Jawab : Cawil oo lagu tuhunsan yahay
weerarkii Madaxweynaha.......
Ducaale Hadal Wanaaje II
Nov 26, 2004
Waad salaaman tihiin dhammaan
saaxiibada webka iyo netka gaar ahaan qofka soo qoray maqaalkan aan
rabo in aan uga jawaabo ( Mrs. Baydan Samatar Khalaf ) on 23 - Nov -
2004
Horta marka hore rali iga ahaw abbaarka
magacaaga Mrs. oo aan anigu kolay u aqaan magaca ( Baydan ) mid dumar
haddii aanan khaldanayn.
Mrs. Baydan waxa aan kuu sheegi lahaa
in aan si fiican kuula qabo tuhunka aad saartay in Md. Cawil
Wasiirka Maaliyadda JSL uu ka danbeeyay shirqoolkii habaysaan ee la
rabay in lagu khaarajiyo Madaxweyne C/Yuussuf-Yey Arbacadii Nov.
17.2004. Sababta oo ah :
1. Waxa aad soo bandhigtay tuhun aan
dadka intiisa badani garan oo fahmi karin illaa iyo nin ka soo
shaqeeyay hay'adaha sirdoonka iyo khaarajinta mooyee !
2. Md. Cawil oo ah nin aad ugu daran
hawlaha noocaas ah sida aad sheegtay oo ah nin aan gabbanahayn
haddii uu u helo fursad ama uu arko dagnaan meesha ku jirta.
3. Ragga lagu sheegay Dir woqooye oo
aan ka fogayn qaar halkaas u joogo hawlo lala xidhiidhin karo wada
shaqayn iyo in ay leeyihiin gacan saar Dawladda JSL qaarkood. meeshu
waxa ay noqotay booraan dawaco oo cid waliba waa ay joogtaa iyaka oo
isku sheegaysa in ay u joogaan arrimo ku saabsan heshiis iyo Somali
wax ha loo qabto. Waxa aan ka cabsi qabaa in ay soo noqnoqdaan
arrimaha noocan oo kale ahi. Tan waxaa loo qaadan karaa digniin iyo
taxadar in la sameeyo in kasta oo aan ku kalsoonahay dhallinyarada
ilaalada C/Yuussuf ee ka soo raacday P/Land iyo Garoowe.
4. Waxa aan u qabay ilaalada
Madaxweynuhu in ay yihiin qaar cirka laga soo hindhisay oo dadka ba
ka foojigan oo aan libiqsi lahayn si ay wadka uga ilaaliyaan
Madaxweynaha la doortay Md. C/Yuussuf Axmed Yey.
5. Sida uu u dhacay shilku waxa uu
garan karayaa ninkii aqoon iyo waaayo aragnimo u lihi in ay xiriir
la leedahay qaabkan cusub ee aad moodo inuu hadda bedelay dagaaladii
maliishiyada qabaa'ilka ee hore u dhici jiray oo ay tani tahay
farsamo cusub oo ah nooca loo yaqaan "Kill in an ambush" Khaarajinta
habaysan ee ku talo galka leh sida hadda ka socota meelo ka mid ah
Xamar.
* Waxa aan ku talin lahaa in ilaalada
Madaxweynaha loo badiyo dumar kuwaas oo sida la ogyahay ka
foojignaan badan ragga sida la xaqiiqsaday tijaabo uu qaaday
Madaxweynaha dalka Libya Mucamar Al-Qadafi.
* Waxa kale oo aan ku tallin lahaa in
indho gaar ah loo yeesho dadka ka soo jeeda qaybaha la ogyahay in ay
walaac ka muujiyeen doorashada C/Yuussuf Axmed ee meelahaas ku sugan.
* Madaxweyne C/Yuussuf waxa uu inagu
joogaa xoolo fara badan iyo waqti fara badan oo haddii si fudud lagu
waayo dib u soo kici mayno. Niyadda noo dhisan tahay ayaan wax loo
dhigaa ba jirin.
Mahadsanid.
Ducaale Hadal Wanaaje II
Daabaco
Boggan | Print
Warbixin
:xafladdii
soo dhawaynta dowlada cusub ee somalia oo ay qabteen
jaaliyadda somalida ee dalka Malaysia. 
Guddoomiyaha
ururka DDP: Taageero madaxweynaha: Wixii talo ah ee aad u baahatidna
diyaar ayaan kuula nahay. Waana kuu ducaynaynaa..
