah ayaa ka mid ah dadka ku
dhintay weerarkaas oo ay sheegatay jabhadda...
Akhri...
Qabsashada
Sharcidarada ah ee Itoobiya iyo Xasuuqa ummadda...
Shir weyne lagu qabtay magaalada
Minneapolis ee dalka Maraykanka ayaa looga hadlay xaalada
Soomaaliya..
Akhri...
BAYAAN
KA SOO BAXAY JAALIYADDA DAAROOD EE LONDON, UK...
Waxayna ugu baaqeynaa
ummadda Soomaliyeed in ay ka qayb galaan dagaalka looga xoreynaayo dalka
gumeystaha Itoobiya iyo in...
Akhri...
Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
Soomaalidda
Minneapolis oo ka mudaaharaaday Xasuuqa Muqdisho
In badan oo ka tirsan jaaliyadda
Soomaaliyeed ee Minneapolis ayaa ka qayb qaatay banaanbax
Akhri...
|