Muraaradillaaca iyo maangaabnimada Faysal Cali
Waraabe!!
Aden Ahmed
johor65@yahoo.co.uk
Nov 27, 2004
Asalaamu caleykum
Waxaa caado u noqotay ina Cali Waraabe iyo inta la
fikirka ah ee ku maaweeliya naftooda riyada
dhalanteedka ah ee goosashada, ineey mar kasta oo
saansaan nabadeed ama bidhaan dowladeed kasoo muuqato
koofurta Somalia ineey qaylo (waawareey iyo
warhayaay!) ay af labadi yeeraan, ayagoo u arka in
dagaalka iyo colaadaha oo kasii jira koofurta Somalia
ay tahay sida keliya oo ay ku gaari karaan ujeedadooda
guracan ee gooshada.
Waa yaabe, ina Cali Waraabe haddii uu wado dan Hawiye
sida uu sheeganayo, muxuu uga hadli waayey maalinkeey
is dilayeen oo colaaduhu dhex yiileen oo dhiigoodu uu
daadanyey, oo maanta ooy go'aansadeen ineey heshiiyaan
dhexdooda, lana heshiiyaan soomaalida inteeda kale ka
qeylisiinaya? maxaa keenay namiimnimada, diradiraalaha
iyo isku soofeynta umaddaan colaadu dilootay oo u
baahan in maslaxad la dhexdhigo sida diinteennu na
fareyso?
MAGACA
SOMALILAND WAA BEER: BEERNA HILIBKAA LAGU SUGAA
Ma runbaa in
Gobolkaasi uu goostay intii uu awal kula shirkoobay Koonfurta
Soomaaliya? Yaa rabay awal midowga? Ma Siyaasiyiinta mise Shacabka?
Fahad
|
"hadii
ay saraakiisha socdaalka Jamhuuriyadu ogaan lahaayeen in uu yahay
qoraa nacab ah oo qalinkiisa ku minjo xaabinaya qadiyada gooni isu
taaga somaliland waxaan hubaa in laba dible loo xidhi lahaa ee waxa
laga yaabaa in ay u qaateen walaweynta faraha badan ee u soo tuugsi
taga magaalooyinka camiran ee Somaliland"
Salahudin |
"Miyaan niman Waqooyi u dhashay ku heesin: marti waa la sooraa, magan waa la
bixiyaa? (Ina Ibraahin Cigaal iyo Riyaale maxay dhaheen? Marti waa
la raafaa, magan waa la dhiibaa!)"
C/Waaxid
|
"dadkaasi
la qabtay waxaa lagu tuhmay inay ka mid yahiin ama ku jiraan urur ka
mamnuuc ah Dalka aanu dariska nahay ee Ethiopia oo magaciisa la
yidhaahdo ONLF"
Diridhaba
|
Kuwii
sannadihii hore gacanta lagu dhigayna dhamaantood dawlada Itoobiya
gacanta loo galiyey, waxaana la xaqiijiyey in ay dadkani ahaayeen
dad maato ah, oo dad ay qaraabo yihiin ugu yimi hargeysa si ay ula
noolaadaan"
Asad |
"Shacbiga Somalilandna aan qasab koonfur loogu sanduleyn Karin,
ictiraafkeedana aanay is hortaagi karin dad cuqdada ka qaba sida
labada wiil ee ILMA SAMATAR. "
Faysal
|
"7/12/2002
ayuu madaxwaynaha jamhuuriyadda somaliland mudane daahir riyaaale
kaahin booqasho uu ugu diyaarinaayo doorashooyinka dawladaha hoose
ee ka dhacayay guud ahaan dalka ku tagay laascaanood, wax yar uun
caga dhigashadiisii kadib ayaa rasaasi cir iyo dhul iska qabsatay
meeshii uu ku degey"
XagarYare |
Doodii Dadweynaha ee 2001
|
Miyuusan aheyn ina Cali Waraabe ninkii shalay lahaa,
markii C/qaasim lagu soo doortay Carta "inanka Hawiye
ee ku dhashay Muqdisho waxaa iiga sokeeya inanka
xabashiga ah ee ku dhashay Addis Ababa"? Maantase ma
ka dhaadhicin karaa Soomaalida fayoow ee miyirka qabta
inuu kala jecelyahay C/qaasim oo Hawiye ah iyo
C/llaahi Yusuf oo Daarood ah? Mayee ina Cali Waraabe
iyo inta la fikirka ahba waxay jeclaan lahaayeen sida
ka muuqata qoraalkiisa, in dagaalada koofurta somalia
aysan marnaba istaagin oo dhiiga ummadda masaakiinta
ah la daadiyo, si ay ku gaaraan riyo maalmeelkooda
khiyaaliga ah waa sida ay iska dhaadhiciyeene.
Ina Cali Waraabe wuxuu ku qancay oo weliba u
hambalyeeyey madaxweynanimada Ina Riyaale oo ka ahaa
Col. NSS ah xukuumadii Ina Siyaad Barre asagoo
ujeedadiisu tahay una daneynayaya in Hargeisa iyo
Burco si nabad ah loogu wada noolaado. Arintaasi ma
xuma oo waan jeclahay in dhulka somaaliyeed nabad
loogu wada noolaado, laakiin bal isweydii Faysal muxuu
ku diiday madaxweynanimadii C/qaasim iyo tan C/llaahi
Yusuf?. Wuxuu ku diiday oo uusan dooneyn marnaba in
nabad loogu wada noolaado Muqdisho iyo koofurta
Somalia.
