Kuwo
Raali Galinta Alle Weyne Ka jeclaaday Rali galinta Ethopia iyo Maraykan.
Jamaal Mahamuud Ahmed Shuuriye
Kenya_Nairobi
Waxaa mudoo yinkii
udanbeeyey Saxaafada Gudaha Somaaliya iyo Saxaafada Dibada ee aduunkaba
is ka soo daba noqnoqonaayey Cajalad Video ah oo ku saab san Shiikh
Somaaliyeed oo lagu magacaabo Sh.Maxamed Sh.Ismaaciil oo lagu
jirdilaayo Xabsiga Magaalada Hargaysa si naxariista kafog isagoona
Shiikha Allaha garabkiisa galee Koronta lagu dhajinaayo waa sida
cajalka ka muuqataye.
Sh.Maxamed Sh.Ismaaciil Ayaa waxa uu
umuuqday markuu ka jawaabayey Su’aalo laweydiinayey nin ku kalsoon Alle
weyne Hadalkiisana kusalaynaya Quraanka kariinka isagoona aayado soo
daliilsanayey,Shiikha ayaa Waxaa markii sii hore lagu soo xiray Amar
kasoo baxay dawlada Federaalka Ethopia maamulka Somaliland Sidii lagu
yaqiinayba iyada oo fulinaysa Amarka Xukuumada Ethopia Xabsiga ayey
utaxaabtay Shiikh Maxamed Shiikh Ismaaciil.
Wararka ka imanaya Somaliland Gaar ahaan
caasimada Quruxda badan ee Hargaysa ayaa Sheegaya in guddi ka kooban
culuma'udiin iyo masuuliyin ka tirsan wasaarada garsoorka ee Somaliland
ay shalay gelinkii dame Abaarihii 10:45 ku soo booqdeen Sheekh
Maxamed Ismacil xabsiga uu ku sugan yahay ee magaalada Hargeysa.
Wararku waxaa ay intaa ku darayaan in sheekh Maxamed uu diiday inuu ka
jawaabo Su'aal guddigan waydiiday oo la xiriirtay in cajlada jirdilka ah
ee lagu baahiyay qaar ka mid ah Internetyada Somalida ay xaqiiq tahay
iyo inkale.
waxaase Sheekhu ku adkaystay inuu ka jawaabayo su'aashas kadib marka uu
la kulmo qareenkisa Garyaqaan Maxamed Siciid Xirsi oo loo diiday hada in
uu la kulmo Shiikha ayaa haatan waxa lamodaa in uu udhaxeeyo Laba Digsi
oo gubanaaya oo hadii uu cajalka Rumeeyana wax kasii darin waxii horay
loogula kacay ayaa lagayabaa in lagula kaco ,hadii uu Beeniyana Waxaa
adkaanaysa xaalkiisa xabsiga isagoona kusii nagaan doono.
Warar Hosaad lagu kalsoon yahay oo kasoo
baxaaya xarunta Somaliland ee Hargaysa ayaa Sheegaya in Madaxweynaha
Somaliland Mudane Daahir Rayaale Kaahin uu Qadka Teleefonka kula soo
xariiray Masuul katirsan dawlada wadanka Ethopia gaar ahaan Qaybta
Ladagaalanka waxa loogu Yeero Argagixisada Masuulkaas ayaa
Madaxweyne Rayaale kacodsaday in uu kusoo wareejiyo Shiikha Maxamed
arinkaas ayaa Madaxweyne Rayaale kabiya diiday Balse ugu danbayn tii
yeelay Sida wararka qeexayaan.
Wararka Hargaysa kasoo Baxaaya ayaa intaas
waxa ay kusii darayaan in Madaxweyne Rayaale uu Sheegay in aan Si deg
deg ah iyo si fudud toona aana lagu gudbin Karin Shiikha waayo Ayuu yiri
Madaxweynuhu hadii ay arinkaan Shacabku Maqlaan Qatar weyn ayaa ka
imaan karta, Balse Masuulkii katirsanaa dawlada Ethopia ayaa
Madaxweynaha usheegay in loo baahan yahay in sida ugu Dhaw loo soo
gudbiyo Shiikh Maxamed Shiikh Ismaaciil.
Arinkaan ayaa lagayabaa in ay suura gal
noqoto oo Shiikhaan Muslimka ah loo gacan galiyo Dawlada Ethopia ,Horay
waxaa maamulka Somaliland ay u Gacan galiyeen dawlada Ethopia Rag
Wadaado ah oo tiradoodu gaarayso 28 kuwaas oo aan ilaa iyo
haatan meel lagu sheegin iyadoona la sheegayo in qaarkood ay Dhinteen
kadib markii Koronto lagu qabtay halka qaarkalena ay Gubteen oo naftu
dirqi uga baxday markii laami kar karsan lagu riday wadaadaas ayaa
dhammaantood kasoo jeeday Gobolada Kilinka Shanaad ee Ethopia
Gumaysato.
Arinkaan Shiikha lagula kacay waxa uu
cadeynayaa in Ay Hargaysa Tahay meesha lagu Jirdilo Culumada Muslimka ah
iyadoo argagixiso lagu Tilmaamayo Sidoo kale Madaxda Usaraysa
Somaliland ayaa waxa ay umuqdaan kuwo Raali Galinta Alle weyne
kadoorbiday raali galinta Ethopia iyo Maraykan Madaxdu miyey
hilmaameen Awoodi alle weyne (Allaahu Akbar Allaahu Akbar Allaahu
Akbar) Guud ahaa Shacabka Somaliland Gaar ahaan Culumaa’udiinka ayaa
waxaa lagudboon in sida ugu Dhaqso badan ay Xoriyadiisi Dib ugu Soo
cesheen Shiikhaas sida xun loola dhaqmay iyo hadiiba ay jiraan Culumo
kale oo ayana aan la ogayn Balse xabsiga Hargaysa lagu qalanaayo.
Gabi ahaan Dadka Muslimiinta ah ee ku kala
nool Dunida dacaladeeda ayaa waxa ay aad ula wadayaabeen in dawlad iyo
dad Muslim ah oo Sooma Salaadana ay nin wadaad Si naxariista kafog
ujirdilaan Korontana ku dhajiyaan iyagoo raali galinaaya Gaalo, Culumaa
udiinka Muslimiinta ah ayaa waxa ay kacodsadeen Madaxda Somaliland in
ay Allahood usoo laabtaan kana tawbadkenaan falalka noocaas ah kuwaas
oo keeni karaaya in Masiibo ka dhacdo Gobolada Somaliland.
Shacabka Somaliland yeysan isku qaldin
Diinta iyo qadiyada Somaliland Diinta islaamku waa diin Muqadis ah hadaa
raacdana waad ku libanaysaa,Qof kasto oo reer Somaliland yuu san eegin
cadawga Somaliland sida uu ugu farxaayo Arinkaan ee ha eego Carada ka
imaanka karta Dhanka Alle weyne, Qofkasta oo reer Somaliland ahow Dib
udhigo arimihii qadiyadaada marakan isku hawl sidii loo sii dayn lahaa
Shikhaas Muslimka ah ee Gaalada loo gacan galin rabo habayn kastana Sida
uu san Alle raalida ka ahayn loola Dhaqmaayo.
Jamaal Mahamuud Ahmed Shuuriye
Kenya_Nairobi
Afeef: Aragtida qoraalkan waxaa leh
qoraaga ku saxiixan
Daabaco
Boggan | Print
BAAQA
CAALAMIGA EE XUQUUQDA AADANAHA OO AFSOOMAALI AH GUJI....
