madaxda  cusub  ee soomaaliya inay u qalmaan magaca  Ummada Soomaaliyeed marka laga eego dhanka   kartida , aqoonta, sumcada,wadanimada, iyo  maaraynta  qaabka dawladeed.

Akhristaw anoo dhawraya waqtigaaga iyo kaygaba  oo  aan ku  dheeraan  arar  iyo  hordhac midna

waxaa  ii soo baxay in raga soomaaliya maanta loo dhaariyay  ha ahaadeen golo sharci (Baarlamaan) ama  golo fulin (Golaha wasiirada)   intooda  badani  aanay u  qalmin   inay huwadaan magaca  iyo masuuliyada ummadda soomaaliyeed   waayo?

Maanta aduunkan  aan ku  nool nahay wax yaalo  badan baa magacoodii laga badalay oo wax yaalo aad u xun xun baa loo bixiyay magacyo  aad u bilicsan  oo hilaacaya waxyaalo aad u  wanaagsanaana waxaa loo bixiyay magacyo aad u fool xun oo naftu ka dido ilaa  ruuxu is dhahi  karo kani ma aha  caalamkii  aad sanado ku so noolayd  ee waxaad joogtaa koon iyo aduun kale.

Dadwaynaha soomaaliyeed  baan soo  dhex dhigayaaye  ma ku haboon tahay  in  nin wadankeena

ku  aasay sun  khatar ah  oo  aafo dheer leh, isla markaana qaatay  lacag adag  loogu yeedho mudane somaaliyeed  oo huwan magaceena?

Ma haboon tahay in wasaarad  diineed  loo dhiibo  taliye maleeshiyo  qabiileed oo dad badan gumaaday, kuwa uu gumaadayna ay u  badan yahiin qabiilkiisu?

siday tahay hadii nin  wadankeena daroogo  ku abuuray loo dhiibo wasaarad muhiim ah?ama  ku kale oo deegaano iyo dhul beeraad dad masaakiin ahi leeyahiin xoog ku haysta?

Ruux waliba isagaa  u madax banaan aragtidiisa iyo fikirkiisa laakiin maxaa lagu daweeyaa  hadii  daawadu  bukooto?

waxaan  qabaa in mudanayaashan cusub iyo wasiiradan cusiba ay  hafaryo ku yahiin Ummadda Somaaliyeed  isla markaana  aan leenahay Dad  badan oo aqoon, dhaqan, iyo somalinimo  intaba kaga fiican, in  badan oo  ka mid ah ragaan maanta is doortayna  ay yahiin  Rag  galay  danbiyo dagaal oo ka dhana   dadka  shacibka ah.

Ugu danbayntii  ma ahi mid   ilawsan baahida aan u  qabno   dawladnimo,  mid ilawsan magaceenii  laga waayay   goloyaasha dawliga ah ee aduunka,  dadkeena meel walba ku silcaaya iyo dumarkeena wadooyinka ku dhalay midna,ma  ahi calooshii la cayaar   qurba jooga oo iska hadaaqi rifanimana u dhashay laakiin waxaan qabaa  inaan ragaani somaaliya  meel la mahadiyo gaadhsiin doonin  taariikhduna iayadaa  is qorta oo wax walba cinwaankiisaa laga fahmaa.

Mohamoud Hagi
rage4445@hotmail.com

suxufi  madax banaan