Warar: July 29, 2007
- Cali cabdow "Maalin walba labo Haween
Soomaaliyeed ayay Ciidmaada Itoobiya qaadsiiyaan cudurka AIDS-ka".
- C/llaahi Yuusuf
"Waan ka damqaday wixii ka dhacay....."
- Qaraxyo iyo iska hor imaadyo ka dhacay Muqdisho
- Geedi oo Magaalada Adis-Ababa kulan
kula yeeshay Wasiirka Arrimaha Dibadda ee Faransiiska.
Cali cabdow "Maalin
walba labo Haween Soomaaliyeed ayay Ciidmaada Itoobiya
qaadsiiyaan cudurka AIDS-ka".
Wasiirka arrimaha
dibadda ee dalka Ereteriya Cali Cabdow Axmed ayaa mar uu u
waramayey taleefishinka Al-Jasiira waxa uu sheegay in dhibaatada
ka taagan Soomaaliya ay ugu wacan tahay CIidmaada Itoobiya oo uu
sheegay.
"Maalin walba waxaa la
gumaadaa Ummadda Soomaaliyeed, waxaana laga buuxiyaa xabsiyada"
ayuu yiri Wasiirka arrimaha Dibadda ee Ereteriya, waxa uuna
intaa raaciyey"waxaan ogaanay in maalin walba labo haween
Soomaaliyeed Ciidamada Itoobiya qaadsiiyaan Cudurka AIDS-ka,
marka ujeedada Itoobiya waa sidii ay uga aarsan lahayd una
baabi'in lahayd Ummada Soomaaliya".
wasiirka arrimaha
dibadda waxa uu beeniyey warar dhawaan ka soo yeeray ururka
Midowga Afrika oo ahaa in Ereteriya ay hub gaarsiisay kooxo ka
soo horjeeda Dowladda Federaalka, waxa uuna warkaasi ku
tilmaamay mid aan sal iyo raad toona laheyn oo ladoonayo in lagu
marin Habaabiyo ummadda Soomaaliyed.
Wasiirka waxa uu
sheegay in Dhibaatada Soomaaliya aysan marnaba degi doonin tan
iyo inta ay Dowladda Itoobiya faragelinta ku hayso arrimaha
Soomaaliya, isagoo soo jeediyey in arrimaha Soomaaliya loo madax
banaaneeyo ummadda Soomaaliyeed.
C/llaahi Yuusuf
"Waan ka damqaday wixii ka dhacay....."
Madaxweyne C/llaahi
Yuusuf Axmed oo hadda booqasho ku jooga Magaalada Madaxda Maamul
Gobaleedka Puntland ee Garoowe ayaa mar uu kulan la yeeshay odoyaal
iyo waxgarad ka tirsan Maamulkaasi ayaa waxauu sheegayin uu si
dhaqsi leh waxa uga qaban doono xaaladda ka taagan maamulkaasiee la
xiriirta dhinaca nabadgelyada iyo Maciishada.
C/llaahi Yuusuf waxa
uu sheegay in wixii ka dhacay Maamul Gobaleedka Puntland uu si aad
ah uga damqaday, isagoo sheegay in talaabo laga qaadi doono wixii
sababay in dadweynuhu qayliyaan kana damqadaan maciishada cirka isku
shareertay.
C/llaahi Yuusuf waxa
uu sheegay in ay jiraan dad doonaya in ay qalqalgeliyaan ammaanka
iyo xasiloonida ka jirta maamul Gobaleedka Puntland, hase yeehsee
carabka kuma dhifan dadkaasi.
WAxgaradkii iyo
Odoyaashii ka qaybgalay kulankaasi ayaa waxay ka codsadeen
Madaxweyne C/llaalhi Yuusuf Axmed in u Talaabo ka qaado dadka
cunqabateynta maamul gobaleedka Puntland, waxay kaloo ka
codsadeen in isbedel lagu sameeyo maamulka Puntland gaar ahaan
maamulada hooose.
C/llaahi Yuusuf waxa
uu isla shalay kulan deg deg ah la yeeshay maamul Gobaleedk
aPuntland oo ay ka wada hadleen xaaladda ka taagan maamul Gobaleedka
Puntland sida nabadgelyada iyo sicir bararka, isagoo sheegay in
xiriir iskaashi uu ka dhexeeyo Dowladda Federaalka iyo Maamulo
Gobaleedka Puntland loona baahan yahay in arrintasi la sii adkeeyo.
wAxaa la filayaa in
C/llaahi Yuusuf uu saacadaha soo socda gaaro magaalada Boosaaso,
halkaas oo uu kulamo kula yeelan doono dadweynaha ku nool Boosaaso.