Miyeysan na fareyn diinteenna suuban inaan la jeclaano
walaalkeenna muslimka ah waxa aan nafteena la
jecelnahay?
Haddaba arinta Somalia waxay u dhigantaa hal guri oo
dab qabsaday, haddii walaalaha waqooyi guriga dhinaca
ay ka degganaayeen dabkii ka damiyeen, ma aheyn ineey
ku fiirsadaan walaalahooda koofureed dabka ku shidan,
laakiin waxaaba kaba sii xun oo ka daran inaad ka
naxdid mar alla markaad aragto walaalaha koofureed oo
isku dayaya ama doonaya ineey iska damiyaan dabkaas,
sida ay noo muujiyeen ina Cali Waraabe iyo inta la
qabta fikradiisa guracan ee ku dhisan isku dirka iyo
kala qoqobidda dadka walaalaha ah.
Ma jecli inaan beel dhan oo leh wax kasta, oo ay ka
buuxaan dad wanaagsan oo jecel nabadda iyo kuwada
noolaansheeda inaan wax ka sheego sida Ina Cali
Waraabe u jaa'ifeeyey beelo badan oo Soomaliyeed,
laakiin waxaan meesha ku jirta oo aan la dafiri karin
in walaalaheen reer waqooyi ay hogaanka u qabteen oo
durbaan been ahna u tumeen Ina Cali Waraabe iyo kuwo
la fikir ah, kuwasoo walaaheen u tusay in soomaalida
kale oo dhan ay yihiin cadowgoodii 1aad, ayna ku gaari
karaan ujeedadooda ka fogaanshaha iyo colaadinta
soomaalida inteeda kale. Duulkaas uu ka mid yahay ina
Cali Waraabe iska daa faa'iido ay u keenaan
walaalaheene waxay halis u gelinayaan ineey badaan ama
ku kallifaan qoqob ama go'doon aan Ilaahay badin.
Waxaana taa daliil u ah, sidaan la soconno Jabuuti
waxay yiraahdeen, waxay ka shaqeyneysaa nabadda iyo
midnimada Somalia oo waa cadowgeenna, soomaalidii
kilinka shanaadna la isma tuso, Somaalida koofurtana
warkeedba daa!. Marka haddii ay idinku direen wixii
magac soomaali sheegta, waayahaye, xaggee idiin
wadaan?!!
Gunaanadkii, Ina Cali Waraabe mid baan oranayaa,
waxaad sheeganeysaa inaad siyaasi tahay, laakiin
siyaasaddu sidaa maaha, ninkaad siyaasadda isaga
horjeedaan maaha beeshiisa inaad aflagaadeyso, asaga
laftigiisa shaqsi ahaan inaad u caydo maaha, laakiin
waa inaad siyaasaddiisa dhaliilaheeda umadda u
sheegtaa, adigoo waliba caddeyn raacinaya. Tusaale
ahaan, waxaad sheegtay in beesha C/llaahi Yusuf oo
laga tiro badan yahay ineey rabto iney somalia
xukunto. Ka waran Ina Riyaale oo aad waliba
madaxweyne u aqoonsan tahay kana taliya waqooyi?! Ma
beeshiisaa ugu badan gobolada waqooyi?! Sow
munaafaqnimo iyo waliba siyaasad xumo maaha
hadalkaagu?!! Waxaad sheegtay beesha C/llahi Yusuf
ineey khiyaano ku caan baxeen, taasna waxay
muujineysaa, adiga iyo cadaaladdu meeshaad kala
joogtaan, oo runtii cadaaladda oo ah tan soomaalidu
maanta aadka ugu baahan tahay aad baad uga fog tahay.
Sidee beel dhan ugu tilmaami kartaa kha'imiin.
Tusaale, hadda adiga waxaa kugu cad sida laga
aqrisanayo qoraalkaaga namiimnimo iyo diraraale, ogoow
dad waxaa kuu xiga waalidkaa iyo walaalahaa lamana
su'aalayo danbigaad geysato, beeshaadana iskaba daa,
ee adiga qura baa u qoollan oo lagu weydiin waxaad
geysato.
Fiicnaan laheydaa faysalow intaad ka shaqeyneysid isku
dirka umadda inaad ka shaqeyso maslaxadda, nabadda iyo
wadanoolaansha dadka walaalaha ah oo aan sina u kala
maarmin, waliba adigoo ku nool wadan Europe ah oo
indhahaaga ku arkay sida umad kala af ah, kala diin
ah, kala midab ah oo waliba kala sinji ah ay nabad ugu
wada nool yihiin. Maxaa kugu qasbaya inaad kala geyso
iskuna dirto umad isku af ah, isku diin, isku midab ah
isku sinji ah?
Nabad iyo barwaaqo
Aden Ahmed
johor65@yahoo.co.uk
Faafin: SomaliTalk.com | Nov
27, 2004
Afeef: Aragtida qoraalkan
waxaa leh qoraaga kus axiixan
Kulaabo bogga www.SomaliTalk.com
|