Qaraxyo iyo iska hor imaadyo ka
dhacay Muqdisho
Waxaa Magaalada
Muqdisho weli ka sii socda qaraxyada iyo iska hor imaadyada ka jira
oo u dhexeeye ciidamada Dowladda iyo kuwa Itoobiya oo isku dhinc ah
iyo kuwa ka soo horjeeda, waxayna iska horimaadyo ka fool ka
fool ka dhaceen meel ay deganaayeen ciidamada Dowladda Federaalka
ooku taala agagaarka Xayle Bariise ee Deegaanka Heliwaa,waxaana la
isku adeegsada hubka noocyadiisa kala duwan, waxaana la sheegay in
dad rayid ah ka soo gaartay khasaaro rasaastii la siweydaarsaday,
sidoo kale ciidamada Itoobiya ee degan Warshaddii hore ee Baastada,
iyadoo rasaastii ay rideen ciidamada Itoobiya ay ku dhaawacmeen labo
qofood oo deganaa suuqa Xoolaha, sidoo kale shalay subaxnimadii ayaa
weerar banbaano ka dhacay Isgoyska Black Sea waxaana ku dhaawacmay
labo qofood.
Qaraxyadan ayaa waxay
sii xoogeysteen maalmihii ugu dambeeyey, iyadoo ay dhibaato ka soo
gaareyso dad rayid ah oo aan waxba galabsan, ilaa iyo haatan wax
natiijo ah oo soo kordhay oo ku aadan sidii qalalaasaha loo joojin
lahaa ma jiraan, iyadoo ay maalin walba Magaalada Muqdisho
baairtaano ka wadaan Ciidamada Itoobiya iyo kuwa Dowladda
Fedreaalka.
Geedi oo Magaalada Adis-Ababa kulan
kula yeeshay Wasiirka Arrimaha Dibadda ee Faransiiska.
wararka naga soo gaaraya
magaalada Adis-Ababa waxay sheegayaan in Ra'isul Wasaare Cali
Max'ed Geedi uu halkaasi kulan kula yeeshay wasiirka arrimaha
DIbadda ee dalka Faransiiska, waxayna isla soo qaadeen
taakuleynta Ummadda Soomaaliyeed iyo waliba ka miro dhallinta
Shirka Dib u heshiisint Ummadda Soomaaliyeed.
Ra'isul Wasaare Geedi
waxa uu uga warbixiyey Wasiirka Faransiiska xaaladda Soomaaliya gaar
ahaan Magaalada Muqdisho, waxa uuna sheegay in xaaladda Magaalada
Muqdisho ay haatan ka soo reyneyso, isagoo sheegay in arintaasi ay
gacan ka gaysteen Dowladda Federaalka oo gacanka helaya kuwa
Itoobiya, dhinaca kale xildhibaano ka tirsan Dowladda Federaalka
ayaa ka hor yimid kulan dhex maray Geedi iyo Wasiirka arrimaha
Dibadda Faransiiska, iyagoo ku tilmaamay mid lagu baabi'inayo
qarannimadii Soomaaliya, waxayna sheegeen Xildhibaanadaan aysan weli
dhicin in wafdi lagu qaabilo dal kale, waxayna sheegee
xildhibanaadaasi in xubno ka sareysa wasiir arrimo dibadeed ay
tageen magaalada Muqdisho ay kulamo la yeesheen xubnaha Dowladda
Federaalka.
Midowga Yurub ayaa
iyagu aaminsan in Magaalada Muqdisho aysan ka jirin xasilooni la
isku haleyn karo, waana midda midda keentay in Ra'isul Wasaaraha
soomaaliya iyo wasiirka arrimaha dibadda Faransiisku ku kulmaan
Itoobiya.
W/D; Amiin Yuusuf
Khasaaro.
E-Mail:
amiinkhasaaro@hotmail.com
Faafin: SomaliTalk.com | July 29, 2007
Doodii
Moshinka Baarlamaanka DFKMG ee ka Dhanka
ahayd xukuumada Prof. Geedi oo weji kale
isu rogtay
(Qaybtii
3aad ee doodda) - July 29
MADAX SARE OO HAY'ADDA
CARE KA TIRSAN OO SOCAAL KU MARAY
KARKAAR (DAAWO SAWIRO)
Dagaallo ciidammada
cadowga lagu waxyeelleeyay.
Dowladda Itoobiya oo qorsheneysa in ay
dhex dhexaadiso labada Gole ee Dowladda
Federaalka
.Booliiska iyo Milatariga oo isku haya
gacan ku haynta Suuqa
.Geedi oo la sheegay in Adis-Abab u
tagay sidii uu Meles..
.C/llaahi Yuusuf oo gaaray Magaalada
Garoowe...
.Haweenay Yuhuudiyad ah oo islaamtay,
Falastiina ugu..
.Dadweynaha Muqdisho oo ka walwalsan
dadka lala baxayo
Wararka
oo dhan ka akhri halkan... July 28
Ciyaarihii
ugu dambeeyey ee EuroSom iyo Qado sharaf
Jaaliyadda Soomaaliyeed ee Washington DC
oo deeq soo gaarsiiyey dadkii ku
waxyeeloobay dagaalada
- July
27
Xubno
ka tirsan Xiriirka Soomaaliyeed ee
K/cagta oo ka qaybgalay Siminaarkii
dalka Marooko
- July 27